នារសៀលថ្ងៃទី ២៩ សីហា លោក Nguyen Van Quang លេខាគណៈកម្មាធិការបក្សទីក្រុង Da Nang បានជួបសន្ទនាជាមួយគណៈប្រតិភូជាន់ខ្ពស់នៃស្ថាប័នសវនកម្មរដ្ឋកម្ពុជា ឡាវ និងវៀតណាម មកបំពេញការងារនៅទីក្រុង។
 វៀតណាម៖ ឈរថតរូបដើម្បីស្វាគមន៍រដូវស្លឹកឈើជ្រុះនៅតាមដងផ្លូវនៃទីក្រុង Ha Noi |
 រដ្ឋាភិបាលវៀតណាមអភិវឌ្ឍន៍កំពង់ផែ Da Nang ប្រកបដោយភាពបៃតង ឆ្លាតវៃ |
 |
| ទិដ្ឋភាពនៃជំនួប (រូបថត៖ vnanet.vn) |
ក្នុងឱកាសនេះ លោក Nguyen Van Quang បានស្វាគមន៍គណៈប្រតិភូជាន់ខ្ពស់នៃស្ថាប័នសវនកម្មរដ្ឋកម្ពុជា ឡាវ និងវៀតណាម ដែលមកបំពេញទស្សនកិច្ចការងារនៅទីក្រុង Da Nang និងអបអរសាទរចំពោះសន្និសីទប្រមុខស្ថាប័នសវនកម្មរដ្ឋនៃប្រទេសទាំងបីឡាវ-វៀតណាម-កម្ពុជា ទទួលបានជោគជ័យយ៉ាងត្រចះត្រចង់។
លោក Nguyen Van Quang បានឲ្យដឹងថា របាយការណ៍សវនកម្មរបស់ស្ថាប័នសវនកម្មរដ្ឋដើរតួនាទីយ៉ាងសំខាន់សម្រាប់មូលដ្ឋាន។ តាមរយៈការងារសវនកម្ម មូលដ្ឋានបានឃើញចំណុចខ្វះខាតក្នុងការគ្រប់គ្រងហិរញ្ញវត្ថុ និងទ្រព្យសម្បត្តិសាធារណៈ ដូច្នេះហើយទើបមានវិធានការដោះស្រាយ និងលើកកំពស់ប្រសិទ្ធភាពនៃការគ្រប់គ្រងហិរញ្ញវត្ថុ-ថវិកា និងទ្រព្យសម្បត្តិសាធារណៈ ចូលរួមចំណែកទប់ស្កាត់ភាពអវិជ្ជមាន អំពើពុករលួយក្នុងមូលដ្ឋាន។
តាមលេខាគណៈកម្មាធិការបក្សទីក្រុង Da Nang បានឲ្យដឹងថា ឈរលើមូលដ្ឋាន នៃទំនាក់ទំនងកិច្ចសហប្រតិបត្តិការមិត្តភាពពិសេសរបស់បក្ស រដ្ឋ និងប្រជាជនវៀតណាម - កម្ពុជា វៀតណាម - ឡាវ នាពេលថ្មីៗនេះ ទីក្រុង Da Nang តែងតែយកចិត្តទុកដាក់អភិវឌ្ឍទំនាក់ទំនងសហប្រតិបត្តិការជាមួយមូលដ្ឋាន និងដៃគូនានា នៃប្រទេសឡាវ និងកម្ពុជា ព្រមទាំងជឿជាក់ថា ទំនាក់ទំនងល្អរវាងប្រទេសទាំងបីនឹងបន្តអភិវឌ្ឍកាន់តែខ្លាំងក្លាថែមទៀត៕
មតិពីមិត្តអ្នកអាន