រួមដៃជំនះពុះពារលើការលំបាកជាមួយប្រជាជនវៀតណាម

បន្តផ្សព្វផ្សាយ និងពង្រឹងចំណងសាមគ្គីភាព និងមិត្តភាពរវាងវៀតណាម និងកម្ពុជា

សម័យប្រជុំលើកទី ២២ នៃគណៈកម្មាធិការអចិន្ត្រៃយ៍រដ្ឋសភា

រូបថតឧទាហរណ៍

ជាច្រើនឆ្នាំមកនេះ កុមារនៅមជ្ឈមណ្ឌលថែទាំកុមារកំព្រាកាកបាទក្រហមនៃទីក្រុង Da Nang មណ្ឌលកុមារកំព្រា Hoa Mai Vi Thanh (ខេត្ត Hau Giang) ... បានស្គាល់ម៉ោងរៀនភាសាអង់គ្លេសរបស់ "អ្នកគ្រូចំណាស់" Leslie Palmer ។ លោកស្រីគឺជាអ្នកស្ម័គ្រចិត្តម្នាក់នៃអង្គការ Activity International (AI) ដែលជាអង្គការក្រៅរដ្ឋាភិបាលរបស់ប្រទេសហូឡង់។ មានវត្តមាននៅប្រទេសវៀតណាមតាំងពីឆ្នាំ ២០១៤ មក អ្នកស្ម័គ្រចិត្ត AI បានមើលថែកុមារកំព្រា ជនពិការ និងជនជួបការលំបាកជាច្រើននៅទីក្រុង Da Nang និង Hau Giang ដោយជួយឱ្យពួកគេមានជំនាញភាសាអង់គ្លេសកាន់តែច្រើន ចំណានរស់នៅ លេងកំសាន្តកីឡា........។

នៅខែមីនា ឆ្នាំ ២០២០ គម្រោង "ការកសាងតំបន់ព្យាបាលកាយសម្បទា និងស្តារនីតិសម្បទា" ដែលជំនួយដោយ AI ត្រូវបានដាក់ឱ្យប្រើប្រាស់នៅទីក្រុង Hau Giang ។ ដោយចំណាយថវិកាសាងសង់ប្រមាណ ៦០០លានដុង គម្រោងនេះរួមមានបន្ទប់ព្យាបាលកាយសម្បទា បន្ទប់ស្តារនីតិសម្បទា និងសួនកុមារ បំពេញតម្រូវការនៃការព្យាបាល និងការថែទាំអ្នកជំងឺអោយបានទូលំទូលាយនៅមជ្ឈមណ្ឌលការងារសង្គមខេត្ត Hau Giang ។

នៅទីក្រុង Da Nang ក្នុងអំឡុងឆ្នាំ ២០១៤-២០១៩ តែមួយ AI បានបញ្ជូនអ្នកស្ម័គ្រចិត្តអន្តរជាតិជាង ៣០០ នាក់ទៅជួយឧបត្ថម្ភសម្ភារៈសង្គម និងសាលារៀនដែលខ្វះខាតក្នុងទីក្រុង។ អ្នកស្មគ្រ័ចិត្តគាំទ្រការថែទាំសុខភាពផ្លូវកាយ និងផ្លូវចិត្តសម្រាប់អ្នកជំងឺនៅតាមមណ្ឌលការងារសង្គម ជួយកុមារឱ្យស្គាល់ភាសាអង់គ្លេស និងគៀងគរមូលនិធិសម្រាប់ការវិនិយោគលើសម្ភារៈបរិក្ខារ ការថែទាំសុខភាព និងសកម្មភាពព្យាបាល ការអប់រំក្រៅម៉ោងសិក្សា...

ចែករំលែកជាមួយសារព័ត៌មាន លោក Dang Van Quoc Viet នាយកកម្មវិធី AI ប្រចាំនៅវៀតណាមបានមានប្រសាសន៍ថា៖ “យើងកំពុងរក្សាក្រុមអ្នកស្ម័គ្រចិត្តអន្តរជាតិ ដែលជួយសម្រួលការងាររបស់បុគ្គលិកថែទាំសង្គមជាប្រចាំ, ផ្តល់សំណងដោយផ្នែកសម្រាប់គុណវិបត្តិនៃអ្នកស្ថិតក្នុងកាលៈទេសៈអកុសល និងរួមចំណែកកសាងការយល់ដឹងកាន់តែច្បាស់អំពីវៀតណាមសម្រាប់មិត្តភក្តិអន្តរជាតិ"៕

ឌឹកអាញ់

Thoidai.com.vn