កងកម្លាំងការពារព្រំដែនវៀតណាមនិងកម្ពុជា ធ្វើការយាមល្បាតទ្វេភាគី

រួមចំណែកបំផុសសេចក្ដីស្នេហាជាតិរបស់ប្រជាជន

ការយាមល្បាតរួមរវាងកងកម្លាំងការពារព្រំដែនវៀតណាម និងកម្ពុជា

កងកម្លាំងការពារព្រំដែននៃភាគីទាំងពីរ ឯកភាពបង្កើនកិច្ចសហការក្នុងការគ្រប់គ្រង និងការពារព្រំដែន (រូបថត៖ ប៉ុស្តិ៍ការពារព្រំដែន Tuy Duc)

កងកម្លាំងយាមល្បាតទ្វេភាគីបានធ្វើយាមល្បាតតាមព្រំដែនវៀតណាម-កម្ពុជា ចាប់ពីបង្គោលព្រំដែនលេខ ៥៥ ដល់លេខ ៥៥/៦ ។ ភាគីទាំងពីរបានចុះពិនិត្យខ្សែបន្ទាត់ព្រំដែន បង្គោលព្រំដែន និងរៀបចំបោសសម្អាតជុំវិញបង្គោលព្រំដែន។ កងកម្លាំងការពារព្រំដែននៃភាគីទាំងពីរក៏បានជូនដំណឹងគ្នាទៅវិញទៅមកអំពីស្ថានភាពទាក់ទិននឹងអធិបតេយ្យភាព សន្តិសុខតាមព្រំដែន សន្តិសុខនយោបាយនៅតំបន់ព្រំដែន និងសកម្មភាពនៃឧក្រិដ្ឋជននៅសងខាងព្រំដែន។

នៅចុងបញ្ចប់នៃការធ្វើយាមល្បាត កងកម្លាំងការពារព្រំដែននៃភាគីទាំងពីរបានឯកភាពបង្កើនការផ្សព្វផ្សាយ និងអប់រំអំពីច្បាប់ ការគ្រប់គ្រងប្រជាពលរដ្ឋនៅតាមព្រំដែន និងការជំរុញការប្រយុទ្ធប្រឆាំងនឹងសកម្មភាពខុសច្បាប់។ ភាគីទាំងពីរនឹងបង្កើនការផ្លាស់ប្ដូរព័ត៌មាន ជូនដំណឹងគ្នាទៅវិញទៅមកភ្លាមៗអំពីស្ថានភាពទាក់ទងនឹងការគ្រប់គ្រងព្រំដែន និងដោះស្រាយបញ្ហាដែលកើតឡើងប្រកបដោយប្រសិទ្ធភាព។

នេះជាសកម្មភាពជាប្រចាំរវាងកងកម្លាំងការពារព្រំដែននៃភាគីទាំងពីរ ក្នុងគោលបំណងការពារអធិបតេយ្យភាពព្រំដែនជាតិ និងពង្រឹងចំណងមិត្តភាពរវាងប៉ុស្តិ៍ការពារព្រំដែន Tuy Duc ខេត្ត Dak Nong និងកងអនុសេនាធំលេខ ១ កងវរសេនាតូចលេខ ២ តំបន់ប្រតិបត្តិការសឹករងខេត្តមណ្ឌលគិរី ក្នុងការសម្របសម្រួលគ្រប់គ្រង និងការពារព្រំដែន៕

យោងតាមកាសែតកងទ័ពប្រជាជន