វៀតណាមរួមចំណែកប្រកបដោយប្រសិទ្ធភាពចំពោះកិច្ចសហប្រតិបត្តិការមេគង្គ-គង្គា

វៀតណាមប្រគល់អង្ករ ៨ តោន និងមី ២០០ កេស ជូនកងកម្លាំងការពារព្រំដែនខេត្តមណ្ឌលគិរី

រដ្ឋមន្ត្រីការបរទេសលោក​ Bui Thanh Son លើកឡើងនូវសំណើបង្កើនថែមទៀតសក្តានុពលនៃសហគមន៍មេគង្គ - គង្គា

លោក Bui Thanh Son រដ្ឋមន្ត្រីក្រសួងការបរទេសវៀតណាម។​រូបថតVNA

ពិភាក្សាអំពីទិសដៅនៃកិច្ចសហប្រតិបត្តិការ MGC ក្នុងដំណាក់កាលបន្ទាប់ រដ្ឋមន្ត្រីទាំងអស់បានឯកភាពលើការសម្រួលពាណិជ្ជកម្ម និងវិនិយោគ ពង្រឹងការតភ្ជាប់ ការអប់រំ ការគ្រប់គ្រងប្រកបដោយនិរន្តរភាពនៃធនធានទឹកឆ្លងដែន វិទ្យាសាស្ត្រ និងបច្ចេកវិទ្យា កសិកម្ម សុខាភិបាល វប្បធម៌ និងទេសចរណ៍។ កិច្ចប្រជុំបានវាយតម្លៃខ្ពស់ និងអនុម័តជាឯកច្ឆ័ន្ទនូវគំនិតផ្តួចផ្តើមរបស់ប្រទេសឥណ្ឌាស្តីពីការបង្កើតយន្តការសហប្រតិបត្តិការតាមវិស័យ MGC និងការបង្កើតក្រុមប្រឹក្សាធុរកិច្ច MGC ព្រមទាំងយល់ព្រមបន្តផែនការសកម្មភាព MGC សម្រាប់ដំណាក់កាល ២០១៩-២០២២ ដល់ចុងឆ្នាំ ២០២៤។

នៅក្នុងកិច្ចប្រជុំនេះ លោក Bui Thanh Son បានអះអាងនូវសារៈសំខាន់របស់វៀតណាមក្នុងការរួមចំណែកប្រកបដោយប្រសិទ្ធភាពចំពោះកិច្ចសហប្រតិបត្តិការ MGC។ លោករដ្ឋមន្ត្រីបានស្នើឱ្យជំរុញកិច្ចសហប្រតិបត្តិការលើវិស័យអប់រំ និងបណ្តុះបណ្តាលវិជ្ជាជីវៈ រួមចំណែកបំពេញតម្រូវការធនធានមនុស្សប្រកបដោយគុណភាពខ្ពស់ ពង្រីកកិច្ចសហប្រតិបត្តិការទេសចរណ៍ រួមចំណែកស្តារសេដ្ឋកិច្ច ជាពិសេសទេសចរណ៍ម្ហូបអាហារ និងទេសចរណ៍អាពាហ៍ពិពាហ៍ និងស្នើឱ្យឥណ្ឌាបន្តជួយដល់បណ្តាប្រទេសមេគង្គក្នុងការអភិរក្សបេតិកភណ្ឌវប្បធម៌យូណេស្កូ។

កិច្ចប្រជុំបានបញ្ចប់ដោយជោគជ័យជាមួយនឹងការអនុម័តសេចក្តីថ្លែងការណ៍រួម និងឧបសម្ព័ន្ធពីរស្តីពីការសម្របសម្រួលកិច្ចសហប្រតិបត្តិការ MGC តាមវិស័យ និងការបង្កើតក្រុមប្រឹក្សាធុរកិច្ច MGC។ រដ្ឋមន្ត្រីទាំងអស់បានព្រមព្រៀងរៀបចំកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការ MGC លើកទី ១៣ នៅឆ្នាំ ២០១៤៕

យោងតាមកាសែតកងទ័ពប្រជាជន