នាថ្ងៃទី ១៩ ខែកក្កដា ប្រធានរដ្ឋគុយបាលោក Miguel Díaz-Canel បានប្រកាសកាន់ទុក្ខជាតិ ដើម្បីរំលឹកវិញ្ញាណក្ខន្ឌអគ្គលេខាបក្សកុម្មុយនិស្តវៀតណាម លោក Nguyen Phu Trong។
| សេចក្តីជូនដំណឹងអំពីពិធីគោរពវិញ្ញាណក្ខ័ន្ធ ពិធីរំលឹកវិញ្ញាណក្ខន្ធ និងពិធីបញ្ចុះសពអគ្គលេខាបក្សកុម្មុយនិស្តវៀតណាមលោក Nguyen Phu Trong លោក Nguyen Phu Trong អគ្គលេខាបក្សកុម្មុយនិស្តវៀតណាមទទួលមរណភាព |
 |
| ប្រទេសគុយបាប្រកាសកាន់ទុក្ខជាតិ រំលឹកវិញ្ញាណក្ខន្ឌអគ្គលេខាបក្សកុម្មុនីស្តវៀតណាម លោក Nguyen Phu Trong |
យោងតាមសេចក្តីប្រកាសនៅលើកាសែតប្រចាំថ្ងៃ Granma ដែលជាទីភ្នាក់ងារសារព័ត៌មានរបស់បក្សកុម្មុយនិស្តគុយបា បានឲ្យដឹងថា ប្រទេសគុយបានឹងកាន់ទុក្ខជាតិជាផ្លូវការ រំលឹកវិញ្ញាណក្ខន្ឌលោកអគ្គលេខាបក្សកុម្មុនីស្តវៀតណាម Nguyen Phu Trong ចាប់ពីវេលាម៉ោង ៦ ព្រឹកថ្ងៃទី ២០ ខែកក្កដា (ម៉ោងក្នុងស្រុក) ដល់ម៉ោង ២៤ ៖០០នាទី ថ្ងៃទី ២១ខែកក្កដា។ ក្នុងអំឡុងពេលកាន់ទុក្ខជាតិ អគារសាធារណៈ និងទីបញ្ជាការយោធានៅទូទាំងប្រទេសគុយបានឹងបង្ហូតទង់ជាតិពាក់កណ្តាលដង ហើយនឹងមិនមានរៀបចំសកម្មភាពកម្សាន្តជាសាធារណៈឡើយ។
ប្រធានរដ្ឋគុយបាលោក Miguel Díaz-Canel បានសម្តែងការសោកស្តាយយ៉ាងជ្រាលជ្រៅចំពោះអគ្គលេខាបក្សកុម្មុនីស្តវៀតណាម លោក Nguyen Phu Trong ដែលលោកចាត់ទុកថា ជាសមមិត្តជាទីគោរព ជាមិត្តភក្តិដ៏ស្មោះស្ម័គ្ររបស់គុយបា។ ប្រធានរដ្ឋគុយបាក៏បានផ្ញើសេចក្តីរំលែកទុក្ខដល់ប្រជាជនវៀតណាម ក្រុមគ្រួសារ និងសាច់ញាតិរបស់អគ្គលេខាបក្សកុម្មុនីស្តវៀតណាម លោក Nguyen Phu Trong ផងដែរ។
នាថ្ងៃទី ១៩ ខែកក្កដា រដ្ឋសភាគុយបាក៏បានចំណាយពេល ១ នាទីស្មឹងស្មាត់ រំលឹកវិញ្ញាណក្ខ័ន្ធលោកអគ្គលេខាបក្សកុម្មុនីស្តវៀតណាម Nguyen Phu Trong។
យោងតាមប្រព័ន្ធផ្សព្វផ្សាយគុយបា ក្នុងអាជីពនយោបាយដ៏យូរអង្វែងរបស់ អគ្គលេខាបក្សកុម្មុនីស្តវៀតណាម លោក Nguyen Phu Trong បានជំរុញយ៉ាងសកម្មនូវទំនាក់ទំនងពិសេស និងការជឿទុកចិត្តគ្នាទៅវិញទៅមករវាងបក្ស រដ្ឋសភា រដ្ឋាភិបាល និងប្រជាជននៃប្រទេសទាំងពីរគុយបា និងវៀតណាម។ លោកអគ្គលេខាបក្សបានទៅបំពេញទស្សនកិច្ចជាផ្លូវការនៅគុយបាក្នុងឆ្នាំ ២០១២ និង ២០១៨៕
 លោក Nguyen Phu Trong អគ្គលេខាបក្សកុម្មុយនិស្តវៀតណាមទទួលមរណភាព យោងតាមព័ត៌មានពីគណៈការពារ និងថែទាំសុខភាពកម្មាភិបាលមជ្ឈិម បានឲ្យដឹងថា លោក Nguyen Phu Trong អគ្គលេខាបក្សកុម្មុយនិស្តវៀតណាម កើតឆ្នាំ១៩៤៤ បានទទួលមរណភាពនៅវេលាម៉ោង ១៣ និង ៣៨ នាទី ថ្ងៃទី១៩ ខែកក្កដា ឆ្នាំ២០២៤ នៅមន្ទីរពេទ្យយោធាលេខ ១០៨ ទោះបីជាមានការខិតខំប្រឹងប្រែងអស់ពីសមត្ថភាពយ៉ាងណាក្តីពីសំណាក់ក្រុមសាស្ត្រាចារ្យ វេជ្ជបណ្ឌិត រួមជាមួយការយកចិត្តទុកដាក់ជាទីបំផុតរបស់ថ្នាក់ដឹកនាំបក្ស និងរដ្ឋក៏ដោយ។ |
 ការិយាល័យនយោបាយវៀតណាមសម្រេចចិត្តប្រគល់គ្រឿងឥស្សរិយយសផ្កាយមាសជូនអគ្គលេខាបក្សលោក Nguyen Phu Trong នាថ្ងៃទី ១៨ កក្កដា ការិយាល័យនយោបាយបានចេញសេចក្តីសម្រេចចិត្តប្រគល់ គ្រឿងឥស្សរិយយសផ្កាយមាសជូនអគ្គលេខាបក្សលោក Nguyen Phu Trong។ |
មតិពីមិត្តអ្នកអាន