វៀតណាមប្រកាន់ខ្ជាប់នូវគោលនយោបាយការបរទេសសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ

អាស៊ាន៖ ជាចំណុចសំខាន់នៃសន្តិភាព កិច្ចសហប្រតិបត្តិការ និងការអភិវឌ្ឍ

Bat Xat រួមចំណែកកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍

គណៈប្រតិភូបានទស្សនាសុន្ទរកថារបស់លោករដ្ឋមន្ត្រី Phan Van Giang នៅកិច្ចប្រជុំពេញអង្គលើកទី២ ដោយប្រធានបទ៖ “សន្តិសុខក្នុងតំបន់អាស៊ីប៉ាស៊ីហ្វិក” ប្រភព៖ កងទ័ពប្រជាជន

នាយឧត្តមសេនីយ៍ លោក Phan Van Giang រដ្ឋមន្ត្រីក្រសួងការពារប្រទេសវៀតណាម បានដឹកនាំគណៈប្រតិភូជាន់ខ្ពស់ក្រសួងការពារប្រទេសវៀត ណាម អញ្ជើញចូលរួមនិងថ្លែងសុន្ទរកថាដ៏សំខាន់នៅក្នុងសម័យប្រជុំពេញអង្គលើកទី ២ នៃសម័យប្រជុំ។ លោករដ្ឋមន្ត្រី Phan Van Giang បានសង្កត់ធ្ងន់ថា សាមគ្គីភាព កិច្ចសហប្រតិបត្តិការ និងការរួមចំណែករបស់ប្រទេសនានា គឺជាកត្តាសំខាន់ដើម្បីឆ្លើយតបជាមួយរាល់បញ្ហាប្រឈមសន្តិសុខក្រៅប្រពៃណីនាពេលបច្ចុប្បន្ន។

លោករដ្ឋមន្ត្រីបានអះអាងថា វៀតណាមប្រកាន់ខ្ជាប់នូវគោលការណ៍ដោះស្រាយជម្លោះនិងការខ្វែងគំនិតនៅសមុទ្រខាងកើតដោយសន្តិវិធី ឈរលើមូលដ្ឋានគោរពឯករាជ្យ អធិបតេយ្យភាព និងផលប្រយោជន៍ស្របច្បាប់របស់ប្រទេសនានា ព្រមទាំងគោរពតាមច្បាប់អន្តរជាតិ; ប្តេជ្ញាអនុវត្តយ៉ាងម៉ឺងម៉ាត់នូវសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) និងមានបំណងចង់ធ្វើការឆ្ពោះទៅរកការកសាងក្រមប្រតិបត្តិសម្រាប់ភាគីនានានៅសមុទ្រខាងកើត (COC) ប្រកបដោយប្រសិទ្ធភាព និងមានភាពច្បាស់លាស់ផ្នែកច្បាប់។ វៀតណាមក៏ប្តេជ្ញាដោះស្រាយយ៉ាងម៉ឺងម៉ាត់ និងខ្ជាប់ខ្ជួននូវជម្លោះ ភាពមិនចុះសម្រុងគ្នា តាមរយៈការសន្ទនា និងដោយសន្តិវិធី។

ក្នុងទំនាក់ទំនងអន្តរជាតិ វៀតណាមក៏ប្រកាន់ខ្ជាប់នូវគោលនយោបាយការបរទេសសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ ជាមិត្តជាមួយប្រទេសទាំងអស់ក្នុងពិភពលោក ជាដៃគូដែលមានការទទួលខុសត្រូវ និងគួរឱ្យទុកចិត្តក្នុងសហគមន៍អន្តរជាតិ; គ្មានសម្ព័ន្ធភាព, សម្ព័ន្ធភាពយោធា; គោរពគោលការណ៍មិនជ្រៀតជ្រែកក្នុងកិច្ចការផ្ទៃក្នុងនៃប្រទេសដទៃ; ការប្តេជ្ញាចិត្តចំពោះទំនួលខុសត្រូវ និងកាតព្វកិច្ចអន្តរជាតិដ៏ខ្ពង់ខ្ពស់; តែងតែមានបំណងចង់រួមចំណែកជាវិជ្ជមានដល់សន្តិភាព ស្ថិរភាព ការអភិវឌ្ឍ និងវិបុលភាពនៃពិភពលោក និងតំបន់។

នៅខាងក្រៅកម្មវិធី MCIS-១១ កាលពីម្សិលមិញ លោករដ្ឋមន្ត្រី Phan Van Giang បានជួបពិភាក្សាជាមួយរដ្ឋមន្ត្រីការពារជាតិរុស្ស៊ី លោក Sergei Shoigu ។ រដ្ឋមន្ត្រីទាំងពីរបានឯកភាពលើវិធានការពង្រឹងកិច្ចសហប្រតិបត្តិការលើវិស័យការពារជាតិរវាងវៀតណាម និងរុស្ស៊ី។

លោករដ្ឋមន្ត្រី Phan Van Giang ក៏បានអញ្ជើញជួបពិភាក្សាជាមួយរដ្ឋមន្ត្រីការពារជាតិចិន ឧត្តមសេនីយ Li Shangfu។ រដ្ឋមន្ត្រីទាំងពីរបានអះអាងសារជាថ្មីថា កិច្ចសហប្រតិបត្តិការលើវិស័យការពារជាតិគឺជាសសរស្តម្ភដ៏សំខាន់មួយ នៃទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងចិន; ឯកភាពជំរុញកិច្ច សហប្រតិបត្តិការលើវិស័យការពារជាតិ សំដៅនាំទំនាក់ទំនងដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយរវាងវៀតណាម និងចិនឆ្ពោះទៅការអភិវឌ្ឍប្រកប ដោយសុខដុមរមនា និងស្ថិរភាព។

ក្រៅពីកម្មវិធី MCIS-១១ នេះដែរ លោករដ្ឋមន្ត្រី Phan Van Giang ក៏មានជំនួបជាមួយរដ្ឋមន្ត្រីការពារជាតិម៉ុងហ្គោលី; ជួបជាមួយអគ្គលេខាធិកាក្រុមប្រឹក្សាសន្តិសុខជាតិនៃសហព័ន្ធរុស្ស៊ី; មានជំនួបទ្វេភាគីជាមួយ ឧត្តមសេនីយ៍ឯក រដ្ឋមន្ត្រីក្រសួងការពារជាតិ នៃសាធារណរដ្ឋបេឡារុស្ស៕

យោងតាមវិទ្យុសំលេងវៀតណាម