ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស Bui Thanh Son បានទទួលជួបឯកអគ្គរាជទូតកម្ពុជា

នៅក្នុងជំនួបនេះ លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រី បានវាយតំលៃខ្ពស់ចំពោះការវិវឌ្ឍន៍ដ៏រឹងមាំក្នុងទំនាក់ទំនងរវាងប្រទេសទាំងពីរនាពេលថ្មីៗនេះ។ ជំនួបរវាងថ្នាក់ដឹកនាំជាន់ខ្ពស់នៃបក្ស និងរដ្ឋាភិបាលទាំងពីរបានតម្រង់ទិសទំនាក់ទំនងរវាងប្រទេសទាំងពីរឱ្យអភិវឌ្ឍដោយបង្កើនការជឿទុកចិត្ត និងភាពស្និទ្ធស្នាល ព្រមទាំងយន្តការសហប្រតិបត្តិការប្រកបដោយប្រសិទ្ធភាព និងការផ្លាស់ប្តូរប្រជាជន និងប្រជាជនក្នុងតំបន់។

លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងលោកស្រី ជា គឹមថា ឯកអគ្គរដ្ឋទូតកម្ពុជាប្រចាំនៅវៀតណាម។

ឧបនាយករដ្ឋមន្ត្រីបានស្នើឱ្យភាគីទាំងពីរសម្របសម្រួលរៀបចំដំណើរទស្សនៈកិច្ចរបស់ថ្នាក់ដឹកនាំជាន់ខ្ពស់នៃប្រទេសទាំងពីរឱ្យបានល្អ; បានបញ្ជាក់ថា វៀតណាមត្រៀមខ្លួនជាស្រេចស្វាគមន៍ថ្នាក់ដឹកនាំកម្ពុជា ដើម្បីចូលរួមអបអរសាទរខួបលើកទី ៨០ នៃទិវាជាតិនៃសាធារណៈរដ្ឋសង្គមនិយមវៀតណាម ព្រមទាំងសហការរៀបចំកិច្ចប្រជុំគណៈកម្មាធិការចម្រុះវៀតណាម-កម្ពុជា លើកទី២១ ស្តីពីកិច្ចសហប្រតិបត្តិការសេដ្ឋកិច្ច វិទ្យាសាស្ត្រ និងបច្ចេកទេសនៅកម្ពុជា និងសន្និសីទលើកទី១៣ ស្តីពីកិច្ចសហប្រតិបត្តិការ និងអភិវឌ្ឍន៍ខេត្តព្រំដែនកម្ពុជា-វៀតណាម; សម្របសម្រួលដោះស្រាយចំណុចដែលនៅសេសសល់នៅព្រំដែនគោកវៀតណាម-កម្ពុជា; ពង្រឹងកិច្ចសហប្រតិបត្តិការសេដ្ឋកិច្ច ជំរុញការតភ្ជាប់ច្រកទ្វារព្រំដែន ការដឹកជញ្ជូន ទេសចរណ៍ និងការផ្លាស់ប្តូរប្រជាជនទៅប្រជាជន។

ឯកអគ្គរដ្ឋទូតកម្ពុជា ជា គឹមថា បានឯកភាពទាំងស្រុងចំពោះការវាយតម្លៃ និងសំណើរបស់ឧបនាយករដ្ឋមន្ត្រី និងជារដ្ឋមន្ត្រី Bui Thanh Son ស្តីពីទំនាក់ទំនងរវាងប្រទេសទាំងពីរ។ ដោយសង្កត់ធ្ងន់ថា ប្រទេសទាំងពីរត្រូវបង្កើនការចែករំលែកព័ត៌មាន និងកិច្ចសហប្រតិបត្តិការក្នុងការទប់ស្កាត់ និងប្រឆាំងឧក្រិដ្ឋកម្មឆ្លងដែន ជាពិសេសឧក្រិដ្ឋកម្មក្លែងបន្លំតាមអ៊ីនធឺណិត។

ទិដ្ឋភាព​ប្រជុំ

ក្នុងឱកាសនេះ លោកឯកអគ្គរដ្ឋទូត ជា គឹមថា បានចែករំលែកលទ្ធផលនៃការចរចារវាងកម្ពុជា និងថៃ ប្រចាំប្រទេសម៉ាឡេស៊ី ដោយសង្កត់ធ្ងន់ថា ភាគីទាំងពីរបានឯកភាពលើកិច្ចព្រមព្រៀងឈប់បាញ់មួយ; ដោយបញ្ជាក់ថា កម្ពុជានឹងគោរពយ៉ាងម៉ឺងម៉ាត់នូវកិច្ចព្រមព្រៀងនេះ និងគោលនយោបាយរបស់កម្ពុជា ក្នុងការចង់បានសន្តិភាព និងស្ថិរភាពយូរអង្វែងជាមួយប្រទេសថៃ និងប្រទេសដទៃទៀតនៅក្នុងតំបន់។

