ស្ថានភាពទូទៅនៅតាមផ្សារនានាក្នុងរាជធានីភ្នំពេញហាក់នៅជាធម្មតាអ្នកលក់និងអ្នកទិញទៅមកទិញដូរម្ហូបអាហារសម្ភារប្រើប្រាស់ផ្សេងៗដែលជាតម្រូវការចាំបាច់ប្រចាំថ្ងៃរបស់ពួកគាត់។ដូចសព្វថ្ងៃដដែលទោះក្នុងស្ថាភាពមានជំងឺវីរុសកូវីដ១៩រាតត្បាតក៏ដោយបើមិនមកផ្សារបានអីទទួលទាននិងប្រើប្រាស់។
ប៉ូលីសកំពុងវាស់សីតុណ្ហភាពរាងរាយជនបរទេសនៅផ្សារថ្មីធំ
អ្វីដែលគួរឱ្យចាប់អារមណ៍នោះកាលពីព្រឹកថ្ងៃទី២១មីនានេះនៅតាមទីផ្សាមួយចំនួនក្នុងរាជធានីភ្នំពេញដូចជាផ្សារធំថថ្មីជាដើមមិនមានការបិទផ្សារទេនៅតែបើកជាធម្មតាមានប្រជាជនភ្នំពេញនិងទេសចរណ៍មកជាធម្មតា។ចំណែក លោក សៅ លីវន អនុប្រធានផ្សារធំថ្មីបានបញ្ជាក់ចំនួនភ្ញៀវថយចុះតិចតួច ។ផ្សារឱ្យអាជីវករនិងទេសចរណ៍អនាម័យជាប្រចាំនៅផ្សារចាស់វិញក៏ដូចគ្នាដែរអ្នកលក់និងអ្នកទិញនៅទៅមកធម្មតា។
អ្នកដែលបានទៅផ្សារអូប្ញស្សីនាព្រឹកថ្ងៃទី២១មីនានេះក៏ថាផ្សារនៅមានអ្នកលក់ដូរដូចរាល់ថ្ងៃគ្រាន់តែអ្នកទិញសំលៀកបំពាក់និងអ្នកទិញមាសនិងប្រាក់មានការថយចុះបន្តិចក្រោយកើតជំងឺកូវីដ១៩។នៅផ្សារអូឡាំពិកដែលជាផ្សារលក់ដុំធំជាងគេនៅកម្ពុជាក៏សកម្មភាពនៅធម្មតាដែរគ្រាន់ថយបន្តិចតែមិនដល់មានការបីតផ្សានោះទេ។
ស្ថានការណ៍ទូទៅតាមផ្សារក្នុងរាជធានីភ្នំពេញអ្នកលក់និងអ្នកទិញមានភាពជាធម្មតា
រីឯក្រុមអាជីវករលក់សាច់បន្លែគ្រឿងទេសនិងអង្ករក្នុងផ្សារបឹងកេងកងក្នុងខណ្ឌបឹងកេងកងលើកឡើងថាការប្រកបរបរទទួលទានរបស់ពួកគាត់លក់ដាច់ជាធម្មតា ថែមទាំងលក់ដាច់ជាងមុនផងដែរ ។ខណៈលោកប្រធានផ្សារថាឥវ៉ាន់ផ្សេងៗមានការថយចុះមិនសូវមានអ្នកទិញនិងបានសំណូមពរឱ្យម្ចាស់តូបជួលជួយសម្រួលតម្លៃដល់អ្នកលក់កុំមានការដំឡើងថ្លៃក្នុងលក្ខណមនោសញ្ចេតនា។
យ៉ាងណាៗពាក់ព័ន្ធជាមួយនិងបញ្ហាអនាម័យខាងគណៈកម្មការផ្សារក្រៅពីណែនាំឱ្យមានទឹកអាល់កុលលាងដៃនៅតាមតូបនិមួយៗថែមទាំងបានដាក់អាល់កុលសំរាប់លាងដៃនៅតាមច្រកចេញចូលផ្សារផងដែរ។ជាមួយគ្នានោះផ្សារទួលទំពូងដែរជាផ្សារជនបរទេសចូលច្រើនក៏នៅតែមានការលក់ដូរនិងអ្នកទិញទៅមកដូចគ្នា។
ដោយឡែកសម្រាប់គណៈកម្មការផ្សារក៏បានរៀបចំវិធីក្នុងការបង្ការទប់ស្កាត់វីរុសកូវីដ១៩ផងដែរផ្សារដោយក្នុងមួយសប្តាហ៍ក្រុមការងារផ្សារបានលាងសម្អាតផ្សារម្តងហើយបើក្តៅខ្លាំងយើងបាញ់សំអាតរហូតដល់២ដង។យើងក៏បានដាក់អាកុលនៅតាមច្រកចេញចូលផ្សារចំនួន១៣ទីតាំងដើម្បីឲ្យប្រជាពលរដ្ឋក៏ដូចជាអាជីវករបានលាងដៃជាមួយគ្នានេះដែរយើងក៏បានធ្វើការណែនាំបងប្អូនប្រជាពលរដ្ឋឱ្យចេះពីវិធីនៃការបង្ការទប់ស្កាត់ វីរុសកូវីដ ១៩ (COVID-19)នេះផងដែរ។
ស្ថានការណ៍ទូទៅតាមផ្សារក្នុងរាជធានីភ្នំពេញអ្នកលក់និងអ្នកទិញមានភាពជាធម្មតា
