ប្រទេសវៀតណាមឡើងសម្លេងចំពោះព័ត៌មានយន្តហោះស៊ើបការណ៍របស់ចិនបានបង្ហាញខ្លួននៅប្រជុំកោះ Truong Sa

16:16 | 15/05/2020 （ប្រែសម្រូលដោយវិច្ឆិកា）

យុគសម័យ - អ្នកនាំពាក្យក្រសួងការបរទេសវៀតណាមបានឡើងសម្លេងនៅថ្ងៃទី ១៤ ខែឧសភាចំពោះព័ត៌មានយន្តហោះ KJ-500 និង KQ-200 របស់ចិនបានបង្ហាញខ្លួននៅលើតំបន់ថ្ម Chu Thap (Fiery Cross Reef) នៅប្រជុំកោះ Truong Sa (Spratly Island) របស់ប្រទេសវៀតណាម យោងតាមរូបភាពផ្កាយរណបរបស់ ISI ។

អ្នកនាំពាក្យនៃក្រសួងការបរទេសវៀតណាមលោកស្រី Le Thi Thu Hang។ (ប្រភព៖ baoquocte)

នៅក្នុងសន្និសីទសារព័ត៌មានទៀងទាត់ ដែលបានធ្វើឡើងនៅរសៀលថ្ងៃទី ១៤ ឧសភា អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានឡើងសម្លេង ចំពោះព័ត៌ មានថា យន្តហោះ KJ-500 និង KQ-200 របស់ចិន បានបង្ហាញខ្លួននៅលើ តំបន់ថ្ម Chu Thap (Fiery Cross Reef) ដោយយោងតាមរូបភាពផ្កាយរណបរបស់ ImageSat International (ISI) នៅប្រជុំកោះ Truong Sa (Spratly Island) របស់ប្រទេសវៀតណាម។

អ្នកនាំពាក្យនៃក្រសួងការបរទេសវៀតណាមលោកស្រី Le Thi Thu Hang បានថ្លែងថា៖ « ខ្ញុំសូមបញ្ជាក់ជាថ្មីថា វៀតណាមមានភ័ស្តុតាងប្រវត្តិសាស្ត្រនិងមូលដ្ឋានច្បាប់គ្រប់គ្រាន់ ដើម្បីអះអាងអធិបតេយ្យភាពរបស់ខ្លួនលើប្រជុំកោះ Hoang Sa (Paracel Island) និងប្រជុំកោះ Truong Sa (Spartly Island) ដោយស្របតាមច្បាប់អន្តរជាតិ។ រាល់សកម្មភាពរបស់ភាគីនានានៅប្រជុំកោះទាំងពីរនេះ ដោយគ្មានការអនុញ្ញាតពីវៀតណាមគឺសុទ្ធតែត្រូវបានចាត់ទុកថាជាមោឃះ។ ក្នុងបរិបទតំបន់និងអន្តរជាតិនាពេលបច្ចុប្បន្ននេះ វៀតណាមស្នើឲ្យភាគីនានាកុំមានសកម្មភាពដែលបង្កើនភាពស្មុគស្មាញដល់ស្ថានភាពនៅសមុទ្រខាងកើត»។

អ្នកនាំពាក្យនៃក្រសួងការបរទេសវៀតណាមបានសង្កត់ធ្ងន់ថា ក្នុងបរិបទអន្តរជាតិនិងក្នុងតំបន់នាពេលបច្ចុប្បន្ននេះ វៀតណាមស្នើឲ្យភាគីនានាកុំមានសកម្មភាពដែលបង្កើនភាពស្មុគស្មាញដល់ស្ថានភាពនៅសមុទ្រខាងកើត៕

