នាថ្ងៃទី១៥ ខែមេសា ឆ្នាំ២០២០ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានអំពាវនាវឱ្យបងប្អូនកូនក្មួយ និងពលករ ពលការិនី ដែលកំពុងរស់នៅធ្វើការក្រៅប្រទេស ជាពិសេសនៅប្រទេសថៃ សូមគោរពតាមច្បាប់ និងបទបញ្ញាត្តិទាំងឡាយដែលប្រទេសនោះបានដាក់ចេញ។
សម្ដេចតេជោ ហ៊ុន សែន អំពាវនាវឱ្យបងប្អូនពលករ ដែលកំពុងរស់នៅធ្វើការក្រៅ ប្រទេសគោរពតាមច្បាប់ និងបទបញ្ញាត្តិទាំងឡាយ ដែលប្រទេសនោះបានដាក់ចេញ
នៅលើផេកផ្លូវការរបស់សម្ដេចតេជោ នាថ្ងៃទី ១៥ ខែមេសា ឆ្នាំ២០២០ បានសរសេរថា ជូនពរឆ្នាំថ្មីដល់បងប្អូនជនរួមជាតិទាំងក្នុងនិងក្រៅប្រទេស។ សុខសប្បាយជាទេបងប្អូនជនរួមជាតិ។ សម្ដេចតេជោក៏អរគុណចំពោះការយកចិត្តទុកដាក់ធ្វើតាមការណែនាំរបស់រាជរដ្ឋាភិបាល ក៏ដូចជាការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ហានិភ័យនៃការឆ្លងរាលដាលជំងឺកូវីដ-១៩ នៅក្នុងប្រទេសយើង។ សម្ដេចតេជោក៏សូមស្នើឱ្យកូន ក្មួយកុំធ្វើអ្វី ដែលខុសច្បាប់នៅក្នុងប្រទេសគេដែលកំពុងដាក់ក្នុងគ្រាអាសន្នឱ្យសោះ។
ទន្ទឹមនឹងនេះដែរ សម្ដេចតេជោសូមអំពាវនាវដល់បងប្អូន កូន ក្មួយ និងពលករ ពលការិនី ដែលកំពុងរស់នៅធ្វើការក្រៅប្រទេស ជាពិសេសនៅប្រទេសថៃ សូមគោរពតាមច្បាប់ និងបទបញ្ញាត្តិទាំងឡាយ ដែលប្រទេសគេបានដាក់ចេញ រួមទាំងច្បាប់បម្រាមគោចរ និងបម្រាមជួបជុំគ្នាជាក្រុម ឬជប់លៀងជាក្រុម ដែលពេលនេះប្រទេសគេកំពុងមានការហាមឃាត់តឹងរ៉ឹងបំផុត ក្នុងការទប់ស្កាត់ការចម្លងរោគកូវីដ-១៩។ សម្ដេចតេជោបានថ្លែងបន្តថា សំខាន់ណាស់នៅពេលនេះ គឺសុវត្ថិភាពសុខភាពអាយុជីវិតបងប្អូនកូនក្មួយពលករពលការិនីផ្ទាល់។ សូមបងប្អូនយោគយល់និងគោរពច្បាប់ទាំងក្នុងប្រទេស និងក្រៅប្រទេស ជាពិសេសនៅក្នុងស្ថានភាពដែលប្រទេសភាគច្រើនបានដាក់ចេញនូវបទបញ្ញត្តិ និងបម្រាមដ៏តឹងរឹងក្នុងការទប់ស្កាត់ការឆ្លងរាល ដាលជំងឺកូវីដ-១៩។
ម្ដេចតេជោនាយករដ្ឋមន្ត្រីក៏ជូនពរសូមទេវតាឆ្នាំថ្មីនាំមកនូវសិរីសួស្តី និងលាភសំណាងដល់បងប្អូន និងកូនក្មួយទាំងអស់គ្នា ហើយសូមបានចៀសផុតពីជំងឺឆ្លងកូនវីដ-១៩ គ្រប់ៗគ្នា
សំខាន់ណាស់នៅពេលនេះ គឺសុវត្ថិភាពសុខភាព អាយុជីវិតបងប្អូនកូនក្មួយ ពលករពលការិនីផ្ទាល់។ សូមបងប្អូនយោគយល់ និងគោរពច្បាប់ទាំងក្នុងប្រទេស និងក្រៅប្រទេស ជាពិសេសនៅក្នុងស្ថានភាព ដែលប្រទេសភាគច្រើនបានដាក់ចេញ នូវបទបញ្ញត្តិនិងបម្រាមដ៏តឹងរ៉ឹងក្នុងការទប់ស្កាត់ការឆ្លងរាលដាលជំងឺកូវីដ-១៩។
សូមទេវតាឆ្នាំថ្មីនាំមកនូវសិរីសួស្តី និងលាភសំណាងដល់បងប្អូន និងកូនក្មួយទាំងអស់គ្នា ហើយសូមបានចៀសផុតពីជំងឺឆ្លងកូនវីដ-១៩ គ្រប់ៗគ្នា”។
សូមបញ្ជាក់ថា តាមសារព័ត៌មានថៃមួយបានឲ្យដឹងថា កាលពីវេលាម៉ោង ៥ និង ៣០ នាទី ថ្ងៃទី១៤ ខែមេសា ឆ្នាំ២០២០ ពលករមកពីប្រទេសកម្ពុជាសរុបចំនួន ២៩ នាក់ (ប្រុស ១៧ នាក់ និង ស្រី ១២ នាក់) ត្រូវបានចាប់ខ្លួនៅផ្ទះជួលមួយកន្លែង នៅក្នុង Khlong Luang ខេត្ត Pathum Thani ដោយសារបំពានបម្រាមរបស់រដ្ឋាភិបាល។ ការចាប់ខ្លួននេះត្រូវបានធ្វើឡើង គឺបន្ទាប់ពីអ្នកភូមិដែលគោរពច្បាប់ បានរាយការណ៍ទៅអាជ្ញាធរមូលដ្ឋានថា មានពលករបរទេស (ខ្មែរ) កំពុងជប់លៀងផឹកស៊ីយ៉ាងគគ្រឹកគគ្រេង នៅឯផ្ទះជួលរបស់ពួកគេ
សម្ដេចតេជោនាយករដ្ឋមន្ត្រីក៏ជូនពរសូមទេវតាឆ្នាំថ្មីនាំមកនូវសិរីសួស្តី និងលាភសំណាងដល់បងប្អូន និងកូនក្មួយទាំងអស់គ្នា ហើយសូមបានចៀសផុតពីជំងឺឆ្លងកូនវីដ-១៩ គ្រប់ៗគ្នា៕
（សរុបដោយ ហេង វុធ្ធ）
មតិពីមិត្តអ្នកអាន