វៀតណាម និងកម្ពុជាអនុវត្តយ៉ាងទូលំទូលាយ ជាក់ស្តែងកិច្ចសហប្រតិបត្តិការយោធាការពារជាតិទ្វេភាគី

លោកឧត្តមសេនីយ៍ឯក Nguyen Van Nghia ទទួល​ស្វាគមន៍ លោកនាយឧត្តមសេនីយ៍ ម៉ៅ សុផាន់

លោកឧត្តមសេនីយ៍ឯក Nguyen Van Nghia បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការរវាងកងទ័ពនៃប្រទេសទាំងពីរក្នុងរយៈពេលកន្លងមក ជាពិសេសលើវិស័យដូចជា៖ ការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសគណៈប្រតិភូជាន់ខ្ពស់ សកម្មភាពផ្លាស់ប្តូរ ការចងសម្ព័ន្ធមេត្រីភាព កិច្ចសហប្រតិបត្តិការក្នុងការគ្រប់គ្រងការពារព្រំដែន ការបណ្តុះបណ្តាលធនធានមនុស្ស ការពិគ្រោះ និងគាំទ្រគ្នាទៅវិញទៅមកជាប្រចាំនៅវេទិកាពហុភាគី ជាពិសេសយន្តការដែលដឹកនាំដោយអាស៊ាន ផ្តល់យោបល់ប្រកបដោយប្រសិទ្ធភាព ទូលំទូលាយ និងអនុវត្តការយល់ដឹងរួមរបស់ថ្នាក់ដឹកនាំជាន់ខ្ពស់ និងក្រសួងការពារជាតិនៃប្រទេសទាំងពីរលើកិច្ចសហប្រតិបត្តិការយោធាការពារជាតិទ្វេភាគី។

លោកឧត្តមសេនីយ៍ឯក Nguyen Van Nghia បានថ្លែងអំណរគុណចំពោះរដ្ឋាភិបាល ក្រសួងការពារជាតិ កងទ័ព និងកងទ័ពជើងគោកកម្ពុជាក្នុងរយៈពេលកន្លងមក ដែលបានសម្របសម្រួល និងគាំទ្រប្រកបដោយប្រសិទ្ធភាពក្នុងការស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលបានពលីជីវិតនៅកម្ពុជាក្នុងសម័យសង្រ្គាម។

ពិភាក្សាអំពីស្ថានភាពពិភពលោក និងតំបន់ លោកឧត្តមសេនីយ៍ឯក Nguyen Van Nghia បានសង្កត់ធ្ងន់លើតួនាទីសំខាន់របស់អាស៊ានក្នុងការរៀបចំ និងរក្សារចនាសម្ព័ន្ធសន្តិសុខក្នុងតំបន់។ អំពីបញ្ហាដែនសមុទ្រ លោកឧត្តមសេនីយ៍ឯក Nguyen Van Nghia បានអះអាងនូវភាពចាំបាច់ក្នុងការជំរុញការសន្យា និងអនុវត្តយ៉ាងពេញលេញនូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) និងជំរុញឲ្យឆាប់ចុះហត្ថលេខាលើក្រមប្រតិបត្តិនៅសមុទ្រខាងកើត (COC) ប្រកបដោយភាពជាក់ស្តែង មានប្រសិទ្ធភាព និងស្របតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)។

ទិដ្ឋភាពនៃកិច្ចពិភាក្សា

អំពីទិសដៅនៃកិច្ចសហប្រតិបត្តិការនាពេលខាងមុខ លោកឧត្តមសេនីយ៍ឯក Nguyen Van Nghia បានស្នើឲ្យភាគីទាំងពីរផ្តោតលើការជំរុញ​វិស័យសំខាន់ៗដូចជា៖ ការផ្លាស់ប្តូរគណៈប្រតិភូ កិច្ចសហប្រតិបត្តិការក្នុងការគ្រប់គ្រងការពារព្រំដែន ការលើកកំពស់គុណភាពបណ្តុះបណ្តាល ការផ្សព្វផ្សាយនិងអប់រំអំពីប្រពៃណីនៃទំនាក់ទំនងរវាងប្រទេសទាំងពីរ និងកងទ័ពទាំងពីរ។ បន្តការពិគ្រោះយោបល់ និងសម្របសម្រួលយ៉ាងជិតស្និទ្ធនៅយន្តការ និងវេទិកាពហុភាគីដែលដឹកនាំដោយអាស៊ាន រួម​ទាំង​ការ​ផ្តល់យោបល់លើការកសាងពិធីសារឆ្នាំ ២០២៥-២០២៩ និងផែនការសហប្រតិបត្តិការប្រចាំឆ្នាំឲ្យ​ជាក់ស្តែង ​និងមានប្រសិទ្ធភាព។