គួរបញ្ជាក់ថា៖កន្លងមកលោកឃួងស្រេងអភិបាលរាជធានីភ្នំពេញបានណែនាំដល់លោកប្រធានគណៈកម្មការផ្សារទាំងអស់ទាំងផ្សាររដ្ឋនិងផ្សារឯកជនឱ្យរៀបចំពិធីសាស្ត្រក្នុងបង្ការនិងទប់ស្កាត់ការរីករាលដាលនៃជំងឺវីរុសកូវីដ១៩។មានដាក់អាកុលលាងដៃដល់អ្នកមកផ្សារនិងអ្នកលក់ដូរជាដើមទៅតាមការណែនាំរបស់រាជរដ្ឋាភិបាលកម្ពុជាផងដែរ។
គួរបញ្ជាក់ថា ក្រោយពីក្នុងប្រទេសកម្ពុជារកឃើញអ្នកផ្ទុកវីរុសកូវីដ-19 នោះ មានប្រជាពលរដ្ឋជាច្រើនបាននាំគ្នាដើរទិញអង្ករ ទឹកត្រី ទឹកស៊ីអុីវ និងរបស់របរហូបចុកក្រៀមៗស្តុកទុកហូបនៅផ្ទះរៀងៗខ្លួន ដោយសារតែមានការភ័យខ្លាចចំពោះការឆ្លងនូវជំងឺរលាកផ្លូវដង្ហើម(COVID-19) ។
ដោយហេតុនេះ បានធ្វើអោយផ្សារមួយចំនួននៅក្នុងរាជធានីភ្នំពេញ ដូចជាផ្សារអូឡាំពិក ផ្សារទួលទំពូង ផ្សារបឹងកេងកង មានសភាពស្ងាត់យ៉ាងខ្លាំង គឺមានតែអ្នកលក់ មិនមានអ្នកមករកទិញនោះទេ ហើយទៅតាមផ្សារនីមួយៗអាជីវករមួយចំនួននាំគ្នាបិទតូបចាប់ពី២០% ទៅ៣០% មិនបើកលក់ ដោយសារតែលក់មិនដាច់។ លោក យ៉ន យ៉ាន អនុគណៈកម្មាធិការផ្សារអូឡាំពិកបានប្រាប់ឱ្យដឹងថា ក្នុងពេលផ្ទុះវីរុស COVID-19 នេះមក អតិថិជនដើរផ្សារគឺមានការថយចុះច្រើនណាស់ ដោយអាជីវករនៅតែមកបើកតូបលក់ជារៀង រាល់ថ្ងៃ ជាធម្មតាទេ ដោយភាគច្រើននៅផ្សារនេះមានលក់សម្លៀកបំពាក់ខោអាវ បោះដុំ និងរាយ។
ទិដ្ឋភាពក្នុងផ្សារមួយនៅទីក្រុងភ្នំពេញ
លោកអនុគណៈកម្មាធិការផ្សារអូឡាំពិកបានបន្តថា ការបើកតូបលក់របស់ក្រុមអជីករនេះដែរ គឺពួកគាត់នាំគ្នាមកបើកលក់ដោយថ្ងៃ គឺថ្ងៃនេះពួកគាត់បិទ ប៉ុន្តែថ្ងៃស្អែកមកបើកលក់វិញក៏មាន គឺមិនទៀងទេ ដោយថ្ងៃណាលក់ដាច់ពួកគាត់នៅលក់ បើថ្ងៃណាមិនដាច់ពួកគាត់បិទតូបឈប់លក់នាំគ្នាទៅផ្ទះ។ ការស្ងាត់មិនមានអ្នកមកដើរផ្សារនេះដែរគឺដោយសារតែមានការភ័យខ្លាចឆ្លងជំងឺ COVID-19 តែខាងគណៈកម្មាធិការផ្សារអូឡាំពិក និងមជ្ឈមណ្ឌលពាណិជ្ជកម្មផ្សារ (ក្រុមហ៊ុនថៃប៊ុនរ៉ុង) ក៏បានដាក់អាល់កុល សាប៊ូ លាងដៃ នៅគ្រប់ទីកន្លែងទៅតាមការណែនាំរបស់ខាងក្រសួងសុខាភិបាលដែលបានណែនាំផងដែរ។
ស្ត្រីជាអ្នកលក់សាច់ចង្កាក់ម្នាក់នៅក្នុងផ្សារបឹងកេងកងបានរៀបរាប់ថា តាំងពីផ្ទុះវីរុសកូវីដ-១៩មក ក្នុងរយៈពេលជិត១ខែហើយគឺស្ងាត់ លក់មិនដាច់តែម្តង ដែលកាលពីពេលមុនវិញតែត្រឹមពេលនេះ(ម៉ោងជាង ១២ថ្ងៃត្រង់) គឺគាត់លក់ជិតអស់ហើយ និងលក់ដាច់យ៉ាងខ្លាំង ដោយសារតែមានមនុស្សដើរផ្សារច្រើន ។តែឥឡូវនេះ លក់មិនដាច់ទាល់តែសោះ មានតែអ្នកលក់ និងតុ កៅអីបញ្ឈរចោលមិនមានអ្នកណាម្នាក់អង្គុយហូបឡើយ ភ្ញៀវមានការថយចុះរហូតទៅដល់៧០% គឺខុសពីពេលមុនៗឆ្ងាយណាស់ ៕
(សរុបដោយ ហេង វុធ្ធី)
មតិពីមិត្តអ្នកអាន