ចាប់ពីថ្ងៃទី ១៨ ដល់ថ្ងៃទី ២២ ខែមីនា គណៈប្រតិភូនៃក្រសួងការពារប្រទេសវៀតណាម រួមមាន នាយកដ្ឋាននីតិកម្ម នាយកដ្ឋានកងជីពល និងវិទ្យាស្ថានការពារជាតិ ដឹកនាំដោយលោកវរសេនីយ៍ឯក Nguyen Viet Dung អនុប្រធាននាយកនីតិកម្ម បានអញ្ជើញបំពេញទស្សនកិច្ចការងារនៅព្រះរាជាណាចក្រកម្ពុជា។
 ពង្រឹងកិច្ចសហប្រតិបត្តិការរវាងវៀតណាម និងបែលហ្ស៊ិកលើសន្តិសុខសង្គម |
 ពង្រឹងកិច្ចសហប្រតិបត្តិការរវាងវៀតណាម និងសហគមន៍បែលហ្ស៊ិកនិយាយភាសាបារាំង |
 |
| លោកស្រីនាយឧត្តមសេនីយ៍ ដាំ ដារីនី ថតរូបជុំជាមួយប្រតិភូទាំងឡាយ |
ក្នុងជំនួបជាមួយគណៈប្រតិភូវៀតណាម នៅថ្ងៃទី១៨ ខែមីនា លោកស្រីនាយឧត្តមសេនីយ៍ ដាំ ដារីនី រដ្ឋលេខាធិការក្រសួងការពារជាតិកម្ពុជា បានថ្លែងអំណរគុណចំពោះជំនួយដ៏មានប្រសិទ្ធភាពរបស់ក្រសួងការពារប្រទេសវៀតណាមជូនចំពោះក្រសួងការពារជាតិកម្ពុជាក្នុងគ្រប់វិស័យនិយាយរួម និងក្នុងវិស័យច្បាប់យោធាការពារជាតិនិយាយដោយឡែក។ ជាមួយគ្នានោះ លោកស្រីបានសង្កត់ធ្ងន់ថា គោលនយោបាយក្នុងច្បាប់ការពារជាតិឆ្នាំ២០២៨ របស់វៀតណាមនឹងជួយឱ្យកម្ពុជាមានទិដ្ឋភាពទូទៅបន្ថែមទៀត រួមចំណែកជំរុញការកសាង និងសម្រេចសេចក្តីព្រាងច្បាប់ការពារជាតិកម្ពុជា។
លោកស្រីនាយឧត្តមសេនីយ៍ ដាំ ដារីនី ឲ្យដឹងថា នាពេលខាងមុខ កម្ពុជានឹងជំរុញការកសាង និងបញ្ចប់ប្រព័ន្ធច្បាប់យោធាការពារជាតិឱ្យបានឆាប់ រួមចំណែកបង្កើនកម្លាំងសម្រាប់កងយោធពលខេមរភូមិន្ទ ដើម្បីការពារប្រទេសជាតិ។
ក្នុងក្របខ័ណ្ឌនៃកម្មវិធីការងារ គណៈប្រតិភូបានជួបធ្វើការជាមួយនាយកដ្ឋាននីតិកម្មក្រសួងការពារជាតិ និងបង្ហាញអំពីច្បាប់ការពារជាតិវៀតណាមនៅសកលវិទ្យាល័យការពារជាតិ និងសាលានាយទាហានសកម្ម។
តាមលោកវរសេនីយ៍ឯក Nguyen Viet Dung ដំណើរទស្សនកិច្ចលើកនេះ ក្នុងបំណងអនុវត្តជាក់ស្តែងនូវខ្លឹមសារនៃកិច្ចសហប្រតិបត្តិការលើវិស័យច្បាប់យោធាការពារជាតិរវាងក្រសួងការពារជាតិនៃប្រទេសទាំងពីរវៀតណាម និងកម្ពុជា ជួយគាំទ្រក្រសួងការពារជាតិកម្ពុជាក្នុងការស្រាវជ្រាវច្បាប់ការពារជាតិរបស់វៀតណាម រួមចំណែករក្សា និងពង្រឹងថែមទៀតនូវទំនាក់ទំនងសហប្រតិបត្តិការក្រោមពាក្យស្លោកថា “អ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ ស្ថិតស្ថិរយូរអង្វែង” រវាងរដ្ឋ កងទ័ព និងប្រជាជននៃប្រទេសទាំងពីរ៕
មតិពីមិត្តអ្នកអាន