នាព្រឹកថ្ងៃទី២០ ខែមេសា នៅស្ថានទូតវៀតណាមប្រចាំទីក្រុងភ្នំពេញ បានប្រព្រឹត្តទៅមហោស្រពកីឡាដើម្បីអបអរសាទរការរំលឹកខួបលើកទី៤៩ នៃទិវារំដោះភាគខាងត្បូងវៀតណាម និងបង្រួបបង្រួមជាតិ (៣០ មេសា ១៩៧៥ / ៣០ មេសា ២០២៤); ខួបលើកទី ៧០ នៃជ័យជំនះ Dien Bien Phu (៧ ឧសភា ១៩៥៤ / ៧ ឧសភា ២០២៤) និងខួបលើកទី ១៣៨ នៃទិវាពលកម្មអន្តរជាតិ (១ ឧសភា ១៨៨៦ / ១ ឧសភា ២០២៤)។
 រាជធានីភ្នំពេញ៖ សហគមន៍បងប្អូនអាណិកជនវៀតណាមនៅកម្ពុជាប្រារព្ធទិវានារីអន្តរជាតិ ៨ មីនា |
 រាជធានីភ្នំពេញ៖ ពិធីខួបលើកទី ១៥ នៃក្រុមហ៊ុនមិត្តហ្វូន |
 |
| រាជធានីភ្នំពេញ - សហគមន៍អាណិកជនវៀតណាមនៅកម្ពុជា រៀបចំមហោស្រពកីឡាដើម្បីអបអរសាទរទិវាបុណ្យសំខាន់ៗរបស់ប្រទេសជាតិ |
មហោស្រពកីឡាបានទាក់ទាញការចូលរួមពីកីឡាករជាង ៦០ នាក់ រួមមានកម្មាភិបាល បុគ្គលិកនៃស្ថានទូត ស្ថានតំណាង និងអង្គភាពអាជីវកម្មវៀតណាមដែលកំពុងវិនិយោគ និងធ្វើអាជីវកម្មនៅកម្ពុជា។
ថ្លែងមតិក្នុងពិធីបើកមហោស្រពកីឡា លោក Nguyen Huy Tang ឯកអគ្គរដ្ឋទូតវៀតណាមប្រចាំនៅកម្ពុជា បានរំលឹកឡើងវិញនូវសារសំខាន់នៃព្រឹត្តិការណ៍នានា ជាពិសេស រំលឹកខួបលើកទី ៧០ នៃជ័យជំនះ Dien Bien Phu។
“ជ័យជំនះ Dien Bien Phu គឺជាជ័យជម្នះដ៏មានសារៈសំខាន់ជាប្រវត្តិសាស្ត្រ បើកដំណាក់កាលថ្មីសម្រាប់បដិវត្តន៍វៀតណាម បង្កើតមូលដ្ឋានសម្រាប់យើងបន្តឈ្នះក្នុងសង្គ្រាមតស៊ូប្រឆាំងអាមេរិក សង្គ្រោះជាតិ បង្រួបបង្រួមជាតិ នៅថ្ងៃទី ៣០ ខែមេសា ឆ្នាំ ១៩៧៥”។
លោកឯកអគ្គរដ្ឋទូត Nguyen Huy Tang បានស្នើឱ្យកម្មាភិបាល បុគ្គលិកនៃស្ថានទូត ទីភ្នាក់ងារ អង្គភាព និងអង្គភាពអាជីវកម្មវៀតណាមទាំងអស់នៅកម្ពុជា លើកកម្ពស់សមិទ្ធផលដែលសម្រេចបាន ចូលរួមយ៉ាងសកម្មក្នុងសកម្មភាពកីឡាដើម្បីបង្កើនសុខភាព; ពង្រឹងភាពស្អិតរមួត ការចែករំលែក និងការជួយគ្នាទៅវិញទៅមកក្នុងជីវិត និងការងារ។
ក្នុងមហោស្រពកីឡាលើកនេះ កីឡាករមកពីស្ថានទូត ស្ថាប័ននៅជាប់ស្ថានទូត ធនាគារវិនិយោគ និងអភិវឌ្ឍន៍កម្ពុជា (BIDC) មន្ទីរពេទ្យ MED១១៥, Angkor Milk និងភោជនីយដ្ឋាន Ha Long Quan បានចូលរួមប្រកួតកីឡាវាយសី កីឡាវាយកូនបាល់ អុក និងវាយកូនហ្គោល។
ជាច្រើនឆ្នាំមកនេះ ស្ថានទូតវៀតណាម និងអង្គភាពអាជីវកម្មនៅកម្ពុជា បានរៀបចំសកម្មភាពកីឡាជាប្រចាំ ដើម្បីអបអរសាទរទិវាបុណ្យសំខាន់ៗរបស់ប្រទេស ក៏ដូចជាដើម្បីផលប្រយោជន៍សហគមន៍ផងដែរ៕
មតិពីមិត្តអ្នកអាន