នាថ្ងៃទី១៤ ខែតុលា នៅវត្តខ្មែរ នៅភូមិវប្បធម៌-ទេសចរណ៍ នៃបណ្តាជនជាតិវៀតណាមនៅ Dong Mo ស្រុក Son Tay ទីក្រុងហាណូយ បានប្រព្រឹត្តទៅជំនួបប្រាស្រ័យរវាងព្រះសង្ឃ ពុទ្ធបរិស័ទ និងមន្ត្រីនៃស្ថានទូតកម្ពុជា សមាគមជនខ្មែរនៅវៀតណាម និងនិស្សិតកម្ពុជាដែលកំពុងសិក្សានៅទីក្រុងហាណូយ ក្នុងឱកាសពិធីបុណ្យសែនដូនតា ដែលជាពិធីបុណ្យប្រពៃណីដ៏ធំបំផុតប្រចាំឆ្នាំរបស់ប្រជាជនខ្មែរ។
 ប្រជាពលរដ្ឋខ្មែរនៅទីក្រុងហាណូយ អបអរសាទរពិធីបុណ្យសែនដូនតា |
 សកម្មភាពដ៏មានអត្ថន័យរបស់ស្ថានអគ្គកុងស៊ុលវៀតណាមប្រចាំខេត្តព្រះសីហនុនាឱកាសពិធីបុណ្យសែនដូនតា |
 |
| អបអរសាទរពិធីបុណ្យសែនដូនតានៅទីក្រុងហាណូយ |
អញ្ជើញចូលរួមមាន លោកស្រី ជា គឹមថា ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំប្រទេសវៀតណាម លោកវរសេនីយ៍ឯក រ៉ែម កាន់ នាយការិយាល័យអនុព័ន្ធយោធាកម្ពុជាប្រចាំវៀតណាម មន្ត្រីស្ថានទូតកម្ពុជា សមាជិកនៃសមាគមជនខ្មែរនៅវៀតណាម និងនិស្សិតកម្ពុជាដែលកំពុងសិក្សានៅទីក្រុងហាណូយ។
ក្នុងជំនួបនោះ ព្រះមហាថេរៈ Thich Kim Tue ព្រះចៅអធិការវត្តខ្មែរ បានរំលឹកឡើងវិញនូវអត្ថន័យដ៏ថ្លៃថ្លានៃពិធីសែនដូនតារបស់ប្រជាជនខ្មែរ ជាពិសេសប្រពៃណី “ផឹកទឹក នឹកប្រភព” តបស្នងសងគុណដល់មាតាបិតា។ បន្ទាប់ពីរៀបចំរួច ព្រះមហាថេរៈ Thich Kim Tue បានសូត្រមន្តបួងសួងសុំសេចក្តីសុខ សេចក្ដីចំរើនជូនពុទ្ធបរិស័ទ ដែលជាមន្ត្រីនៃស្ថានទូតកម្ពុជា សមាជិកនៃសមាគមជនខ្មែរនៅវៀតណាម និងនិស្សិតកម្ពុជាដែលកំពុងសិក្សានៅទីក្រុងហាណូយ។ ក្នុងឱកាសនេះ ប្រជាពលរដ្ឋខ្មែរដែលកំពុងរស់នៅ ធ្វើការ និងសិក្សានៅទីក្រុងហាណូយក៏បានធ្វើពិធីបុណ្យភ្ជុំបិណ្ឌ ដែលជាពិធីកម្មជំនឿនៃពិធីបុណ្យសែនដូនតា.
ពិធីបុណ្យសែនដូនតា ជាពិធីបុណ្យប្រពៃណីដ៏ធំមួយក្នុងចំណោមពិធីបុណ្យប្រពៃណីដ៏ធំផ្សេងៗទៀតរបស់ជនជាតិខ្មែរ មានដូចជាបុណ្យចូលឆ្នាំថ្មី បុណ្យអកអំបុកជាដើម។ ពិធីបុណ្យសែនដូនតា ជាពិធីបុណ្យមួយមានអត្ថន័យយ៉ាងជ្រាលជ្រៅ សម្ដែងពីកត្តញ្ញូតាធម៌របស់កូនចៅគោរពដឹងគុណចំពោះលោកអ្នកដែលមានគុណ និងឧទ្ទិសបុណ្យកុសលជូនដល់បុព្វការីជនដែលបានចែកឋានទៅកាន់លោកខាងមុខ។ ខាងក្រោមនេះ គឺជារូបភាពមួយចំនួននៃពិធីបុណ្យសែនដូនតា នៅវត្តខ្មែរ នៅភូមិវប្បធម៌-ទេសចរណ៍ នៃបណ្តាជនជាតិវៀតណាមនៅ Dong Mo ស្រុក Son Tay ទីក្រុងហាណូយ។
មតិពីមិត្តអ្នកអាន