យុគសម័យ - ចំណុចលេចធ្លោនៃសិក្ខាសាលា គឺពិធីចុះហត្ថលេខាលើកំណត់ហេតុនៃការយោគយល់គ្នាជាច្រើន ស្តីពីកិច្ចសហប្រតិបត្តិការរវាងការិយាល័យពាណិជ្ជកម្មវៀតណាមប្រចាំនៅកូរ៉េខាងត្បូង ការិយាល័យវិទ្យាសាស្ត្រ និងបច្ចេកវិទ្យាវៀតណាមប្រចាំនៅកូរ៉េខាងត្បូង ជាមួយបណ្តាដៃគូកូរ៉េខាងត្បូង។
 |
| ឯកអគ្គរដ្ឋទូត លោក Vu Ho ជូនផ្កាថ្លែងអំណរគុណដល់បណ្តាសហគ្រាសកូរ៉េខាងត្បូង។ |
កាលពីម្សិលមិញ (ថ្ងៃទី ១២ ឧសភា) នៅទីក្រុងសេអ៊ូល កូរ៉េខាងត្បូង ស្ថានទូតវៀតណាមប្រចាំនៅកូរ៉េខាងត្បូង បានសហការជាមួយការិយាល័យពាណិជ្ជកម្មវៀតណាម រៀបចំសិក្ខាសាលាក្រោមប្រធានបទ “ពង្រឹងកិច្ចសហប្រតិបត្តិការសេដ្ឋកិច្ចវៀតណាម - កូរ៉េខាងត្បូង ក្នុងបរិបទថ្មី”។
ថ្លែងមតិបើកសិក្ខាសាលា ឯកអគ្គរដ្ឋទូតវៀតណាមប្រចាំនៅកូរ៉េខាងត្បូង លោក Vu Ho បានសង្កត់ធ្ងន់ថា កិច្ចសហប្រតិបត្តិការសេដ្ឋកិច្ចបន្តជាសសរស្តម្ភដ៏សំខាន់ក្នុងទំនាក់ទំនងទ្វេភាគី។ តាមលោកឯកអគ្គរដ្ឋទូត ប្រទេសទាំងពីរចាំបាច់ត្រូវពង្រីកលក្ខណៈបំពេញឱ្យគ្នាទៅវិញទៅមកនៃខឿនសេដ្ឋកិច្ចទាំងពីរ ពង្រីកកិច្ចសហប្រតិបត្តិការលើបណ្តាវិស័យយុទ្ធសាស្ត្រ ដូចជា៖ បញ្ញាសិប្បនិម្មិត (AI) ឧបករណ៍ពាក់កណ្តាលចម្លង ថាមពលស្អាត ការផ្លាស់ប្តូរឌីជីថល និងនវានុវត្តន៍។ ទន្ទឹមនឹងនោះ លោកបានអះអាងថា វៀតណាមបន្តកែលម្អបរិយាកាសវិនិយោគ ជំរុញការកែទម្រង់ស្ថាប័ន និងរួមដំណើរជាមួយសហគ្រាសបរទេស ដែលក្នុងនោះមានសហគមន៍សហគ្រាសកូរ៉េខាងត្បូងផងដែរ។
នៅក្នុងសិក្ខាសាលា សហគ្រាសកូរ៉េខាងត្បូងជាច្រើនបានវាយតម្លៃថា វៀតណាមគឺជាគោលដៅវិនិយោគដ៏ទាក់ទាញ និងបានជំរុញកិច្ចសហប្រតិបត្តិការលើការផ្លាស់ប្តូរថាមពល បច្ចេកវិទ្យាឌីជីថល ការបណ្តុះបណ្តាលធនធានមនុស្សដែលមានគុណភាពខ្ពស់ និងការអភិវឌ្ឍបណ្តាវិស័យបច្ចេកវិទ្យាយុទ្ធសាស្ត្រ។
ចំណុចលេចធ្លោនៃសិក្ខាសាលា គឺពិធីចុះហត្ថលេខាលើកំណត់ហេតុនៃការយោគយល់គ្នាជាច្រើន ស្តីពីកិច្ចសហប្រតិបត្តិការរវាងការិយាល័យពាណិជ្ជកម្មវៀតណាមប្រចាំនៅកូរ៉េខាងត្បូង ការិយាល័យវិទ្យាសាស្ត្រ និងបច្ចេកវិទ្យាវៀតណាមប្រចាំនៅកូរ៉េខាងត្បូង ជាមួយបណ្តាដៃគូកូរ៉េខាងត្បូង ដូចជា៖ KOEN, KNP, G-Tops និង Megazone Cloud លើវិស័យថាមពល ក្លោដ ការផ្លាស់ប្តូរឌីជីថល ការបណ្តុះបណ្តាលធនធានមនុស្ស និងការតភ្ជាប់សហគ្រាស៕
 វៀតណាម - កូរ៉េខាងត្បូង ឆ្ពោះទៅកាន់គោលដៅពាណិជ្ជកម្មទ្វេភាគី ១៥០ ពាន់លានដុល្លារអាមេរិក យុគសម័យ - នារសៀលថ្ងៃទី ២២ ខែមេសា ភ្លាមៗបន្ទាប់ពីពិធីទទួលបដិសណ្ឋារកិច្ចកម្រិតរដ្ឋនៅវិមានប្រធានាធិបតី អគ្គលេខាបក្ស និងជាប្រធានរដ្ឋ លោក To Lam បានធ្វើកិច្ចពិភាក្សាទ្វេភាគីជាមួយប្រធានាធិបតី កូរ៉េខាងត្បូង លោក Lee Jae Myung ដែលកំពុងមានដំណើរទស្សនកិច្ចផ្លូវរដ្ឋនៅ វៀតណាម។ |
 វៀតណាម និង កូរ៉េខាងត្បូង ខិតខំសម្រេចឱ្យបាននូវទំហំពាណិជ្ជកម្មទ្វេភាគី ១៥០ ពាន់លានដុល្លារអាមេរិក នៅឆ្នាំ ២០៣០ យុគសម័យ - នារសៀលថ្ងៃទី ២២ ខែមេសា នៅវិមានប្រធានាធិបតី អគ្គលេខាបក្ស និងជាប្រធានរដ្ឋ លោក To Lam និងភរិយា បានដឹកនាំពិធីទទួលបដិសណ្ឋារកិច្ចជាផ្លូវការចំពោះប្រធានាធិបតី កូរ៉េខាងត្បូង លោក Lee Jae Myung និងភរិយា ក្នុងឱកាសអញ្ជើញមកបំពេញទស្សនកិច្ចផ្លូវរដ្ឋនៅ វៀតណាម ចាប់ពីថ្ងៃទី ២១ ដល់ថ្ងៃទី ២៤ ... |
មតិពីមិត្តអ្នកអាន