លក្ខណៈវប្បធម៌ពិសេសនៅភូមិបុរាណ Hung Lo

លក្ខណៈវប្បធម៌ពិសេសនៅភូមិបុរាណ Hung Lo

ក្នុងដំណើរធម្មយាត្រាទៅកាន់តំបន់ដីដូនតាបណ្តាស្តេចហ៊ុង ប្រជាជននិងភ្ញៀវទេសចរតែងតែនាំគ្នាទៅទស្សនាភូមិ Hung Lo ជាភូមិបុរាណដែលមានអាយុកាលជាង ៣០០ ឆ្នាំ មានទីតាំងនៅមាត់ទន្លេ Lo។

ចាប់ពីសម័យស្តេចហ៊ុង (សតវត្សទី ៧ ដល់សតវត្សទី ២ មុនគ.ស) ភូមិ Hung Lo ត្រូវបានគេហៅថា Trang Kha Lam ដែលជាតំបន់ដីស្តុកស្តម្ភមួយស្ថិតនៅក្បែរដងទន្លេ Lo នៃរាជធានី Van Lang។ កន្លែងនេះបង្កបដោយលក្ខណៈពិសេសនៃភូមិវៀតណាមបុរាណ ដែលលេចធ្លោជាងគេគឺសាលាភូមិ Hung Lo។

ព្រឹទ្ធាចារ្យភូមិបានរៀបរាប់ថា Trang Kha Lam ធ្លាប់ជាកន្លែងដែលស្តេចហ៊ុង រួមជាមួយព្រះរាជបុត្រី និងមន្ត្រីរាជការរបស់ព្រះអង្គ បានបង្អង់ដំណើរ ក្នុងពេលធ្វើព្រះរាជដំណើរកំសាន្ត។ ស្តេចទ្រង់ឃើញថា កន្លែងនេះសម្បូរទៅដោយដើមឈើខៀវស្រងាត់ និងថាមពលដ៏សក្តិសិទ្ធ ទើបទ្រង់គិតថា នេះជាកន្លែងសក្តិសិទ្ធ។ ក្រោយមក អ្នកភូមិបានកសាងវិហារមួយដើម្បីគោរពបូជាស្តេចហុង ដើម្បីរំលឹកដល់បុព្វការីជនជារៀងរហូត។ ក្នុងរជ្ជកាលស្តេច Le Hy Tong (១៦៩៧) សាលាភូមិ Hung Lo ត្រូវបានសាងសង់ឡើងបែរមុខទៅមុខភ្នំ Nghia Linh។ ចាប់តាំងពីពេលនោះមក ភូមិ Hung Lo មានប្រាសាទបុរាណដែលមានអាយុកាលជាង ៣០០ ឆ្នាំ។ លោក Nguyen Van Tong អ្នកថែរក្សាសាលាភូមិ Hung Lo បានឲ្យដឹងថា៖ “ប្រាសាទបុរាណ Hung Lo គោរពបូជាស្តេចហ៊ុង ព្រះបីអង្គ At Son ព្រះវិសុទ្ធ Vien Son និង Ap Dao Quan Dai Vuong។ ទីនេះមានវត្តអារាម ផ្ទះសហគមន៍ ផ្ទះសម្រាប់មនុស្សចាស់ ផ្ទះខាងមុខ និងអាសនៈសម្រាប់ព្រះកសិកម្ម ដើម្បីបួងសួងដល់អាកាសធាតុអំណោយផល ផលដំណាំល្អ និងជីវភាពសម្បូររុងរឿងដល់អ្នកភូមិ។ ទាំងអស់នេះ នៅតែត្រូវបានរក្សាទុកដដែល ដើម្បីបន្តទៅជំនាន់ក្រោយ”។

