ការនាំចេញពីកម្ពុជាទៅជប៉ុនមានទំហំទឹកប្រាក់ចំនួន ៦២៧ លានដុល្លារក្នុងរយៈពេល ៤ ខែដំបូងនៃឆ្នាំនេះ

ការនាំចេញពីកម្ពុជាទៅជប៉ុនមានទំហំទឹកប្រាក់ចំនួន ៦២៧ លានដុល្លារក្នុងរយៈពេល ៤ ខែដំបូងនៃឆ្នាំនេះ

យោងតាមតួលេខរបស់អង្គការពាណិជ្ជកម្មក្រៅប្រទេសជប៉ុន (JETRO) បង្ហាញថាគិតចាប់ពីខែមករាដល់ខែមេសាក្នុងឆ្នាំនេះ ពាណិជ្ជកម្មទ្វេភាគីរវាងប្រទេសទាំងពីរបានកើនឡើងចំនួន ៤ ភាគរយដល់ ៧៧៨ លានដុល្លារ។

ក្នុងរយៈពេលដូចគ្នានេះដែរ ការនាំចូលរបស់កម្ពុជាពីប្រទេសជប៉ុនវិញមានតម្លៃ ១៥១ លានដុល្លារជាការកើនឡើងចំនួន ៣ ភាគរយ។

យោងតាមក្រសួងពាណិជ្ជកម្មកម្ពុជា ផលិតផល ដែលមានសក្តានុពលសម្រាប់នាំចេញពីប្រទេសកម្ពុជាទៅកាន់ប្រទេសជប៉ុនមានដូចជាសម្លៀកបំពាក់ ស្បែកជើង និងគ្រឿងអេឡិចត្រូនិច។

គួរបញ្ជាក់ឲ្យដឹងផងដែរថា ពាណិជ្ជកម្មទ្វេភាគីរវាងប្រទេសទាំងពីរកាលពីឆ្នាំមុនបានកើនឡើង ១៣ ភាគរយ ដែលមានទំហំទឹកប្រាក់ចំនួន ២,២៩២ លានដុល្លារ៕​

（ប្រភពព័ត៌មាន: khmertimeskh.com）