នារសៀលថ្ងៃទី៣០ ខែតុលា នៅទីក្រុង Da Nang យោធភូមិភាគទី៥ បានរៀបចំកិច្ចប្រជុំសហការត្រៀមប្រយុទ្ធធានាសន្តិសុខ និងសុវត្ថិភាពសម្រាប់កម្មវិធីជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវ-កម្ពុជា លើកទីមួយក្នុងឆ្នាំ ២០២៣។ លោកឧត្តមសេនីយ៍ត្រី Le Ngoc Hai មេបញ្ជាការរង និងជានាយសេនាធិការយោធភូមិភាគទី៥ អញ្ជើញជាអធិបតីនៃកិច្ចប្រជុំ។
 កសាងព្រំដែនវៀតណាម-ឡាវប្រកបដោយមិត្តភាព និងភាតរភាព |
 សមាគមនារីនៅតាមមូលដ្ឋានចែករំលែកព្រំដែនវៀតណាមនិងកម្ពុជាពង្រឹងកិច្ចសហប្រតិបត្តិការ |
 |
| ទិដ្ឋភាព នៃកិច្ចប្រជុំ |
អង្គប្រជុំបានស្តាប់លោកវរសេនីយ៍ឯក Vo Van Ba នាយរងសេនាធិការយោធភូមិភាគទី៥ បង្ហាញសេចក្តីព្រាងផែនការ និងការរៀបចំ សហការរវាងបណ្ដាកងកម្លាំង។ ប្រតិភូទាំងឡាយនៃស្ថាប័ន និងអង្គភាពពាក់ព័ន្ធបានថ្លែងបញ្ជាក់បន្ថែមពីសកម្មភាពធានាសន្តិសុខ និងសុវត្ថិភាពសម្រាប់សកម្មភាពជំនួបប្រាស្រ័យមិត្តភាពការពារជាតិព្រំដែន។
អញ្ជើញថ្លែងមតិក្នុងកិច្ចប្រជុំនេះ លោកឧត្តមសេនីយ៍ត្រី Le Ngoc Hai បានសង្កត់ធ្ងន់លើតួនាទី និងសារៈសំខាន់ នៃកម្មវិធីជំនួបប្រាស្រ័យមិត្តភាពការពារជាតិព្រំដែនវៀតណាម - ឡាវ - កម្ពុជា លើកទីមួយ ក្នុងឆ្នាំ ២០២៣ ក្នុងការជំរុញកិច្ចសហប្រតិបត្តិការរវាងកងទ័ព ក៏ដូចជាកងកម្លាំងការពារជាតិព្រំដែន អាជ្ញាធរមូលដ្ឋាន និងប្រជាជនក្នុងតំបន់ព្រំដែនរួមរវាងប្រទេសជិតខាង និងធានាសន្តិសុខ និងសុវត្ថិភាពសម្រាប់សកម្មភាពជំនួបប្រាស្រ័យទាំងនេះ។
លោកឧត្តមសេនីយ៍ត្រី Le Ngoc Hai ស្នើឱ្យស្ថាប័ន និងអង្គភាពនានា ត្រូវក្តាប់ជាប់ភារកិច្ចរបស់ខ្លួន សហការយ៉ាងជិតស្និទ្ធ រៀបចំ និងអនុវត្តឱ្យបានល្អនូវរាល់ការងាររៀបចំ ទាំងការកសាងប្រព័ន្ធឯកសារ ការរៀបចំផែនការ ការហ្វឹកហាត់ផែនការឱ្យបានរលូន បន្តផ្តល់យោបល់ជូនគណៈកម្មាធិការបក្ស និងអាជ្ញាធរមូលដ្ឋាន ឲ្យដឹកនាំរាល់ការងាររៀបចំ និងអនុវត្តរាល់ការងារដែលបានប្រគល់ឱ្យបានល្អ៕
មតិពីមិត្តអ្នកអាន