តាមរយៈការឡើងចុះនៃប្រវត្តិសាស្ត្រ កន្លែងនេះនៅតែរក្សាបាននូវស្ថាបត្យកម្មបុរាណស្ទើរតែដដែល ហើយត្រូវបានទទួលស្គាល់ថាជាបេតិកភណ្ឌប្រវត្តិសាស្ត្រជាតិក្នុងឆ្នាំ ១៩៩០។ មកទីនេះ ភ្ញៀវទេសចរនឹងមានអារម្មណ៍ថា មានវត្ថុបុរាណ និងស្លាកស្នាមនៃពេលវេលាតាមរយៈស្លែនៅលើក្លោងទ្វារសាលាភូមិ លំនាំតុបតែង ដំបូលប្រក់ក្បឿង...។ ជាពិសេសកន្លែងនេះក៏រក្សាបាននូវប្រព័ន្ធគោរពបូជាដ៏ពេញលេញបំផុតទាំង ៤ ប្រយោគ ស្ងើចសរសើរនូវគុណបំណាច់របស់បណ្តាស្តេចហុង។ លោកស្រី La Thi Hong Thuy កម្មាភិបាលវប្បធម៌ឃុំ Hung Lo ទីក្រុង Viet Tri ខេត្ត Phu Tho បានឲ្យដឹងថា៖ “សាលាភូមិ Hung Lo ត្រូវបានប្រដូចទៅនឹងសារមន្ទីរខ្នាតតូចដែលផ្ទុកវត្ថុបុរាណ និងរតនៈសម្បត្តិជាច្រើន រួមទាំងស្នែងដ៏ប្រណិតចំនួនប្រាំ។ ស្នែងទាំងត្រូវបានគេប្រើសម្រាប់ដង្ហែធូប និងទៀន ជាផលិតផលប្រចាំតំបន់ទៅថ្វាយនៅវិហារហ៊ុង ក្នុងឱកាសគម្រប់ខួបមរណភាពរបស់ស្ដេចហុង នៅថ្ងៃទី ១០ ខែមោឃ ព្រមទាំងពិធីបុណ្យភូមិ Hung Lo។ Hung Lo ជាភូមិមួយដែលល្បីខាងប្រពៃណីនៃការដង្ហែស្នែងពីបុរាណរហូតដល់បច្ចុប្បន្ន។ ជាច្រើនឆ្នាំជាប់ៗគ្នាភូមិHung Lo បានឈ្នះរង្វាន់ទីមួយ”។

ភូមិបុរាណ Hung Lo

តាំងពីច្រើនជំនាន់មកហើយ សាលាភូមិ Hung Lo ត្រូវបានផ្សារភ្ជាប់ជាមួយនឹងជីវភាពខាងវិញ្ញាណ និងវប្បធម៌របស់ប្រជាជនក្នុងតំបន់។ ពិធីបុណ្យភូមិ Xom មានប្រពៃណីដ៏យូរលង់ណាស់មកហើយ ដែលប្រារព្ធធ្វើឡើងពីរដងក្នុងមួយឆ្នាំ ក្នុងឱកាសគម្រប់ខួបរបស់បណ្តាស្តេច Hung នៅថ្ងៃទី ១០ខែមាឃ តាមច័ន្ទគតិ។ ប៉ុន្តែធំជាងគេនៅតែជាពិធីដង្ហែស្នែង ផ្ទុកគ្រឿងដង្វាយទៅកាន់វិហារ ហ៊ុង ក្នុងថ្ងៃគោរពបូជាខួបស្តេចហ៊ុង។ ពិធីដង្ហែរស្នែងរបស់ឃុំ Hung Lo រួមជាមួយការអភិរក្សវត្ថុសក្ការៈបូជាបុរាណនៅភូមិឃុំ បង្ហាញពីការគោរពរបស់ប្រជាជនក្នុងមូលដ្ឋានក្នុងការថែរក្សាតម្លៃប្រវត្តិសាស្ត្រ និងវប្បធម៌ ជាពិសេសបេតិកភណ្ឌដែលទាក់ទងនឹងការគោរពបូជាស្តេចហ៊ុង។ មក Hung Lo ប៉ុន្មានថ្ងៃនេះ ប្រជាជន និងភ្ញៀវទេសចរណ៍មកពីជិត និងឆ្ងាយមានអារម្មណ៍កាន់តែច្បាស់អំពីភាពពិសិដ្ឋនៃភូមិបុរាណ។

