នាព្រឹកថ្ងៃទី ២៧ ខែមិថុនា នាវាលេខ ២៥៣ កងពលតូចលេខ ១២៧ តំបន់លេខ ៥ នៃកងទ័ពជើងទឹកប្រជាជនវៀតណាម បានចូលចតនៅកំពង់ផែតំបន់លេខ ៥ ដោយបានបញ្ចប់ការយាមល្បាតរួមជាមួយនឹងនាវាលេខ ១១៤១ នៃមូលដ្ឋានកងទ័ពជើងទឹកកម្ពុជា។
 កងទ័ពជើងទឹកវៀតណាម ធ្វើការយាមល្បាតរួមជាមួយកងទ័ពជើងទឹកកម្ពុជា ជាលើកទី៦៨ |
 កងទ័ពជើងទឹកវៀតណាម និងកងទ័ពជើងទឹកកម្ពុជារៀបចំការយាមល្បាតរួមគ្នា |
 |
| ពិធីគោរពគ្នាទៅវិញទៅមកនៅសមុទ្រ |
នៅថ្ងៃទី ២៦ ខែមិថុនា នាវាលេខ ២៥៣ និងនាវាលេខ ១១៤១ បានធ្វើការយាមល្បាតរួមគ្នាប្រចាំឆ្នាំ លើកទី ៧១ នៅក្នុងតំបន់ទឹកប្រវត្តិសាស្ត្រវៀតណាម-កម្ពុជា។
ក្នុងពេលយាមល្បាត ភាគីទាំងពីរបានអនុវត្តពិធីគោរពគ្នាទៅវិញទៅមករវាងនាវាកងទ័ពជើងទឹកនៃបណ្តាប្រទេសអាស៊ាន (Hello ASEAN) ព្រមទាំងបានផ្លាស់ប្តូរព័ត៌មាន សំរបសំរួលក្នុងការហ្វឹកហ្វឺនស្វែងរក ជួយសង្គ្រោះ និងផ្តល់ព័ត៌មានតាមទង់ យោងទៅតាមច្បាប់ស្ដីពីសញ្ញាអន្តរជាតិ។
លោកវរសេនីយ៍ឯកបំរុង Pham Luong Hao មេបញ្ជាការរងកងពលតូច នាយសេនាធិការកងពលតូចលេខ១២៧ មេបញ្ជាការនាវាយាមល្បាតតំបន់លេខ ៥ នៃកងទ័ពជើងទឹកវៀតណាម បានឲ្យដឹងថា៖ បន្ទាប់ពីជោគជ័យ នៃកិច្ចប្រជុំដកបទពិសោធន៍ការយាមល្បាតរួមលើកទី៣១ បានប្រព្រឹត្តទៅនៅមូលដ្ឋានទ័ពជើងទឹករាម ខេត្តព្រះសីហនុ ភាគីទាំងពីរបានបន្តសម្របសម្រួលអនុវត្តការយាមល្បាតរួម លើកទី៧១។ ដោយការងាររៀបចំបានយ៉ាងល្អ ការសម្របសម្រួលយ៉ាងជិតស្និទ្ធ និងការប្តេជ្ញាចិត្តខ្ពស់ នាវានៃកងទ័ពជើងទឹកទាំងពីរបានបញ្ចប់រាល់ខ្លឹមសារយាមល្បាតរួមគ្នាតាមការគ្រោងទុក ធានាសុវត្ថិភាពជាដាច់ខាត។
ប្រតិបត្តិការយាមល្បាតនេះ ក្នុងគោលបំណងរក្សាសន្តិសុខ និងសណ្តាប់ធ្នាប់ក្នុងតំបន់ទឹកជាប្រវត្តិសាស្ត្រនៃប្រទេសវៀតណាម និងកម្ពុជា បង្កើតលក្ខខណ្ឌអំណោយសម្រាប់ប្រជាជននៃប្រទេសទាំងពីរក្នុងការអភិវឌ្ឍសេដ្ឋកិច្ចសមុទ្រ ព្រមទាំងពង្រឹងចំណងសាមគ្គីភាព មិត្តភាព ការយោគយល់ និងការជឿទុកចិត្តគ្នាទៅវិញទៅមករវាងកងទ័ពជើងទឹកទាំងពីរ៕
មតិពីមិត្តអ្នកអាន