（ប្រែសម្រូលដោយវិច្ឆិកា）

Tags: ប្រជុំកោះ Truong Sa សមុទ្រខាងកើត

មតិពីមិត្តអ្នកអាន

ព័ត៌មានថ្មីៗ

អង្គការសហប្រជាជាតិព្រមានអំពីគ្រោះអត់ឃ្លានកើនឡើងនៅឯទ្វីបអាហ្វ្រិក

យុគសម័យ - យោងតាមរបាយការណ៍របស់អង្គការសហប្រជាជាតិ ប្រកាសនាថ្ងៃទី ២១ ខែកក្កដា ជាលើកដំបូងដែលទ្វីបអាហ្វ្រិកបានក្លាយទៅជាទ្វីបដែលមានចំនួនមនុស្សរងគ្រោះអត់ឃ្លានខ្ពស់បំផុតនៅលើពិភពលោក នៅក្នុងបរិបទដែលស្ថានភាពកង្វះអាហារូបត្ថម្ភនៅឯតំបន់នេះបន្តកើនឡើង។

ជម្រុញការទូតប្រជាជនវៀតណាម - កូរ៉េខាងត្បូង

យុគសម័យ - ចាប់ពីថ្ងៃទី ១៩ ដល់ថ្ងៃទី ២១ ខែកក្កដា គណៈប្រតិភូនៃគណៈកម្មាធិការមជ្ឈិមរណសិរ្សមាតុភូមិវៀតណាមដឹកនាំដោយលោក Hoang Cong Thuy អនុប្រធាន បានអញ្ជើញទៅទស្សនកិច្ចនិងធ្វើការនៅប្រទេសកូរ៉េខាងត្បូង ដែលរួមចំណែកដល់ការជម្រុញការទូតប្រជាជននិងការបង្កើនការភ្ជាប់ទំនាក់ទំនងសហគមន៍ពាណិជ្ជករ អ្នកជំនាញ និងបញ្ញវន្តជនជាតិវៀតណាមនៅប្រទេសកូរ៉េខាងត្បូង។

ក្រុង Can Tho ជម្រុញកិច្ចសហប្រតិបត្តិការពាណិជ្ជកម្មជាមួយប្រទេសប៉ាគីស្ថាន

យុគសម័យ - រសៀលថ្ងៃទី ២១ ខែកក្កដា គណៈប្រតិភូនាំមុខដោយលោក Kohdayar Marri ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥស្លាមប៉ាគីស្ថានប្រចាំនៅប្រទេសវៀតណាម បានអញ្ជើញមកទស្សនកិច្ចនិងធ្វើការជាមួយទីក្រុង Can Tho ដើម្បីផ្លាស់ប្តូរយោបល់អំពីសក្ដានុពលនៃការជម្រុញកិច្ចសហប្រតិបត្តិការពាណិជ្ជកម្មរវាងភាគីទាំងពីរនាពេលខាងមុខ។

វៀតណាមគឺជាគោលដៅទេសចរណ៍ដែលភ្ញៀវទេសចរកូរ៉េខាងត្បូងជ្រើសរើសច្រើនជាងគេចំណាត់ថ្នាក់ទីពីរ

យុគសម័យ - បើតាមទិន្នន័យដែលបានប្រកាសដោយអង្គការទេសចរណ៍កូរ៉េខាងត្បូង (KTO) នៅក្នុងខែកក្កដា ឆ្នាំ ២០២៦ វៀតណាមឈរនៅលំដាប់ថ្នាក់ទីពីរនៅក្នុងបញ្ជីបណ្តាគោលដៅទេសចរណ៍បរទេសដែលត្រូវបានភ្ញៀវទេសចរកូរ៉េខាងត្បូងជ្រើសរើស ដោយស្ថិតនៅបន្ទាប់ពីប្រទេសជប៉ុនតែប៉ុណ្ណោះ។

ការបង្កើនការត្រួតពិនិត្យដំណើរការបោះពុម្ពផ្សាយដើម្បីបង្ការនិងទប់ស្កាត់ការបំពាន

យុគសម័យ - នាថ្ងៃទី ២១ ខែកក្កដា នៅទីក្រុងហាណូយ គណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានរៀបចំសន្និបាតដាក់ឱ្យអនុវត្តសារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ព្រមទាំងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦។