ឧបនាយករដ្ឋមន្ត្រីវៀតណាមលោក Tran Luu Quang៖ ចាត់ការយ៉ាងតឹងរ៉ឹងចំពោះករណីរំលោភបំពានលើការនេសាទ IUU

ជំរុញអោយគណៈកម្មការអឺរ៉ុប ឆាប់ដកកាតលឿង IUU សម្រាប់ការនាំចេញគ្រឿងសមុទ្ររបស់វៀតណាមទៅកាន់សហភាពអឺរ៉ុប

គណៈកម្មការអឺរ៉ុបមានបំណងចង់ជួយវៀតណាមឲ្យក្លាយទៅគំរូរបស់ពិភពលោកក្នុងការអភិវឌ្ឍ ប្រកបដោយចីរភាពផ្នែកជលផល និងប្រយុទ្ធប្រឆាំងនឹងការនេសាទ IUU

ឧបនាយករដ្ឋមន្ត្រីវៀតណាមលោក Tran Luu Quang ប្រធានគណៈកម្មាធិការជាតិដឹកនាំកិច្ចការ IUU ថ្លែងមតិនៅកិច្ចប្រជុំ។

នារសៀលថ្ងៃទី៥ ខែកុម្ភៈ នៅទីក្រុង Rach Gia ខេត្ត Kien Giang ឧបនាយករដ្ឋ មន្ត្រីវៀតណាមលោក Tran Luu Quang ប្រធានគណៈកម្មាធិការជាតិដឹកនាំកិច្ចការ IUU បានអញ្ជើញជាអធិបតីក្នុងកិច្ចប្រជុំលើកទី៩ ស្តីពីការប្រយុទ្ធប្រឆាំងនឹងការ នេសាទខុសច្បាប់ មិនរាយការណ៍ និងគ្មានការគ្រប់គ្រង (IUU) ជាមួយក្រសួង ផ្នែក និងអង្គភាពពាក់ព័ន្ធ ក៏ដូចជាខេត្ត ក្រុង ជាប់មាត់សមុទ្រចំនួន ២៨ ទូទាំងប្រទេស។ ថ្លែងមតិនៅទីនេះ លោកឧបនាយករដ្ឋមន្ត្រី Tran Luu Quang បានស្នើឱ្យក្រសួង កសិកម្ម និងអភិវឌ្ឍន៍ជនបទ ក្រសួង ផ្នែក អង្គភាពពាក់ព័ន្ធ និងមូលដ្ឋាន នានាផ្តោត កម្លាំងសរុប និងសម្របសម្រួលយ៉ាងជិតស្និទ្ធ ដើម្បីអនុវត្តន៍ការងារចំនួនពីរឲ្យបាន ល្អគឺ៖ គ្មាននាវានេសាទណាមួយរំលោភលើដែនទឹកបរទេស និងចាត់ការយ៉ាងតឹងរឹង ចំពោះ ករណីរំលោភបំពានលើការនេសាទ IUU។ ក្រសួងកសិកម្ម និងអភិវឌ្ឍន៍ជនបទ ក៏ត្រូវបន្តរៀបចំក្រុមការងារចុះពិនិត្យ ដាស់តឿន និងណែនាំបណ្ដាមូលដ្ឋានក្នុងការ អនុវត្តការងារប្រយុទ្ធប្រឆាំងនឹងការនេសាទ IUU ហើយរាយការណ៍ជូននាយករដ្ឋមន្ត្រី អំពីលទ្ធផលអនុវត្តផងដែរ។

លោកឧបនាយករដ្ឋមន្ត្រី Tran Luu Quang បានស្នើឱ្យបណ្ដាខេត្ត ក្រុងជាប់មាត់ សមុទ្រដោះស្រាយយ៉ាងដាច់អហង្ការនូវករណីនេសាទខុសច្បាប់នៅក្នុងដែនទឹកបរទេស; រកឃើញឲ្យបានទាន់ពេលវេលា ដើម្បីទប់ស្កាត់ និងចាត់ការលើនាវានេសាទ និងអ្នកនេសាទដែលមានសញ្ញានៃការនេសាទខុសច្បាប់ក្នុងដែនទឹកបរទេស៕