អបអរសាទរខួបលើកទី ៧៩ នៃទិវាបុណ្យឯករាជ្យជាតិវៀតណាម៖ សហគមន៍វៀតណាមនៅតង់ហ្សានី សាមគ្គីភាព កសាងមាតុភូមិ

អាណិកជននៅតង់ហ្សានី រីករាយក្នុងពិធីអបអរសាទរខួបលើកទី ៧៩ នៃទិវាបុណ្យឯករាជ្យជាតិវៀតណាម

នាថ្ងៃទី ១ ខែកញ្ញា ឆ្នាំ ២០២៤ នៅទីក្រុង Dar es Salaam ស្ថានទូតវៀតណាមប្រចាំនៅ Tanzania បានរៀបចំពិធីរំលឹកខួបលើកទី ៧៩ នៃទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាមក្នុងបរិយាកាសដ៏ឧឡារិក និងកក់ក្តៅ។

ព្រឹត្តិការណ៍នេះមានការចូលរួមពីកម្មាភិបាល និងបុគ្គលិកជាច្រើនរបស់ស្ថានទូត តំណាងស្ថានអគ្គកុងស៊ុលកិត្តិយសវៀតណាមប្រចាំនៅ Kampala, Uganda, សហគមន៍វៀតណាមនៅតង់ហ្សានី ប៊ូរុនឌី និងបណ្តាប្រទេសទទួលបន្ទុក រួមជាមួយពាណិជ្ជករ និងមិត្តភក្តិអន្តរជាតិ។

អញ្ជើញថ្លែងមតិក្នុងពិធី លោកស្រីឯកអគ្គរដ្ឋទូត Vu Thanh Huyen បានរំលឹកឡើងវិញនូវដំណើរប្រវត្តិសាស្ត្រវីរភាពរបស់ប្រជាជនវៀតណាម ចាប់ពីថ្ងៃដែលលោកប្រធានហូជីមិញបានអានសេចក្តីប្រកាសឯករាជ្យ ចាប់ដបិសន្ឋិសាធារណរដ្ឋប្រជាធិបតេយ្យវៀតណាម បច្ចុប្បន្នជាសាធារណរដ្ឋសង្គមនិយមវៀតណាម ព្រមទាំងសមិទ្ធិផលធំៗ ដែលប្រទេសជាតិសម្រេចបានក្នុងរយៈពេល ៧៩ ឆ្នាំ នៃការកសាង និងអភិវឌ្ឍន៍។ លោកស្រីឯកអគ្គរដ្ឋទូតបានសង្កត់ធ្ងន់ថា ក្រោមការដឹកនាំដ៏ឈ្លាសវៃរបស់បក្ស ប្រជាជនវៀតណាមបានខិតខំប្រឹងប្រែងឥតឈប់ឈរដើម្បីជំនះរាល់ការលំបាក និងបញ្ហាប្រឈមនានា ប្រែក្លាយប្រទេសជាតិទៅជាប្រទេសឯករាជ្យ ស័យភាព និងមានកិត្យានុភាព កាន់តែខ្ពស់លើឆាកឆាកអន្តរជាតិ។

តំណាងសហគមន៍វៀតណាមបានសម្តែងមោទនភាពអំពីសមិទ្ធិផលដែលប្រទេសជាតិសម្រេចបាន។ ទន្ទឹមនឹងនោះ ក៏បានអះអាងដែរថា នឹងបន្តសាមគ្គី និងខិតខំរួមចំណែកកសាងសហគមន៍វៀតណាមកាន់តែរឹងមាំ និងរួមចំណែកយ៉ាងសកម្មក្នុងការអភិវឌ្ឍន៍សេដ្ឋកិច្ចសង្គមរបស់ប្រទេសតង់ហ្សានី។

ពិធីនេះបានបន្សល់ទុកនូវចំណាប់អារម្មណ៏ល្អៗជាច្រើននៅក្នុងដួងចិត្តអ្នកចូលរួម។ ការសម្តែងតន្ត្រីពិសេសៗ និងម្ហូបប្រពៃណីវៀតណាមបានរួមចំណែកបង្កើតបរិយាកាសរីករាយ និងកក់ក្ដៅ៕

ស្ថានអគ្គកុងស៊ុលវៀតណាមប្រចាំខេត្តព្រះសីហនុប្រារព្ធពិធីអបអរសាទរខួបលើកទី ៧៩ នៃទិវាបុណ្យឯករាជ្យជាតិវៀតណាម នាល្ងាចថ្ងៃទី ២៨ ខែសីហា ស្ថានអគ្គកុងស៊ុលវៀតណាមប្រចាំខេត្តព្រះសីហនុ នៃព្រះរាជាណាចក្រកម្ពុជា បានប្រារព្ធពិធីជប់លៀងយ៉ាងឱឡារិក ដើម្បីអបអរសាទរខួបលើកទី ៧៩ នៃទិវាបុណ្យឯករាជ្យជាតិ នៃសាធារណរដ្ឋសង្គមនិយមវៀតណាម (២ កញ្ញា ១៩៤៥ - ២ កញ្ញា ២០២៤)

អបអរសាទរខួបលើកទី ៣៥ នៃការបង្កើតសហភាពអង្គការមិត្តភាពទីក្រុងហូជីមិញ យុគសម័យ - សម្ព័ន្ធអង្គការមិត្តភាពទីក្រុងហូជីមិញ (HUFO) ទើបតែបានប្រារព្ធខួបលើកទី ៣៥ នៃការបង្កើត (ថ្ងៃទី ២៩ ខែកក្កដា ឆ្នាំ ១៩៨៩ ដល់ថ្ងៃទី ២៩ ខែកក្កដា ឆ្នាំ ២០២៤)។