ស្ពាន​តភ្ជាប់​ដើម្បី​ជំរុញ​ទំនាក់ទំនង​មិត្តភាព​ជា​ប្រពៃណី​រវាង​វៀត​ណាម និង​សាធារណរដ្ឋ​ឆែក

ការងារបណ្តុះបណ្តាលសិក្ខាកាមយោធាឡាវ និងកម្ពុជា៖ រួមចំណែកកសាងព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ

កិច្ចប្រជុំបូកសរុបលទ្ធផលរយៈពេលមួយឆ្នាំអនុវត្តផែនការសហប្រតិបត្តិការស្តីពីការប្រឡងប្រណាំងកសាងបន្ទាត់ព្រំដែនកម្ពុជា-វៀតណាមប្រកបដោយសន្តិភាព មិត្តភាព កិច្ច

ស្ពាន​មួយ​ដើម្បី​ជំរុញ​ទំនាក់ទំនង​មិត្តភាព​ជា​ប្រពៃណី​រវាង​វៀត​ណាម និង​សាធារណរដ្ឋ​ឆេក

នាថ្ងៃទី ២២ និង ២៣ មិនា គណៈប្រតិភូស្ថានទូតវៀតណាមប្រចាំនៅសាធារណរដ្ឋឆែក ដឹកនាំដោយឯកអគ្គរដ្ឋទូត Duong Hoai Nam បានទៅបំពេញទស្សនកិច្ចការងារនៅខេត្ត Moravoslezsky ជួបជាមួយសហគមន៍វៀតណាម និងតំណាងធុរកិច្ចនៅមូលដ្ឋានដែលមានទីតាំងនៅប៉ែកខាងកើតបំផុតនៃសាធារណៈរដ្ឋឆែក។

ការអភិវឌ្ឍន៍ និងសមាហរណកម្មសហគមន៍វៀតណាម រួមទាំងពាណិជ្ជករវៀតណាមនៅទីនេះ បានរួមចំណែកយ៉ាងសំខាន់ក្នុងការពង្រឹងនឹងបង្កើនឬទ្ថានុភាពរបស់ប្រជាជនវៀតណាមនៅសាធារណរដ្ឋឆែក ដើរតួនាទីដ៏ល្អជាស្ពានដើម្បីជំរុញទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការពហុភាគីរវាងប្រទេសទាំងពីរ។

ក្នុងជំនួបនេះ គណៈកម្មាធិការប្រតិបត្តិនៃសមាគមវៀតណាមនៅ North Moravia និង Ostrava បានជូនដំណឹងដល់គណៈប្រតិភូស្ថានទូតអំពីលក្ខណៈសំខាន់ៗនៃស្ថានភាពសេដ្ឋកិច្ច នយោបាយ និងវប្បធម៌ក្នុងតំបន់ ជាពិសេសសហគមន៍វៀតណាមនៅទីនេះ។

យោងតាមលោក Trinh Tan - ប្រធានសមាគមវៀតណាមនៅ North Moravia និង Ostrava សហគមន៍វៀតណាមគឺជាសហគមន៍ជនជាតិភាគតិចធំជាងគេទី ៣ ក្នុងតំបន់ដែលមានប្រជាជនប្រមាណ ១០.០០០ នាក់ នៅពីក្រោយសហគមន៍ប៉ូឡូញ និងស្លូវ៉ាគី។

ថ្នាក់ដឹកនាំសមាគមតំណាងឲ្យសហគមន៍វៀតណាមចូលរួមយ៉ាងពេញលេញក្នុងកិច្ចប្រជុំរបស់អាជ្ញាធរខេត្ត សម្របសម្រួលជាមួយអាជ្ញាធរមូលដ្ឋាន ដើម្បីរៀបចំសកម្មភាពផ្សព្វផ្សាយវប្បធម៌ ប្រពៃណីវៀតណាម ព្រមទាំងចូលរួមព្រឹត្តិការណ៍វប្បធម៌ចម្រុះ។ ការចូលរួមរបស់សហគមន៍នៅក្នុងសកម្មភាពរួមក្នុងតំបន់ត្រូវបានទទួលស្គាល់ និងកោតសរសើរដោយអាជ្ញាធរមូលដ្ឋាន។

សមាគមក៏ជាកន្លែងប្រមូលផ្តុំសម្រាប់សមាគមជាសមាជិកដូចជា សម្ព័ន្ធសមាគមនារី សមាគមពុទ្ធសាសនិក ... ជាទៀងទាត់រៀបចំកីឡា សកម្មភាពវប្បធម៌ រៀនភាសាវៀតណាមក្នុងសហគមន៍ និងសកម្មភាពឆ្ពោះទៅមាតុប្រទេស។

លោក Trinh Tan ក្នុងនាមសហគមន៍ជនវៀតណាម ដែលមានទីតាំងនៅតំបន់ដាច់ស្រយាលបំផុតនៃសាធារណរដ្ឋឆែក លោកបានសម្តែងនូវអារម្មណ៍របស់ខ្លួននៅពេលទទួលបានការយកចិត្តទុកដាក់ និងការគាំទ្រពីស្ថានទូត និងថ្នាក់ដឹកនាំសមាគមវៀតណាមប្រចាំនៅសាធារណរដ្ឋឆែក។ .

តាងនាមគណៈប្រតិភូ លោកឯកអគ្គរដ្ឋទូត Duong Hoai Nam បានវាយតំលៃខ្ពស់ចំពោះកិច្ចខិតខំប្រឹងប្រែងរបស់សមាគមវៀតណាមនៅ North Moravia និង Ostrava ក្នុងការប្រមូលផ្តុំនិងបង្រួបបង្រួមសហគមន៍ រៀបចំសកម្មភាពចម្រុះ ដោយហេតុនេះការអភិរក្សនិងផ្សព្វផ្សាយវប្បធម៌វៀតណាម បង្ហាញពីគោលជំហរលេចធ្លោរបស់សហគមន៍វៀតណាមក្នុងតំបន់។

លោកឯកអគ្គរដ្ឋទូតបានអះអាងថា ស្ថានទូតវៀតណាមជានិច្ចកាលត្រៀមខ្លួនជាស្រេចដើម្បីបង្កើតលក្ខខណ្ឌអំណោយផលបំផុតជួយឧបត្ថម្ភសមាគមវៀតណាមនៅសាធារណរដ្ឋឆែក រួមទាំងសមាគមវៀតណាមថ្នាក់ខេត្តផងដែរ៕

ឌឹកអាញ់

thoidai.com.vn