កន្លងមកប្រទេសកម្ពុជាបានធ្វើការនាំចូលដំឡូងបារាំងពីប្រទេសជិតខាង រាប់ពាន់តោនក្នុងមួយឆ្នាំៗ ឥឡុវនេះ ក្រសួងកសិកម្ម រុក្ខាប្រមាញ់ និង នេសាទមានគម្រោងចំណាយថវិកាប្រមាណជា ៣,៥លានដុល្លារ លើការផលិតពូជដំឡូងបារាំង នៅខេត្តមណ្ឌគិរី សម្រាប់ផ្គត់ផ្គង់ទីផ្សារក្នុងស្រុក ។
រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ ឯកឧត្តម វេង សាខុន បានមានប្រសាសន៍ថា ការជ្រើសរើសខេត្តមណ្ឌលគិរី ដើម្បីធ្វើការផលិតពូជ និង ដាំដុះដំទ្បូងបារាំងនេះ ដោយសារអាកាសធាតុ នៅខេត្តនេះ មានលក្ខណៈអំណោយផល និង ដីមានជីជាតិ តែអ្វីដែលជាបញ្ហាចោទគឺហេដ្ឋារចនាសម្ព័ន្ធប្រព័ន្ធទឹក ដែលមិនមានដល់កន្លែងដាំ ។ ហើយនៅពេល វីរុសកូវីដ១៩
ត្រូវបានបញ្ចប់ ការផលិតពូជដំទ្បូង និង ការដាំដុះ ដើម្បីទទួលទិន្នផលខ្ពស់នឹងចាប់ផ្តើម នៅខេត្តភាគឦសាន្តមួយនេះ ។ ហើយក្រសួង គ្រោងថវិការ ប្រមាណជា ៣,៥លានដុល្លារ ក្នុងការចំណាយលើការផលិតពូជដំទ្បូងបារាំង នៅខេត្តមណ្ឌលគិរី ដោយការចាប់ដៃគូរជាមួយប្រទេសកូរ៉េខាងត្បូង ។ បន្ទាប់ពីជោគជ័យក្នុងការផលិតដំទ្បូងបារាំងនេះ កម្ពុជានឹងកាត់បន្ថយការនាំចូលដំទ្បូងបារាំងពីប្រទេសជិតខាង។ កន្លងមកប្រទេសកម្ពុជា បានធ្វើការនាំចូលដំឡូងបារាំងពីប្រទេសជិតខាងជាង ៥ពាន់តោនក្នុង១ឆ្នាំៗ ។ 
ដំណាំដំទ្បូងបារាំងនេះ ត្រូវបានដាំសាកល្បង នៅខេត្តមណ្ឌលគិរី កាលពីឆ្នាំ២០១៩ ហើយឃើញថា ទទួលបានទិន្នផលខ្ពស់ប្រមាណ ១៨តោនលើផ្ទៃដាំដុះ១ហិកតា ។ ដោយអ្នកដាំអាចរកចំណូលបានពី១៥ ០០០ដុល្លារ ទៅ ១៧០០០ដុល្លារ គ្រាន់តែការដាំដុះ រយៈពេលត្រឹមតែ ៣ខែប៉ុណ្ណោះ ៕
（ប្រភពព័ត៌មាន: popular.com.kh）
មតិពីមិត្តអ្នកអាន