ការប្រកួតកីឡាបាល់ទាត់សហគមន៍ប្រជាជនវៀតណាមនៅប្រទេសជប៉ុន

ការប្រកួតនេះត្រូវបានរៀបចំឡើងដោយអង្គការដោះដូរប្រាស្រ័យទាក់ទងអន្តរជាតិវៀតណាម ជប៉ុន (FAVIJA) ក្រោមការឧបត្ថម្ភគាំទ្រពីអគ្គកុងស៊ុលវៀតណាមប្រចាំនៅក្រុង Osaka។

នេះគឺជាការប្រកួតស្ថិតនៅក្នុងកម្រងបណ្ដាព្រឹត្តិការណ៍ដោះដូរវប្បធម៌ កីឡា ដើម្បីអបអរសាទរខួបលើកទី ១៣៦ នៃទិវាបំពេញកំណើតរបស់ប្រធាន Ho Chi Minh របស់សហគមន៍ប្រជាជនវៀតណាមនៅដែនដីផ្កាសាគូរ៉ា។

មានក្រុមបាល់ទាត់មិនអាជីពរបស់ប្រជាជនវៀតណាមចំនួន ២៨ ក្រុមចូលរួម។

ការប្រកួតនេះបានប្រមូលផ្តុំក្រុមបាល់ទាត់មិនអាជីពរបស់ប្រជាជនវៀតណាមចំនួន ២៨ ក្រុមនៅប្រទេសជប៉ុន ដែលត្រូវបានជ្រើសរើសចេញពីចំណោមក្រុមចុះឈ្មោះចូលរួមជិត ៤០ ក្រុម។ ជាការគួរឱ្យកត់សម្គាល់ មានក្រុមជាច្រើនមានការចូលរួមដោះដូរប្រកួតពីសំណាក់បណ្ដាកីឡាករជប៉ុន ដែលរួមចំណែកបង្កើនសាមគ្គីភាព និងការតភ្ជាប់វប្បធម៌រវាងសហគមន៍ប្រជាជនវៀតណាមជាមួយប្រជាពលរដ្ឋម្ចាស់ផ្ទះ។ បណ្ដាក្រុមត្រូវបានបែងចែកជា ៧ ពូល ប្រកួតវិលជុំ មុនពេលឈានចូលទៅកាន់វគ្គជម្រុះដោយផ្ទាល់ ដែលប្រព្រឹត្តទៅក្នុងពេលដំណាលគ្នានៅលើទីលានបាល់ទាត់ចំនួន ៨។

ថ្លែងមតិនៅក្នុងពិធីបើក លោក Nguyen Truong Son អគ្គកុងស៊ុលវៀតណាមប្រចាំនៅ Osaka បានសម្តែងនូវការត្រេកអរចំពោះការអភិវឌ្ឍកាន់តែធំធាត់ខ្លាំងក្លានៃសហគមន៍ប្រជាជនវៀតណាមនៅប្រទេសជប៉ុននិយាយជារួម និងនៅតំបន់ Kansai និយាយដោយឡែក។ លោកបានសង្កត់ធ្ងន់ថា ការប្រកួតនេះមិនត្រឹមតែជាទីលានលេងកីឡាដ៏មានសុខភាពល្អ រួមចំណែកផ្សារភ្ជាប់សហគមន៍ និងជំរុញការដោះដូរប្រាស្រ័យទាក់ទងជាមួយប្រជាពលរដ្ឋក្នុងស្រុកប៉ុណ្ណោះទេ ប៉ុន្តែថែមទាំងមានអត្ថន័យដ៏ពិសេស ក្នុងឱកាសដែលសហគមន៍ទាំងមូលឆ្ពោះទៅរកប្រធាន Ho Chi Minh ដោយក្តីដឹងគុណ និងសេចក្តីគោរពក្រៃលែង នាឱកាសរំលឹកខួបនៃទិវាបំពេញកំណើតរបស់លោក។

បណ្ដាកីឡាករប្រកួតគ្នានៅលើទីលាន។

អគ្គកុងស៊ុល លោក Nguyen Truong Son បានឱ្យដឹងបន្ថែមថា ការចូលរួមហ្វឹកហាត់កីឡាក៏ជានិរន្តរភាពនៃការអនុវត្តតាមដំបូន្មានរបស់លោកពូ (លោកប្រធាន Ho Chi Minh) «ការហ្វឹកហាត់កាយសម្ព័ន្ធ ថែបំប៉នសុខភាព គឺជាកាតព្វកិច្ចរបស់ជនស្នេហាជាតិនីមួយៗ»។