សាលាភូមិ Hung Lo មិនត្រឹមតែជាកន្លែងភ្ជាប់ជាមួយជំនឿគោរពបូជាស្តេច Hung ប៉ុណ្ណោះទេ ថែមទាំងជាកន្លែងរៀបចំសកម្មភាពវប្បធម៌ ពិធីបុណ្យ និងការច្រៀង Xoan ដែលជាទម្រង់សិល្បៈប្រជាប្រិយតែមួយគត់នៃទឹកដីដូនតាដែលត្រូវបានអង្គការយូណេស្កូទទួលស្គាល់ជាបេតិកភណ្ឌវប្បធម៌អរូបីនៃមនុស្សជាតិ។ នេះគឺជា ក្រុមចម្រៀងចម្រៀង Xoan ដើមចំនួនបួននៃខេត្ត Phu Tho ដែលនៅតែរក្សាចង្វាក់ច្រៀង Xoan បុរាណ។

នៅក្នុងលំហបុរាណនៃសាលាភូមិ និងវិហារនានា ចាប់ពីសំឡេងស្គរ និងទះដៃ ដល់ការច្រៀង រាំ ចលនាដៃ និងជើងដ៏សមសួនរបស់អ្នកច្រៀងចម្រៀង Xoan បានបង្កើតឡើងលំហរវប្បធម៌ដែលបង្កប់ដោយខ្លឹមសារនៃជនបទវៀតណាម។ លោកស្រី Phung Thi Hoa Le ប្រធាននាយកដ្ឋានគ្រប់គ្រងទេសចរណ៍ មន្ទីរវប្បធម៌ កីឡា និងទេសចរណ៍ខេត្ត Phu Tho បានឲ្យដឹងថា៖ “ពេលមកដល់សាលាភូមិបុរាណ Hung Lo ភ្ញៀវនឹងអាចទស្សនា និងរីករាយជាមួយកម្មវិធីច្រៀង Xoan ដើម្បីឲ្យភ្ញៀវយល់អំពីលក្ខណៈវប្បធម៌របស់សម័យស្តេច Hung។ លំនាំច្រៀងគឺខុសស្រឡះដោយមិនមានភ្លេងទេ គឺមានតែស្គរ និងទះដៃ ចលនាដៃមនិងជើង ដែលបញ្ចេញកាយវិការដើម្បីបង្កើតលំនាំច្រៀង Xoan យ៉ាងរលូន”។

Hung Lo មិនត្រឹមតែនាំមកនូវសន្តិភាព និងភាពស្ងប់ស្ងាត់របស់ភូមិវៀតណាមប៉ុណ្ណោះទេ ថែមទាំងមានស្លាកសញ្ញាវប្បធម៌នៃសម័យស្តេច Hung ទៀតផង។ ទាំងអស់ត្រូវបានអ្នកស្រុករក្សាទុកជានិច្ចក្នុងរយៈពេលជាច្រើនឆ្នាំមកហើយ៕

ពិធីបុណ្យវប្បធម៌និងទេសចរណ៍ Muong Lo ទទួលបានរង្វាន់ដ៏អស្ចារ្យរបស់សហរដ្ឋអាមេរិក គណៈកម្មការរៀបចំកម្មវិធីប្រគល់រង្វាន់ Stevie Award លើកទី ១៧ បានប្រគល់រង្វាន់មាស សម្រាប់ផ្នែកយុទ្ធនាការប្រព័ន្ធផ្សព្វផ្សាយព័ត៌មានប្រចាំឆ្នាំដល់ពិធីបុណ្យវប្បធម៌និងទេសចរណ៍ Muong Lo ឆ្នាំ ២០១៩។

ពិធីសែនដូនតា ដ៏ពិសិដ្ឋរបស់ជនជាតិ Lo Lo នៅខេត្ត Ha Giang Lo Lo គឺជាក្រុមជានជាតិភាគតិចនៅខេត្ត Ha Giang ដែលភាគច្រើនរស់នៅឃុំ Lung Cu ខ្ពង់រាបថ្ម Dong Van ហើយមានប្រវត្តិសាស្ត្រ ជំនឿ និងវប្បធម៌ ប្រជាប្រិយដ៏វិសេសវិសាល។ ជនជាតិ Lo Lo បានរស់នៅចុះសង្រុង និងសាមគ្គីគ្នាជាមួយក្រុមជនជាតិជិតខាង ប៉ុន្តែជីវភាពរស់នៅគឺពោរពេញទៅដោយអត្តសញ្ញាណជាតិខ្លួន។ សំដៅអភិរក្ស និងពង្រីកតម្លៃវប្បធម៌ប្រពៃណីនោះ គណៈកម្មាធិការប្រជាជនឃុំ Lung ...

ឌឹកអាញ់