រក្សាទំនាក់ទំនងសហប្រតិបត្តិការល្អរវាងកងឆ្មាំសមុទ្រវៀតណាម និងគណៈកម្មាធិការជាតិសន្តិសុខលម្ហសមុទ្រកម្ពុជា

លោកឧត្តមសេនីយ៍ត្រី Vu Trung Kien មេបញ្ជាការរងនៃកងឆ្មាំសមុទ្រវៀតណាមប្រគល់អំណោយជូនឧត្តមនាវីឯក ទៀ សុខា មេបញ្ជាការរង និងជាអគ្គលេខាធិការរងនៃគណៈកម្មាធិការជាតិសន្តិសុខលម្អសមុទ្រកម្ពុជា

ក្នុងជំនួបនេះ ថ្នាក់ដឹកនាំនៃកងឆ្មាំសមុទ្រវៀតណាម និងគណៈកម្មាធិការជាតិសន្តិសុខលម្អសមុទ្រកម្ពុជា បានជម្រាបជូនគ្នាទៅវិញទៅមកអំពីស្ថានភាពនិងលទ្ធផលការងារក្នុងវិស័យពាក់ព័ន្ធរបស់កងកម្លាំងទាំងពីរក្នុងរយៈពេលកន្លងមក។

ឆ្នាំ២០២៤ ភាគីទាំងពីរបាននិងកំពុងអនុវត្តការងារតាមស្មារតីនៃពិធីសារស្តីពីយន្តការទំនាក់ទំនងតាមបណ្តាញទូរស័ព្ទដូចជា៖ ការចែករំលែក និងផ្លាស់ប្តូរព័ត៌មាន; សម្របសម្រួលដោះស្រាយហេតុការកើតឡើងនៅសមុទ្រ; គាំទ្រក្នុងការអនុវត្តច្បាប់នៅសមុទ្រ ការងារជួយសង្គ្រោះ ក៏ដូចជាធានាសន្តិសុខនិងសុវត្ថិភាព​សម្រាប់ប្រជានេសាទនៃប្រទេសទាំងពីរ ជាពិសេសក្នុងដែនទឹកប្រវត្តិសាស្ត្ររវាងវៀតណាមនិងកម្ពុជា។

ថ្លែងក្នុងជំនួបនេះ លោកឧត្តមសេនីយ៍ត្រី Vu Trung Kien មេបញ្ជាការរងច្បាប់កងឆ្មាំសមុទ្រវៀតណាម បានអះអាងថា កងឆ្មាំសមុទ្រវៀតណាមតែងតែចាត់ទុកគណៈកម្មាធិការសន្តិសុខលម្ហសមុទ្រកម្ពុជាជាដៃគូសហប្រតិបត្តិការពិសេសក្នុងតំបន់ ហើយប្តេជ្ញាពូនជ្រំទំនាក់ទំនងសហប្រតិបត្តិការជិតស្និទ្ធនិងមានប្រសិទ្ធភាព និងបន្តពង្រឹងកិច្ចសហប្រតិបត្តិការជាមួយស្ថាប័នពាក់ពាន់របស់កម្ពុជាក្នុងការធានាសន្តិសុខ សុវត្ថិភាព និងស្ថិរភាពនៅសមុទ្រ។

ក្នុងនាមគណៈកម្មាធិការសន្តិសុខលម្ហសមុទ្រកម្ពុជា លោកឧត្តមនាវីឯក ទៀ សុខា មេបញ្ជាការរង និងជាអគ្គលេខាធិការរងនៃគណៈកម្មាធិការជាតិសន្តិសុខលម្អសមុទ្រកម្ពុជា បានថ្លែងអំណរគុណចំពោះការទទួលស្វាគមន៍យ៉ាងកក់ក្ដៅរបស់កងឆ្មាំសមុទ្រវៀត​ណាម។ លោកឧត្តមនាវីឯក ទៀ សុខា បានសង្កត់ធ្ងន់ថា កម្មវិធីផ្លាស់ប្តូរ “កងឆ្មាំសមុទ្រវៀតណាមនិងមិត្តភក្ដិ” មានអត្ថន័យជាក់ស្តែង; នេះជាឱកាសសម្រាប់កងកម្លាំងអនុវត្តច្បាប់ដែនសមុទ្រនៃបណ្ដាប្រទេសមានឱកាសជួបជុំគ្នា តាមរយៈនោះ ជំរុញទំនាក់ទំនងមិត្តភាពនិងរួមគ្នាកសាងដែនសមុទ្រសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍន៍។

អំពីទិសដៅនៃកិច្ចសហប្រតិបត្តិការនាពេលខាងមុខ និងការគ្រោងសម្រាប់កិច្ចសហប្រតិបត្តិការក្នុងឆ្នាំ ២០២៥ ភាគីទាំងពីរបានឯកភាពគ្នាបន្តរក្សា និងពង្រឹងកិច្ចសហប្រតិបត្តិការទ្វេភាគី ដូចជាការចែករំលែកព័ត៌មាន និងគាំទ្រការអនុវត្តច្បាប់នៅសមុទ្រ សកម្មភាពបញ្ជូននាវាទៅបំពេញទស្សនកិច្ចគ្នាទៅវិញទៅមក។ រៀបចំសន្និសីទដកបទពិសោធន៍លើកទី៥ នៅវៀតណាមនិងពិភាក្សាអំពីប្រព័ន្ធទំនាក់ទំនងទូរស័ព្ទទាន់ហេតុការណ៍នៅកម្ពុជា៕

វៀតណាម​ - កម្ពុជា ចែករំលែកបទពិសោធន៍ក្នុងវិស័យធានាសណ្តាប់ធ្នាប់ និងសុវត្ថិភាពចរាចរណ៍ នាព្រឹកថ្ងៃទី ២៩ ខែវិច្ឆិកា លោកឧត្តមសេនីយ៍ត្រី Nguyen Hong Ky នាយករងនគរបាលក្រុងហាណូយ និងការិយាល័យនគរបាលចរាចរណ៍ បានទទួលជួបគណៈប្រតិភូមន្ត្រីក្រសួងមហាផ្ទៃនៃព្រះរាជាណាចក្រកម្ពុជា ដែលបំពេញទស្សនកិច្ចការងារ និងផ្លាស់ប្តូរបទពិសោធន៍ក្នុងវិស័យធានាសណ្តាប់ធ្នាប់ និងសុវត្ថិភាពចរាចរណ៍។

រដ្ឋមន្ត្រីក្រសួងការពារជាតិនៃប្រទេសទាំងបី វៀតណាម ឡាវ កម្ពុជា អញ្ជើញចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាព្រឹកថ្ងៃទី២៦ ខែវិច្ឆិកា នៅរាជធានីភ្នំពេញ លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម លោកនាយឧត្តមសេនីយ៍ Chansamone Chanyalath សមាជិកការិយាល័យនយោបាយបក្សប្រជាជនបដិវត្តន៍ឡាវ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិឡាវ លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា បានចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ...

យោងតាមកាសែតកងទ័ពប្រជាជន