នាថ្ងៃទី៣ ខែកុម្ភៈ គណៈប្រតិភូនៃស្នងការដ្ឋាននគរបាលខេត្តមណ្ឌលគិរី ដឹកនាំដោយលោកឧត្តមសេនីយ៍ទោ ឡោ សុខា ស្នងការនៃស្នងការដ្ឋាននគរបាលខេត្តមណ្ឌលគិរី បានមកសួរសុខទុក្ខ និងជូនពរបញ្ជាការដ្ឋានកងទ័ពការពារព្រំដែនខេត្ត Dak Lak វៀតណាម ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម២០២៤។
ប្រធានរដ្ឋសភាវៀតណាមជូនអំណោយបុណ្យចូលឆ្នាំថ្មីដល់ប្រជាជនចំនួន ៣០០ នាក់នៅខេត្ត Dak Lak |
Dak Lak ណែនាំរូបថតចំនួន ៩៧ សន្លឹក; ៥ ភាពយន្ត; ២១ គំរូនៃប្រជុំកោះ Truong Sa |
ស្នងការដ្ឋាននគរបាលខេត្តមណ្ឌលគិរី មកសួរសុខទុក្ខ និងជូនពរឆ្នាំថ្មី ដល់កងទ័ពការពារព្រំដែនខេត្ត Dak Lak (វៀតណាម) |
តាងនាមស្នងការដ្ឋាននគរបាលខេត្តមណ្ឌលគិរី លោកឧត្តមសេនីយ៍ទោ ឡោ សុខា បានជូនពរកម្មាភិបាល យុទ្ធជននៃកងទ័ពការពារព្រំដែនខេត្ត Dak Lak និងប្រជាជនវៀតណាម ជួបតែសេចក្តីសុខ សុភមង្គល និងវិបុលភាព ហើយជូនពរឲ្យចំណងសាមគ្គីភាព និងមិត្តភាពរវាងប្រទេសជិតខាងទាំងពីរ កាន់តែជិតស្និទ្ធ និងរឹងមាំក្នុងឆ្នាំថ្មី។
លោកឧត្តមសេនីយ៍ទោ ឡោ សុខា ក៏បានសម្តែងនូវសេចក្តីសោមនស្សរីករាយចំពោះលទ្ធផលដែលកងកម្លាំងទាំងពីរសម្រេចបាននាពេលកន្លងមកនេះ ព្រមទាំង ថ្លែងអំណរគុណចំពោះការយកចិត្តទុកដាក់ និងការជួយគាំទ្រដែលបញ្ជាការដ្ឋានកងទ័ពការពារព្រំដែនខេត្ត Dak Lak ផ្ដល់ដល់នាយទាហាន នាយទាហានរង ពលទាហាន នៃស្នងការដ្ឋាននគរបាលខេត្តមណ្ឌលគិរី ដែលកំពុងបំពេញភារកិច្ចនៅតាមព្រំដែនទល់នឹងខេត្ត Dak Lak។
លោកឧត្តមសេនីយ៍ទោ ឡោ សុខា ក៏សង្ឃឹមដែរថា នាពេលខាងមុខ ភាគីទាំងពីរនឹងបន្តសហការយ៉ាងជិតស្និទ្ធក្នុងការផ្លាស់ប្តូរព័ត៌មាន ប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទនៅតាមតំបន់ព្រំដែន និងបន្តទទួលបានការគាំទ្រពីបញ្ជាការដ្ឋានកងទ័ពការពារព្រំដែនខេត្ត Dak Lak។
តាងនាមអង្គភាព លោកវរសេនីយ៍ឯក Dao Viet Hung មេបញ្ជាការកងទ័ពការពារព្រំដែនខេត្ត Dak Lak បានថ្លែងអំណរគុណចំពោះថ្នាក់ដឹកនាំ នាយទាហាន នាយទាហានរង ពលទាហាននៃស្នងការដ្ឋាននគរបាលខេត្តមណ្ឌលគិរី ដែលមកសួរសុខទុក្ខ និងជូនពរឆ្នាំថ្មីដល់កងទ័ពការពារព្រំដែនខេត្ត Dak Lak។
លោកមេបញ្ជាការកងទ័ពការពារព្រំដែនខេត្ត Dak Lak ក៏សង្ឃឹមផងដែរថា ក្នុងឆ្នាំ២០២៤ កងកម្លាំងការពារព្រំដែននៃភាគីទាំងពីរនឹងបន្តសហការយ៉ាងជិតស្និទ្ធ ធ្វើបានល្អនូវការគ្រប់គ្រង និងការពារព្រំដែនរវាងប្រទេសទាំងពីរ ជំរុញកិច្ចសហការក្នុងការប្រយុទ្ធប្រឆាំងនឹងឧក្រិដ្ឋកម្ម កសាងព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍៕
មតិពីមិត្តអ្នកអាន