នេះជាឱកាសសម្រាប់ប្រទេសវៀតណាមដើម្បីដក “កាតលឿង” លើការធ្វើអាជីវកម្មជលផល។
 |
| ខេត្ត Quang Ngai (ប្រទេសវៀតណាម) ត្រៀមខ្លួនជាស្រេចទទួលក្រុមអធិការកិច្ចរបស់គណៈកម្មាធិការអឺរ៉ុបមកត្រួតពិនិត្យលើកទី៥ |
តាមការគ្រោងទុកនៅចុងខែមេសានេះ ក្រុមអធិការកិច្ចរបស់គណៈកម្មាធិការអឺរ៉ុប (EC) នឹងមកអនុវត្តន៍ការត្រួតពិនិត្យវគ្គទី ៥ ស្តីពីការប្រតិបត្តិតាមបទប្បញ្ញត្តិ ប្រយុទ្ធប្រឆាំងនឹងការនេសាទខុសច្បាប់ គ្មានរបាយការណ៍ និងមិនមានការត្រួតពិនិត្យ (IUU)។ នេះជាឱកាសសម្រាប់ប្រទេសវៀតណាមដើម្បីដក “កាតលឿង” លើការធ្វើអាជីវកម្មជលផល។
បច្ចុប្បន្ននេះ មូលដ្ឋាននានាជាប់សមុទ្រក្នុងខេត្ត Quang Ngai កំពុងអនុវត្តន៍ ដំណោះស្រាយទាក់ទងនឹងការឃោសនា និងត្រួតពិនិត្យ ហើយប្តេជ្ញាចិត្តមិនទុកឱ្យ នាវានេសាទណាមួយបំពានលើបទប្បញ្ញត្តិ IUU និងត្រៀមរៀបចំលក្ខខណ្ឌឲ្យបានល្អ បំផុតដើម្បីបម្រើក្រុមអធិការកិច្ច។ ខេត្ត Quang Ngai កំណត់ថា គោលដៅនៃការប្រយុទ្ធប្រឆាំងនឹងការនេសាទ IUU មិនត្រឹមតែជាការខិតខំដើម្បីដក “កាតលឿង” ប៉ុណ្ណោះទេ ថែមទាំងឆ្ពោះទៅរកការ អភិវឌ្ឍរបរនេសាទប្រកបដោយការទទួលខុសត្រូវ និងចីរភាពទៀតផង។ លោក Ho Trong Phuong នាយកមន្ទីរកសិកម្ម និងអភិវឌ្ឍន៍ជនបទខេត្ត Quang Ngai បានឲ្យដឹងថា៖
“ខេត្តបានបង្កើនការងារឃោសនា និងការគ្រប់គ្រងក្រុមនាវាបានល្អ តាមរយៈ ឧបករណ៍តាមដានការធ្វើដំណើរ; ចាត់ការយ៉ាងតឹងរ៉ឹងលើនាវាដែលបំពាន និងបំពាន ដោយចេតនា។ ទន្ទឹមនឹងនោះ ខេត្តក៏បានសម្របសម្រួលជាមួយខេត្តជិតខាង ដើម្បី គ្រប់គ្រងឲ្យបានហ្មត់ចត់ចំពោះនាវាដែលមិនបានដំឡើង ឬមិនធានាលក្ខខណ្ឌក្នុង ការប្រយុទ្ធប្រឆាំងនឹងការនេសាទ IUU ផងដែរ។ សង្ឃឹមថាក្នុងដំណើរអធិការកិច្ច លើកទី៥របស់ EC ខេត្ត Quang Ngai ក៏ដូចជាប្រទេសទាំងមូលនឹងសម្រេចដោយ ជោគជ័យនូវភារកិច្ចប្រយុទ្ធប្រឆាំងនឹងការនេសាទ IUU ដើម្បីដកកាតលឿងសម្រាប់ ផ្នែកជលផលវៀតណាម”៕
មតិពីមិត្តអ្នកអាន