ថៃពង្រឹងកិច្ចសហប្រតិបត្តិការជាមួយវៀតណាម តាមរយៈគម្រោងតភ្ជាប់ជាច្រើន

វៀតណាមលើកពាន AFF U23 លើកដំបូង ក្រោយយកឈ្នះថៃ ១-០ មុននេះ នៅពហុកីឡដ្ឋានជាតិមរតកតេជោ

វៀត​ណាម​នឹង​យកឈ្នះ​លើ​ការ​រាតត្បាត​យ៉ាង​ខ្លាំងក្លា​

ថៃពង្រឹងកិច្ចសហប្រតិបត្តិការជាមួយវៀតណាម តាមរយៈគម្រោងតភ្ជាប់ជាច្រើន

នៅក្នុងជំនួបនេះ លោកឯកអគ្គរដ្ឋទូត Phan Chi Thanh បានសម្តែងក្តីរីករាយចំពោះការអភិវឌ្ឍន៍ដ៏ល្អនៃទំនាក់ទំនងភាពជាដៃគូយុទ្ធសាស្ត្រវៀតណាម - ថៃ។ ថៃ​បន្ត​ជា​ដៃគូ​ពាណិជ្ជកម្ម​ធំ​បំផុត​របស់​វៀតណាម​ក្នុង​អាស៊ាន និង​ជា​អ្នក​វិនិយោគ​ធំ​ទី​៨​នៅ​វៀតណាម។

លោកឯកអគ្គរដ្ឋទូតបានអះអាងថា ការបើកចំហពេញលេញរបស់វៀតណាមនឹងគាំទ្រយ៉ាងសកម្មការស្តារឡើងវិញនូវកិច្ចសហប្រតិបត្តិការដឹកជញ្ជូនរវាងប្រទេសទាំងពីរបន្ទាប់ពីការផ្អាករយៈពេល ២ ឆ្នាំដោយសារការរាតត្បាតកូវីដ-១៩ រួមចំណែកជួយដល់ការស្តារសេដ្ឋកិច្ចរបស់ប្រទេសទាំងពីរ។ ការតភ្ជាប់ផ្លូវថ្នល់រវាងវៀតណាម ឡាវ និងថៃ នឹងរួមចំណែកលើកកម្ពស់ការតភ្ជាប់តំបន់ភូមិភាគឦសាននៃប្រទេសថៃ ខេត្តភាគកណ្តាលឡាវ ជាមួយវៀតណាមទៅកាន់ទីផ្សារធំៗ ដូចជាសហរដ្ឋអាមេរិក ចិន កូរ៉េ។ល។

លោកឯកអគ្គរដ្ឋទូតបានស្នើថា លោករដ្ឋមន្ត្រី Saksayam Chidchob បន្តបង្កើតលក្ខខណ្ឌអំណោយផលសម្រាប់សហគ្រាសដឹកជញ្ជូនវៀតណាមដែលកំពុងប្រតិបត្តិការនៅប្រទេសថៃ រួមចំណែកពង្រឹងទំនាក់ទំនងកិច្ចសហប្រតិបត្តិការអាកាសចរណ៍រវាងប្រទេសទាំងពីរ និងជំរុញការវិនិយោគពាណិជ្ជកម្ម ការធ្វើដំណើរទ្វេភាគី។

រដ្ឋមន្ត្រី Saksayam Chidchob បានអបអរសាទរវៀតណាមដែលបានចាត់វិធានការជាច្រើនដើម្បីគ្រប់គ្រងការរាតត្បាត ការអនុវត្តផែនទីបង្ហាញផ្លូវដើម្បីបើក និងស្តារសេដ្ឋកិច្ចឡើងវិញ ជាពិសេសថ្មីៗនេះបានសម្រេចចិត្តបើកជើងហោះហើរអន្តរជាតិឡើងវិញទៅកាន់ប្រទេសជាង ២០ រួមទាំងប្រទេសថៃផងដែរ។

លោករដ្ឋមន្ត្រី Saksayam បានឲ្យដឹងថា នាពេលថ្មីៗនេះ ប្រទេសថៃកំពុងអនុវត្តគម្រោងតភ្ជាប់ជាច្រើន ដូចជាស្ពាន ផ្លូវថ្នល់ និងផ្លូវហាយវេជាមួយមូលដ្ឋាននៃប្រទេសឡាវ ដោយហេតុនោះ រួមចំណែកក្នុងការលើកកម្ពស់ការតភ្ជាប់ជាមួយប្រទេសវៀតណាម ជំរុញ និងសម្រួលដល់សកម្មភាពភស្តុភាររវាងប្រទេសទាំងពីរ។ លើសពីនេះ នឹងជួយឧបត្ថម្ភ និងបង្កើតលក្ខខណ្ឌអំណោយផលសម្រាប់អាជីវកម្មដឹកជញ្ជូនរបស់វៀតណាមនៅប្រទេសថៃ រួមចំណែកជំរុញថែមទៀតកិច្ចសហប្រតិបត្តិការវិនិយោគ ពាណិជ្ជកម្ម និងទេសចរណ៍រវាងប្រទេសទាំងពីរ៕

ហេង វុធ្ធី