បន្តដំណើរទស្សនកិច្ច និងជូនពរឆ្នាំថ្មីប្រពៃណីជាតិខ្មែរនៅកម្ពុជា នាព្រឹកថ្ងៃទី៤ ខែមេសា ឆ្នាំ២០២៤ គណៈប្រតិភូគណៈកម្មាធិការបក្សខេត្ត-ក្រុមប្រឹក្សាប្រជាជន-គណៈកម្មាធិការប្រជាជន-គណៈកម្មាធិការរណសិរ្សមាតុភូមិវៀតណាមខេត្ត Ca Mau ដឹកនាំដោយលោក Le Thanh Trieu ប្រធានគណៈចលនាមហាជននៃគណៈកម្មាធិការបក្សខេត្តទៅសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរឆ្នាំ ២០២៤ នៅបញ្ជាការដ្ឋានកងរាជអាវុធហត្ថលើផ្ទៃប្រទេស យោធភូមិភាគទី ៣ និងបញ្ជាការដ្ឋានកងទ័ពជើងគោកនៃកងយោធពលខេមរភូមិ។
 គណៈប្រតិភូខេត្ត Dong Thap (វៀតណាម)ទៅសួរសុខទុក្ខ និងជូនពរឆ្នាំថ្មីនៅខេត្តពោធិ៍សាត់ |
 កងទ័ពប្រជាជនវៀតណាម អញ្ជើញទៅសួរសុខទុក្ខ និងជូនពរចូលឆ្នាំថ្មីប្រពៃណីជាតិខ្មែរ នៅកម្ពុជា |
 |
| លោក Le Thanh Trieu (ឆ្វេង) ជូនអំណោយដល់តំណាងបញ្ជាការដ្ឋានកងរាជអាវុធហត្ថលើផ្ទៃប្រទេស កងយោធពលខេមរភូមិន្ទក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ |
លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងលោកឧត្តមសេនីយ៍ឯក យឿង សុខុន មេបញ្ជាការរងកងទ័ពជើងគោក មេបញ្ជាការយោធភូមិភាគទី៣ ទទួលជួប គណៈប្រតិភូខេត្ត Ca Mau។
នៅក្នុងជំនួបទាំងនេះ លោក Le Thanh Trieu បានជម្រាបជូនអំពីការអភិវឌ្ឍសេដ្ឋកិច្ច-សង្គមរបស់ខេត្ត Ca Mau នាពេលកន្លងមក ព្រមទាំងបានសង្កត់ធ្ងន់លើសារៈសំខាន់របស់កងកម្លាំងប្រដាប់អាវុធខេត្ត Ca Mau និងកងកម្លាំងប្រដាប់អាវុធកម្ពុជាក្នុងការកសាង និងពង្រឹងទំនាក់ទំនងសហប្រតិបត្តិការ រក្សាសន្តិសុខនយោបាយ សន្តិភាព និងស្ថិរភាព។
តាងនាមគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមខេត្ត Ca Mau លោក Le Thanh Trieu បានជូនពរដល់នាយទាហាន នាយទាហានរង និងពលទាហាននៃបញ្ជាការដ្ឋានកងរាជអាវុធហត្ថលើផ្ទៃប្រទេស យោធភូមិភាគទី ៣ និងបញ្ជាការដ្ឋានកងទ័ពជើងគោក មានសុខភាពល្អបរិបូយ៍ សុភមង្គល និងជោគជ័យគ្រប់ភារកិច្ចក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។
 |
| គណៈប្រតិភូខេត្ត Ca Mau ជូនអំណោយដល់យោធភូមិភាគទី៣ និងបញ្ជាការដ្ឋានកងទ័ពជើងគោកកម្ពុជាក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ |
តំណាងថ្នាក់ដឹកនាំបញ្ជាការដ្ឋានកងរាជអាវុធហត្ថលើផ្ទៃប្រទេស ថ្នាក់ដឹកនាំយោធភូមិភាគទី៣ និងបញ្ជាការដ្ឋានកងទ័ពជើងគោក បានអបអរសាទរចំពោះលទ្ធផលដែលខេត្ត Ca Mau សម្រេចបានក្នុងរយៈពេលកន្លងមក។ លទ្ធផលនោះបានរួមចំណែកយ៉ាងសំខាន់ក្នុងការអភិវឌ្ឍរួមរបស់វៀតណាម។ ទន្ទឹមនឹងនោះ ក៏ជាលក្ខខណ្ឌដ៏ល្អមួយក្នុងការជំរុញទំនាក់ទំនងមិត្តភាពលើគ្រប់វិស័យរវាងមូលដ្ឋាន និងអង្គភាពនានានៃប្រទេសកម្ពុជានិងវៀតណាមផងដែរ។
តំណាងបញ្ជាការដ្ឋានកងរាជអាវុធហត្ថលើផ្ទៃប្រទេស ថ្នាក់ដឹកនាំយោធភូមិភាគទី៣ និងបញ្ជាការដ្ឋានកងទ័ពជើងគោក បានកត់សម្គាល់ការជួយគាំទ្រពីកងកម្លាំងប្រដាប់អាវុធវៀតណាម ក្នុងនោះ កងកម្លាំងប្រដាប់អាវុធខេត្ត Ca Mau បានរួមដំណើរជាមួយប្រជាជនកម្ពុជាក្នុងអំឡុងឆ្នាំនៃការតស៊ូ ជួយកម្ពុជាឱ្យរួចផុតពីរបបប្រល័យពូជសាសន៍។ ទន្ទឹមនឹងនោះ យើងសង្ឃឹមថា នាពេលខាងមុខ ភាគីនានានឹងបន្តរក្សា និងអភិវឌ្ឍទំនាក់ទំនងសហប្រតិបត្តិការ៕
មតិពីមិត្តអ្នកអាន