រីឯខ្លួនវិញ លោកនាយឧត្តមសេនីយ៍ ម៉ៅ សុផាន់ បានសង្កត់ធ្ងន់ថា ដំណើរទស្សនកិច្ចជាផ្លូវការនៅវៀតណាមបានប្រព្រឹត្តទៅក្នុងបរិបទដែល​ទំនាក់ទំនងរវាងប្រទេសទាំងពីរ និងកងទ័ពទាំងពីរអភិវឌ្ឍន៍យ៉ាងល្អប្រសើ ហើយនេះជាដំណើរទស្សនកិច្ចលើកដំបូងនៅវៀតណាមក្នុងឋានៈជាអគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក។ លោកបានសម្តែងនូវបំណងចង់ពង្រឹងទំនាក់ទំនងរវាងកងទ័ពទាំងពីរ និងកងទ័ពជើងគោកនៃប្រទេសទាំងពីរ។

លោកនាយឧត្តមសេនីយ៍ ម៉ៅ សុផាន់ បានអះអាងថា កម្ពុជា និងវៀតណាមមានទំនាក់ទំនងភាពជាអ្នកជិតខាងល្អមិត្តភាព ហើយប្រជាជននៃប្រទេសទាំងពីរតែងតែប្រកៀកស្មាគ្នាក្នុងការតស៊ូដណ្តើមឯករាជ្យជាតិ និងការកសាង អភិវឌ្ឍន៍ប្រទេសជាតិ។ ទំនាក់ទំនងរវាងប្រទេសទាំងពីរ និងកងទ័ពទាំងពីរកាន់តែបានពង្រឹងក្នុងស្ថានភាពថ្មី។ លោកនាយឧត្តមសេនីយ៍ ម៉ៅ សុផាន់ បានថ្លែងអំណរគុណចំពោះបក្ស រដ្ឋាភិបាល កងទ័ព និងប្រជាជនវៀតណាម ដែលបានជួយកម្ពុជាឱ្យរួចផុតពីរបបប្រល័យពូជសាសន៍ ប៉ុល ពត ក៏ដូចជាក្នុងដំណើរការស្តារ កសាង និងអភិវឌ្ឍន៍ប្រទេសតាំងពីពេលនោះមក។ លោកបានសង្កត់ធ្ងន់ថា សមិទ្ធផលដែលកម្ពុជាសម្រេចបានក្នុងប៉ុន្មានឆ្នាំចុងក្រោយនេះ តែងតែមានការចែករំលែក ការគាំទ្រ និងជំនួយរបស់បក្ស រដ្ឋាភិបាល កងទ័ព និងប្រជាជនវៀតណាម។ លោកនាយឧត្តមសេនីយ៍ ម៉ៅ សុផាន់ បានបញ្ជាក់ថា នឹងបង្កើតលក្ខខណ្ឌអំណោយផលល្អបំផុត ដើម្បីពន្លឿនការរុករក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិត​នៅកម្ពុជាក្នុងសម័យសង្រ្គាម៕

ពង្រឹងកិច្ចសហប្រតិបត្តិការរវាងវៀតណាម និងកម្ពុជាលើវិស័យច្បាប់យោធាការពារជាតិ ចាប់ពីថ្ងៃទី ១៨ ដល់ថ្ងៃទី ២២ ខែមីនា គណៈប្រតិភូនៃក្រសួងការពារប្រទេសវៀតណាម រួមមាន នាយកដ្ឋាននីតិកម្ម នាយកដ្ឋានកងជីពល និងវិទ្យាស្ថានការពារជាតិ ដឹកនាំដោយលោកវរសេនីយ៍ឯក Nguyen Viet Dung អនុប្រធាននាយក​នីតិកម្ម​ បានអញ្ជើញ​បំពេញទស្សនកិច្ចការងារនៅព្រះរាជាណាចក្រកម្ពុជា។

ជ័យជំនះថ្ងៃទី ៧ មករា ឆ្នាំ១៩៧៩ គឺជាជ័យជំនះរួមរបស់ប្រជាជនទាំងពីរ នាថ្ងៃទី ៧ មករា នៅទីក្រុងហាណូយ គណៈកម្មាធិការមជ្ឈិម នៃរណសិរ្សមាតុភូមិវៀតណាម សហភាពអង្គការមិត្តភាពវៀតណាម និងគណៈកម្មាធិការប្រជាជនទីក្រុងហាណូយ បានរួមគ្នារៀបចំពិធីរំលឹកខួបលើកទី ៤៥ ទិវាជ័យជំនះនៃសង្គ្រាមការពារព្រំដែនភាគនិរតីនៃមាតុភូមិ និងរួមជាមួយកងទ័ព និងប្រជាជនកម្ពុជា វាយផ្តួលរំលំរបបប្រល័យពូជសាសន៍ (៧ មករា ១៩៧៩ / ៧ មករា ២០២៤)។

យោងតាមកាសែតកងទ័ពប្រជាជន