អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានវាយតម្លៃខ្ពស់ចំពោះទំនាក់ទំនងពាណិជ្ជកម្មដ៏រឹងមាំរវាងកម្ពុជា និងវៀតណាម។
 |
| វៀតណាមជាដៃគូពាណិជ្ជកម្មធំទីពីររបស់កម្ពុជាចាប់តាំងពីដើមឆ្នាំមក |
នាពេលថ្មីៗនេះ ក្រសួងសេដ្ឋកិច្ច និងហិរញ្ញវត្ថុកម្ពុជា ទើបតែបានចេញព័ត៌មានថា ក្នុងរយៈពេល ២ ខែដើមឆ្នាំនេះ ទំហំពាណិជ្ជកម្មទ្វេភាគីរវាងវៀតណាម និងកម្ពុជា សម្រេចបានជាង ១.៤១ ពាន់លានដុល្លារអាមេរិក កើនឡើង ៣០.៤% បើធៀបនឹងរយៈពេលដូចគ្នាកាលពីឆ្នាំមុន។ ជាក់ស្តែង ការនាំចេញទំនិញរបស់កម្ពុជាមកវៀតណាមសម្រេចបានជាង ៨០១ លានដុល្លារអាមេរិក ខណៈដែលកម្ពុជានាំចូលទំនិញពីវៀតណាម ដោយមានតម្លៃជាង ៦១២ លានដុល្លារអាមេរិក។
ជាមួយនឹងតួរលេខខាងលើ វៀតណាមមិនត្រឹមតែជាដៃគូពាណិជ្ជកម្មដ៏ធំបំផុតរបស់កម្ពុជាក្នុងសមាគមប្រជាជាតិអាស៊ីអាគ្នេយ៍ (អាស៊ាន) ប៉ុណ្ណោះទេ ថែមទាំងជាដៃគូពាណិជ្ជកម្មធំទីពីរលើពិភពលោករបស់កម្ពុជា បន្ទាប់ពីប្រទេសចិន។
អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានវាយតម្លៃខ្ពស់ចំពោះទំនាក់ទំនងពាណិជ្ជកម្មដ៏រឹងមាំរវាងកម្ពុជា និងវៀតណាម ដោយចាត់ទុកថា ប្រការនេះគឺចាំបាច់និងមានអត្ថន័យបំផុត ជាពិសេសនៅក្នុងគ្រាដែលមានបញ្ហាប្រឈមផ្នែកនយោបាយ និងសេដ្ឋកិច្ចលើទូទាំងពិភពលោក។ លោកបណ្ឌិត គី សេរីវឌ្ឍន៍ ក៏បានធ្វើអត្ថាធិប្បាយផងដែរថា ជាមួយនឹងភូមិសាស្ត្រជិតគ្នា និងទំនាក់ទំនងជិតស្និទ្ធរវាងរដ្ឋាភិបាល និងវិស័យឯកជន ពាណិជ្ជកម្មរវាងកម្ពុជា និងវៀតណាម នឹងកាន់តែរីកចម្រើនបន្ថែមទៀតនាពេលអនាគត៕
មតិពីមិត្តអ្នកអាន