ឯកអគ្គរដ្ឋទូតបានថ្លែងអំណរគុណចំពោះប្រទេសនានា រួមទាំងវៀតណាមផងដែរ ដែលបានជំរុញយ៉ាងសកម្ម និងនិយាយភ្លាមៗគាំទ្រប្រទេសទាំងពីរឈានដល់កិច្ចព្រមព្រៀងឈប់បាញ់ រួមទាំងសុន្ទរកថារបស់ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស Bui Thanh Son ក្នុងពិធីទទួលបដិសណ្ឋារកិច្ចរំលឹកខួបលើកទី៣០ ដែលវៀតណាមចូលជាសមាជិកអាស៊ាន នាល្ងាចថ្ងៃទី២៨ ខែកក្កដា។

ឧបនាយករដ្ឋមន្ត្រី និងជារដ្ឋមន្ត្រីការបរទេស លោក Bui Thanh Son បានស្វាគមន៍កម្ពុជា និងថៃចំពោះការឈានដល់កិច្ចព្រមព្រៀងឈប់បាញ់ ដោយអះអាងថា នេះគឺជាជោគជ័យដំបូងដែលបង្កើតនូវគោលជំហរអំណោយផលសម្រាប់ប្រទេសទាំងពីរក្នុងការស្តារសន្តិភាព និងឆ្ពោះទៅរកការបន្តកិច្ចសហប្រតិបត្តិការរវាងប្រទេសទាំងពីរនាពេលខាងមុខ; ចែករំលែកការខូចខាត និងការបាត់បង់នៃប្រទេសទាំងពីរ ជាពិសេសជនស៊ីវិល; បញ្ជាក់ថា កម្ពុជា និងថៃ គឺជាមិត្តជិតស្និទ្ធរបស់វៀតណាម; សង្ឃឹមថាភាគីទាំងពីរនឹងអនុវត្តការអត់ធ្មត់ និងដោះស្រាយការខ្វែងគំនិតគ្នាដោយសន្តិវិធី ឈរលើមូលដ្ឋានច្បាប់អន្តរជាតិ ធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីបូព៌ា (TAC)។

លោកឯកអគ្គរដ្ឋទូត ជា គឹមថា បានវាយតម្លៃខ្ពស់ចំពោះការត្រៀមខ្លួនរបស់វៀតណាមក្នុងការដើរតួនាទីយ៉ាងសកម្មក្នុងការជួយកម្ពុជា និងថៃអនុវត្តកិច្ចព្រមព្រៀងឈប់បាញ់ និងសហប្រតិបត្តិការក្នុងស្មារតីមិត្តភាព និងសាមគ្គីភាពអាស៊ាន ដើម្បីផលប្រយោជន៍យូរអង្វែងរបស់ភាគីទាំងពីរ និងក្នុងតំបន់៕

រដ្ឋមន្ត្រីក្រសួងការបរទេសវៀតណាមលោក Bui Thanh Son៖ ដំណើរទស្សនកិច្ចរួមចំណែកក្នុងការពង្រីកទំនាក់ទំនងរវាងប្រទេសទាំងបីវៀតណាម-ឡាវ-កម្ពុជា បន្ទាប់ពីលោក To Lam ប្រធានរដ្ឋវៀតណាមបញ្ចប់ដោយជោគជ័យនូវដំណើរទស្សនកិច្ចផ្លូវរដ្ឋលើកដំបូងទៅកាន់សាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជាក្នុងមុខតំណែងថ្មី លោក Bui Thanh Son រដ្ឋមន្ត្រីក្រសួងការបរទេសវៀតណាមបានផ្តល់បទសម្ភាសន៍ដល់សារព័ត៌មានអំពីអត្ថន័យ និងលទ្ធផល​លេចធ្លោនៃដំណើរទស្សនកិច្ចនេះ។

រដ្ឋមន្ត្រីក្រសួងការបរទេសវៀតណាម លោក Bui Thanh Son៖ ជំរុញកិច្ចសហប្រតិបត្តិការជាក់ស្តែងរវាងវៀតណាម និងអង្គការសហប្រជាជាតិ សហរដ្ឋអាមេរិក និងប្រេស៊ីល ក្នុងឱកាសដែលលោក Pham Minh Chinh នាយករដ្ឋមន្ត្រីវៀតណាម បានបញ្ចប់ដោយជោគជ័យនូវដំណើរទស្សនកិច្ចផ្លូវការនៅប្រេស៊ីល និងបេសកកម្មដើម្បីចូលរួមកិច្ចពិភាក្សាទូទៅកម្រិតខ្ពស់នៃមហា​សន្និបាតអង្គការសហប្រជាជាតិនីតិកាលទី ៧៨ រួមជាមួយនឹងសកម្មភាពទ្វេភាគីនៅសហរដ្ឋអាមេរិក លោក Bui Thanh Son រដ្ឋមន្ត្រីក្រសួងការបរទេសវៀតណាម បានផ្តល់បទសម្ភាសន៍ដល់សារព័ត៌មានអំពីលទ្ធផលនៃដំណើរ​ធុរកិច្ចរបស់នាយករដ្ឋមន្ត្រី។

ឌឹកអាញ់