ការប្រកួតបានប្រព្រឹត្តទៅក្នុងបរិយាកាសដោះដូរប្រាស្រ័យទាក់ទងគ្នាយ៉ាងរីករាយ និងស្និទ្ធស្នាល រវាងអាណិកជនយើងជាមួយប្រជាពលរដ្ឋក្នុងស្រុក។ ក្រោយរយៈពេលមួយថ្ងៃនៃការប្រកួតយ៉ាងស្វិតស្វាញ គួរឱ្យរំភើប និងជក់ចិត្ត ពានរង្វាន់ជើងឯកបានធ្លាក់ទៅលើក្រុម FC T-Connect Binh Dinh។ ក្រុមរងជើងឯកបានទៅលើក្រុម FC Thanh Hoa Osaka។ ក្រុមចំនួន ២ ដែលទទួលបានចំណាត់ថ្នាក់លេខ ៣ រួមគ្នា គឺក្រុម FC IGA និងក្រុម FC 73 HD Telecom។

ពានរង្វាន់ជើងឯក (Cup ជើងឯក) បានធ្លាក់ទៅលើក្រុម FC T-Connect Binh Dinh។

គណៈកម្មការរៀបចំក៏បានប្រគល់បណ្ដារង្វាន់បុគ្គលផងដែរ ដោយក្នុងនោះ កីឡាករ Jonathan oshiro របស់ក្រុម FC J-Connect ទទួលបានពានរង្វាន់អ្នកទាត់បញ្ចូលទីបានច្រើនជាងគេ (ស្តេចទម្លាយសំណាញ់ទី), កីឡាករ Le Quoc Hieu ទទួលបានពានរង្វាន់អ្នកចាំទីឆ្នើមបំផុត និងកីឡាករ Pablo Miura ទទួលបានពានរង្វាន់កីឡាករឆ្នើមបំផុត ដែលកីឡាករទាំងពីររូបនេះសុទ្ធតែមកពីក្រុម FC T-Connect Binh Dinh។

យោងតាមលោក Do Quang Ba ប្រធាន FAVIJA បានឱ្យដឹងថា ក្រុមបាល់ទាត់ទាំង ៤ ដែលសម្រេចបានស្នាដៃឆ្នើមបំផុតក្នុងការប្រកួតនេះ ក៏នឹងទទួលបានសិទ្ធិចូលរួមមហាក្រឹត្យាកីឡាបាល់ទាត់ដណ្តើមពានរង្វាន់ជើងឯកទូទាំងប្រទេស របស់ប្រជាជនវៀតណាមនៅប្រទេសជប៉ុន ដែលគ្រោងនឹងរៀបចំឡើងនៅពាក់កណ្តាលខែវិច្ឆិកា ឆ្នាំ ២០២៦ នៅរាជធានី Tokyo៕

ស្វែងរកដំណោះស្រាយរក្សាភាសាវៀតណាមនៅតំបន់ Kyushu (ប្រទេសជប៉ុន) យុគសម័យ - កាលពីថ្ងៃទី ១៨ ខែមេសា ឆ្នាំ ២០២៦ អគ្គកុងស៊ុល វៀតណាម ប្រចាំនៅ Fukuoka ប្រទេស ជប៉ុន បានសហការជាមួយបណ្តាញបង្រៀនភាសាវៀតណាម និងថែរក្សាវប្បធម៌វៀតណាមសកល ព្រមទាំងបណ្តាសមាគមជនជាតិ វៀតណាម នៅតំបន់ Kyushu, Okinawa និងតំបន់ភាគកណ្តាលភាគខាងត្បូងនៃប្រទេស ជប៉ុន បានរៀបចំដោយជោគជ័យនូវអង្គពិភាក្សា "ភាសាវៀតណាមក្នុងដួងចិត្ត Kyushu, ...

ភាពរស់រវើកនៃពានរង្វាន់បាល់ទាត់សហគមន៍វៀតណាម នៅតំបន់ Kyushu ប្រទេសជប៉ុន យុគសម័យ - នាថ្ងៃទី ១២ ខែមេសា នៅទីលានកីឡានៃមហាវិទ្យាល័យកាតូលិក Fukuoka បានប្រព្រឹត្តទៅនូវពានរង្វាន់បាល់ទាត់ FAVIJA AVF KYUSHU CUP 2026 ដែលជាពានរង្វាន់បាល់ទាត់របស់សហគមន៍ប្រជាជនវៀតណាម នៅតំបន់ Kyushu។

ឌឹកអាញ់

thoidai.com.vn