សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh ទទួលគ្រឿងឥស្សរិយយសហុងហ្ការី ថ្នាក់សហសេវិក

នាថ្ងៃទី ១២ មិថុនា នៅទីក្រុងហាណូយ ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋហុងហ្ការីប្រចាំនៅវៀតណាម លោក Tibor Baloghdi បានប្រគល់គ្រឿងឥស្សរិយយសហុងហ្ការី ថ្នាក់សហសេវិក ជូនចំពោះ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh ប្រធានសមាគមមិត្តភាពវៀតណាម - ហុងហ្ការី ប្រធានក្រុមប្រឹក្សាវិទ្យាសាស្ត្រ និងការបណ្តុះបណ្តាលនៃសាកលវិទ្យាល័យវិទ្យាសាស្ត្រធម្មជាតិ (សាកលវិទ្យាល័យជាតិហាណូយ) និងជាប្រធានសមាគមគណិតវិទ្យាវៀតណាម។

ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋហុងហ្ការីប្រចាំនៅវៀតណាម លោក Tibor Baloghdi បានប្រគល់គ្រឿងឥស្សរិយយសហុងហ្ការី ថ្នាក់សហសេវិក ជូនចំពោះ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh។

យោងតាមព័ត៌មានពីសមាគមមិត្តភាពវៀតណាម - ហុងហ្ការី រង្វាន់កិត្តិយសរបស់រដ្ឋហុងហ្ការីនេះ គឺដើម្បីជាការទទួលស្គាល់នូវការរួមចំណែកយ៉ាងយូរអង្វែង និងប្រកបដោយប្រសិទ្ធភាពរបស់ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh ក្នុងការអភិវឌ្ឍទំនាក់ទំនងសហប្រតិបត្តិការវិទ្យាសាស្ត្ររវាងប្រទេសទាំងពីរ ទន្ទឹមនឹងនោះ ធ្វើការផ្លាស់ប្តូរថ្មីនូវសកម្មភាពការងាររបស់សមាគមមិត្តភាពវៀតណាម - ហុងហ្ការី។

មានប្រសាសន៍នៅក្នុងពិធីនោះ ឯកអគ្គរដ្ឋទូត Tibor Baloghdi បានកោតសរសើរចំពោះការរួមចំណែកដ៏ជាក់ស្តែងរបស់ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh ចំពោះទំនាក់ទំនងវៀតណាម - ហុងហ្ការី ជាពិសេសនៅក្នុងវិស័យវិទ្យាសាស្ត្រ អប់រំ និងការផ្លាស់ប្តូររវាងប្រជាជននិងប្រជាជន។

ដោយសម្តែងនូវកិត្តិយសយ៉ាងក្រៃលែងនៅពេលទទួលបានរង្វាន់កិត្តិយសនេះ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh បានឱ្យដឹងថា ប្រទេសហុងហ្ការី គឺជាស្រុកកំណើតទីពីររបស់លោក ដែលជាទីកន្លែងដែលលោកបានចំណាយពេលជាច្រើនឆ្នាំដើម្បីសិក្សារៀនសូត្រ ប្រកបជីវភាពរស់នៅ និងផ្សារភ្ជាប់ជិតស្និទ្ធតាំងពីសម័យវ័យក្មេង។

តំណាងគណៈអឺរ៉ុប (សហភាពបណ្តាអង្គការមិត្តភាពវៀតណាម) និងសមាគមមិត្តភាពវៀតណាម - ហុងហ្ការី ចូលរួមសម្តែងការអបអរសាទរចំពោះ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh។

លោកបានមានប្រសាសន៍បន្ថែមទៀតថា រង្វាន់កិត្តិយសនេះមិនមែនសម្រាប់តែរូបលោកផ្ទាល់នោះទេ ប៉ុន្តែក៏ជាការទទួលស្គាល់ចំពោះជួរអតីតនិស្សិតវៀតណាមគ្រប់ជំនាន់ដែលធ្លាប់បានសិក្សានៅប្រទេសហុងហ្ការី បណ្តាសមាជិកនៃសមាគមមិត្តភាពវៀតណាម - ហុងហ្ការី និងអស់លោកអ្នកដែលបានរួមចំណែកពូនជ្រំដល់ចំណងមិត្តភាពរវាងប្រជាជាតិនៃប្រទេសទាំងពីរ។

បើតាមប្រសាសន៍របស់ សាស្ត្រាចារ្យ បណ្ឌិតវិទ្យាសាស្ត្រ Vu Hoang Linh នៅក្នុងពេលខាងមុខ លោកនឹងបន្តជំរុញការផ្លាស់ប្តូររវាងប្រជាជននិងប្រជាជន ពង្រីកកិច្ចសហប្រតិបត្តិការនៅក្នុងវិស័យអប់រំ វិទ្យាសាស្ត្រ និងការបណ្តុះបណ្តាលប្រភពធនធានមនុស្សប្រកបដោយគុណភាពខ្ពស់ រួមចំណែកធ្វើឱ្យទំនាក់ទំនងមិត្តភាពប្រពៃណីរវាងវៀតណាម និងហុងហ្ការី កាន់តែមានភាពជ្រាលជ្រៅបន្ថែមទៀត៕

Quang Linh Vlogs និង "ក្រុម" អាហ្រ្វិក៖ បំផុសទំនាក់ទំនងរវាងប្រជាជនវៀតណាម និងអង់ហ្គោឡា យុគសម័យ - នាថ្ងៃទី ៣ មិថុនា អនុរដ្ឋមន្ត្រីក្រសួងការបរទេស ប្រធានគណៈកម្មាធិការរដ្ឋទទួលបន្ទុកកិច្ចការវៀតណាមនៅឯបរទេស Le Thi Thu Hang បានជួបសន្ទនាជាមួយលោក Pham Quang Linh (Quang Linh Vlogs) និង “ក្រុម” អាហ្រ្វិក (ក្រុមយុវជនវៀតណាមបានរួមចំណែកឆ្នើមជាច្រើនដល់ប្រជាជនអង់ហ្គោឡា និងវៀតណាម) ក្នុងឱកាសដែលក្រុមនេះត្រឡប់ទៅវៀតណាមវិញសម្រាប់សកម្មភាពស្ម័គ្រចិត្ត។

សាស្ត្រាចារ្យ​ជប៉ុន​ទទួល​បាន​កិត្តិនាម​ជា "​ពលរដ្ឋ​កិត្តិយស Dong Khoi" នៅ​ខេត្ត Ben Tre យុគសម័យ - ជាមួយនឹងការរួមចំណែកជាវិជ្ជមាន និងការយកចិត្តទុកដាក់ក្នុងការកសាង និងអភិវឌ្ឍន៍ខេត្ត Ben Tre សាស្ត្រាចារ្យ និងវេជ្ជបណ្ឌិតផ្នែកវេជ្ជសាស្ត្រ Nagato បានទទួលកិត្តិនាមជា “ពលរដ្ឋកិត្តិយស Dong Khoi” ក្នុងពិធីអបអរសាទរទំនាក់ទំនងមិត្តភាព និងកិច្ចសហប្រតិបត្តិការរវាង Ben Tre និង Japanese Cleft Lip and Palate Association ...

ឌឹកអាញ់

thoidai.com.vn