រឹតចំណងមិត្តភាព និងសាមគ្គីភាពរវាងវៀតណាម និងកម្ពុជា

លោក Nguyen Huy Tang ឯកអគ្គរដ្ឋទូតវៀតណាមប្រចាំនៅកម្ពុជា (ឆ្វេង) និងលោក អុឹង រចនា រដ្ឋលេខាធិការក្រសួងការបរទេសក្នុងជំនួបនេះ

ថ្លែងក្នុងជំនួបនេះ លោកឯកអគ្គរដ្ឋទូត Nguyen Huy Tang បានវាយតំលៃខ្ពស់ចំពោះទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជា។ ចាប់តាំងពីបង្កើតទំនាក់ទំនងការទូតរហូតមកដល់ពេលនេះ ប្រទេសទាំងពីរបានជំនះរាល់បញ្ហាប្រឈមនានា និងមានទំនាក់ទំនងកាន់តែស៊ីជម្រៅលើវិស័យជាច្រើនដូចជា នយោបាយ សន្តិសុខ ការពារជាតិ សេដ្ឋកិច្ច និងវប្បធម៌ ការអប់រំ បណ្តុះបណ្តាល វិទ្យាសាស្ត្រ និងបច្ចេកវិទ្យា ក៏ដូចជាកិច្ចសហប្រតិបត្តិការរវាងប្រទេសទាំងពីរ ក្រសួង មូលដ្ឋាន និងការជួបប្រាស្រ័យរវាងប្រជាជននិងប្រជាជន។

លោកឯកអគ្គរដ្ឋទូត Nguyen Huy Tang បានសម្តែងនូវជំនឿជាក់ថា នាពេលខាងមុខ ក្រសួងការបរទេសនៃប្រទេសទាំងពីរនឹងបន្តកិច្ចសហប្រតិបត្តិការយ៉ាងជិតស្និទ្ធជាមួយគ្នាទាំងក្នុងក្របខ័ណ្ឌទ្វេភាគី និងពហុភាគី ដើម្បីលើកកំពស់កិត្យានុភាពរបស់ប្រទេសទាំងពីរលើឆាកអន្តរជាតិ។

ក្នុងឱកាសនេះដែរ លោកឯកអគ្គរដ្ឋទូត Nguyen Huy Tang បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំក្រសួងការបរទេស និងសហប្រតិបត្តិការអន្តរជាតិកម្ពុជា នាពេលថ្មីៗនេះ ដែលតែងតែជួយគាំទ្រស្ថានទូត និងស្ថាប័នអមស្ថានទូតបំពេញ​ភារកិច្ចបានល្អ ទន្ទឹមនឹងនោះ មានបំណងចង់ទទួលបានជំនួយ និងការគាំទ្រដើម្បីបន្តបំពេញភារកិច្ចបានល្អនាពេលអនាគត។

រីឯខ្លួនវិញ លោក អុឹង រចនា បានថ្លែងអំណរគុណចំពោះលោកឯកអគ្គរដ្ឋទូត Nguyen Huy Tang និងគណៈប្រតិភូដែលបានមកអបអរសាទរក្នុងឱកាសបង្កើតទំនាក់ទំនងការទូតរវាងប្រទេសទាំងពីរ ព្រមទាំងអបអរសាទរចំពោះសមិទ្ធផលលេចធ្លោរបស់វៀតណាមក្នុងកិច្ចការផ្ទៃក្នុង និងកិច្ចការបរទេស ដូចជាការអភិវឌ្ឍសេដ្ឋកិច្ចយ៉ាងខ្លាំងក្លា។ លោកបានអះអាងថា វៀត​ណាមចូលរួមយ៉ាងសកម្ម និងដើរតួនាទីកាន់តែកើនឡើងក្នុងសមាគមប្រជាជាតិអាស៊ីអាគ្នេយ៍ (អាស៊ាន) និងលើពិភព​លោក។

លោករដ្ឋលេខាធិការ អុឹង រចនា បានសម្តែងការឯកភាពជាមួយមតិរបស់លោកឯកអគ្គរដ្ឋទូត Nguyen Huy Tang អំពីការជំរុញកិច្ចសហប្រតិបត្ដិការយ៉ាងជិតស្និទ្ធ ដើម្បីឈ្នះរាល់ឧបាយកលនៃកម្លាំងអរិភាពបំផ្លិចបំផ្លាញប្រទេសនីមួយៗ និងទំនាក់ទំនងរវាងប្រទេសទាំងពីរ ព្រមទាំងឯកភាពថា ភាគីទាំងពីរនឹងបន្តរក្សាការគាំទ្រ និងជួយគ្នាទៅវិញទៅមកនៅវេទិកាពហុភាគី។

លោករដ្ឋលេខាធិការ អុឹង រចនា បានអះអាងថា នឹងបន្តបង្កើតលក្ខខណ្ឌអំណោយផលបំផុតសម្រាប់ស្ថានទូត និងទីភ្នាក់ងារតំណាងវៀតណាមប្រចាំនៅកម្ពុជាសម្រេចបានភារកិច្ចប្រកបដោយជោគជ័យ។

នាពេលខាងមុខ លោករដ្ឋលេខាធិការ អុឹង រចនា បានស្នើឱ្យភាគីទាំងពីរសម្របសម្រួលរៀបចំបានល្អនូវដំណើរទស្សនកិច្ចរបស់ថ្នាក់ដឹកនាំជាន់ខ្ពស់នៃប្រទេសទាំងពីរ ក៏ដូចជារៀបចំកិច្ចប្រជុំលើកទី XXI នៃគណៈកម្មាធិការចម្រុះវៀតណាម-កម្ពុជាស្តីពីកិច្ចសហប្រតិបត្តិការសេដ្ឋកិច្ច វិទ្យាសាស្ត្រ និងបច្ចេកទេសនៅកម្ពុជា៕

ខេត្ត An Giang៖ បង្កើតលក្ខខណ្ឌអំណោយផលសម្រាប់សកម្មភាពដឹកជញ្ជូនរបស់វៀតណាម និងកម្ពុជា នាព្រឹកថ្ងៃទី៥ មិថុនា លោក Ngo Cong Thuc នាយកមន្ទីរគមនាគមន៍ និងដឹកជញ្ជូនខេត្ត An Giang (វៀតណាម) បានឲ្យដឹងថា លោក Le Van Phuoc អនុប្រធានគណៈកម្មាធិការប្រជាជនខេត្ត An Giang ទើបតែបានចុះហត្ថលេខាលើឯកសារមួយផ្ញើជូនក្រសួងគមនាគមន៍ និងដឹកជញ្ជូន ដែលសំណូមពរអនុញ្ញាតឱ្យច្រកទ្វារព្រំដែនអន្តរជាតិ Vinh Xuong - ...

វៀតណាម និងកម្ពុជាអនុវត្តយ៉ាងទូលំទូលាយ ជាក់ស្តែងកិច្ចសហប្រតិបត្តិការយោធាការពារជាតិទ្វេភាគី នាព្រឹកថ្ងៃទី៦ មិថុនា នៅទីស្នាក់ការក្រសួងការពារប្រទេស លោកឧត្តមសេនីយ៍ឯក Nguyen Van Nghia អនុប្រធានអគ្គសេនាធិការនៃកងទ័ពប្រជាជនវៀតណាមបានជួបពិភាក្សាការងារជាមួយលោក​នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក។

យោងតាមកាសែតកងទ័ពប្រជាជន