សមាគមមិត្តភាពវៀតណាម-កម្ពុជាខេត្ត Dak Nong ជំរុញសកម្មភាពការទូតប្រជាជន

ទិដ្ឋភាពនៃសន្និសីទ

ក្នុងរយៈពេល ៦ ខែដើមឆ្នាំ សមាគមមិត្តភាពវៀតណាម-កម្ពុជាខេត្ត Dak Nong បានកសាងនិងអនុវត្តផែនការការទូតប្រជាជនប្រកបដោយប្រសិទ្ធភាព ដើរតួនាទីដ៏ល្អជាស្ពាននៃចំណងសាមគ្គីភាព និងមិត្តភាពរវាងខេត្ត Dak Nong (វៀតណាម) និងខេត្តមណ្ឌលគិរី (កម្ពុជា)។

សមាគមគ្រប់លំដាប់ថ្នាក់បានសហការយ៉ាងសកម្មជាមួយគណៈកម្មាធិការបក្ស អាជ្ញាធរ និងប៉ុស្តិ៍ការពារព្រំដែន ដើម្បីផ្សព្វផ្សាយ និងចលនាកម្មាភិបាល សមាជិក និងប្រជាជន លើកកម្ពស់ការយល់ដឹង និងជ្រោមជ្រែងយ៉ាងសកម្មចំពោះចលនាប្រជាជនទាំងអស់ ចូលរួមការពារអធិបតេយ្យភាព បូរណភាពទឹកដី សន្តិសុខព្រំដែនជាតិនៅក្នុងស្ថានភាពថ្មី; ពូនជ្រំទំនាក់ទំនងមិត្តភាព និងកិច្ចសហប្រតិបត្តិការគ្រប់ជ្រុងជ្រោយ វៀតណាម - កម្ពុជា និយាយរួម និងខេត្ត Dak Nong - ខេត្តមណ្ឌលគិរី និយាយដោយឡែក។ សមាគមគ្រប់លំដាប់ថ្នាក់បានអនុវត្តយ៉ាងល្អនូវកិច្ចការបរទេស និងសកម្មភាពមិត្តភាពជាមួយនឹងខ្លឹមសារ និងទម្រង់សម្បូរបែប និងជាក់ស្តែង។

នាពេលខាងមុខ សមាគមនឹងបន្តជំរុញការផ្សព្វផ្សាយការបរទេស អប់រំសមាជិក និងប្រជាជនឱ្យគោរពច្បាប់ និងបទបញ្ញត្តិសន្តិសុខតាមព្រំដែនជាតិ ព្រមទាំងពង្រឹងប្រពៃណីសាមគ្គីភាព និងមិត្តភាពរវាងខេត្ត Dak Nong និងខេត្តមណ្ឌលគិរី និងរវាងប្រទេសទាំងពីរ។ សមាគមរក្សាសកម្មភាពកិច្ចការបរទេសគ្រប់លំដាប់ថ្នាក់ ចាប់ពីថ្នាក់ខេត្តដល់ថ្នាក់មូលដ្ឋាន ប៉ុស្តិ៍ការពារព្រំដែនក្នុងការកសាងព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ។ សមាគមគ្រប់លំដាប់ថ្នាក់បន្តអភិវឌ្ឍអង្គការសមាគមរឹងមាំ; ផ្សព្វផ្សាយសកម្មភាពចុះសួរសុខទុក្ខ និងផ្តល់អំណោយដល់អាណិកជនក្រីក្រវៀតណាមនៅខេត្តមណ្ឌលគិរី។ល៕

បន្ថែមកម្លាំង និងអភិវឌ្ឍសាខាថ្មី ដើម្បីពង្រឹងទំនាក់ទំនងមិត្តភាពវៀតណាម - កម្ពុជា ទំនាក់ទំនងវៀតណាម-កម្ពុជា កំពុងអភិវឌ្ឍយ៉ាងល្អប្រសើរក្នុងទំនាក់ទំនងភាពជា​អ្នកជិតខាងល្អ មិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យ។ ដើម្បីរឹតបន្តឹងចំណង​សាមគ្គីភាព និងមិត្តភាពរវាងប្រទេសទាំងពីរ នាពេលថ្មីៗនេះ សមាគមមិត្តភាព​វៀត​ណាម-កម្ពុជាខេត្ត An Giang មានសកម្មភាពជាច្រើនដើម្បីជួយឧបត្ថម្ភ ចែករំលែក និងផ្លាស់ប្តូររវាងប្រជាជន និងប្រជាជននៅខេត្តជាប់ព្រំដែន An Giang (វៀតណាម) និងខេត្តតាកែវ និងខេត្តកណ្តាល។

សកម្មភាពជាក់ស្តែងជាច្រើនដើម្បីពូនជ្រំចំណងមិត្តភាពរវាងខេត្ដ Dak Nong​ (វៀតណាម) និងខេត្តមណ្ឌលគិរី នាពេលថ្មីៗនេះ សមាគមមិត្តភាពវៀតណាម-កម្ពុជា ខេត្ត Dak Nong បានរៀបចំសកម្មភាពជាក់ស្តែង និងមានប្រសិទ្ធភាពជាច្រើន រួមចំណែកពូនជ្រំចំណងសាមគ្គីភាពមិត្តភាព។

យោងតាមកាសែតកងទ័ពប្រជាជន