នាព្រឹកថ្ងៃទី១៤ ខែកញ្ញា នាវាលេខ២៦៥ កងពលតូចលេខ១២៧ តំបន់លេខ៥ នៃកងទ័ពជើងទឹកប្រជាជនវៀតណាម បានចូលចតនៅកំពង់ផែតំបន់លេខ៥ ដោយបញ្ចប់ការយាមល្បាតរួមប្រកបដោយជោគជ័យជាមួយនាវាលេខ ១១៣៤ នៃមូលដ្ឋានកងទ័ពជើងទឹកនៃកងយោធពលខេមរភូមិន្ទ។
 កងទ័ពជើងទឹកវៀតណាម និងកងទ័ពជើងទឹកកម្ពុជារៀបចំការយាមល្បាតរួមគ្នា |
 កងទ័ពជើងទឹកវៀតណាម និងកងទ័ពជើងទឹកនៃកងយោធពលខេមរភូមិន្ទ ចូលរួមការយាមល្បាតរួមលើកទី៦៤ |
 |
| នាយទាហាននៃនាវាលេខ២៦៥ សង្កេតមើលផ្លូវយាមល្បាត |
សូមរំលឹដែរថា កាលពីថ្ងៃទី១៣ ខែកញ្ញា នាវាលេខ ២៦៥ និងនាវាលេខ ១១៣៤ បានធ្វើការយាមល្បាតរួមប្រចាំឆ្នាំលើកទី៦៨ ក្នុងដែនសមុទ្រជាប្រវត្តិសាស្ត្រវៀតណាម-កម្ពុជា។ ភាគីទាំងពីរបានអនុវត្តនូវការគោរពគ្នារវាងនាវាកងទ័ពជើងទឹកនៃប្រទេសអាស៊ាន (Hello ASEAN); ផ្លាស់ប្តូរព័ត៌មាន; សម្របសម្រួលកិច្ចសហការក្នុងការស្វែងរក និងជួយសង្គ្រោះ បក់ទង់ឲ្យសញ្ញា និងការបញ្ចេញសញ្ញាពន្លឺឲ្យតាមការកំណត់អន្តរជាតិ។
លោកវរសេនីយ៍ឯបំរុង Doan Van Khuong មេបញ្ជាការរងកងពលតូចលេខ១២៧ ប្រធាននាវាយាមល្បាតរបស់កងទ័ពជើងទឹកវៀតណាមបានឲ្យដឹងថា ការយាមល្បាតរួមលើកទី៦៨ បានប្រព្រឹត្តទៅក្នុងស្ថានភាពអាកាសធាតុអាក្រក់ ប៉ុន្តែដោយសារការត្រៀមរៀបចំល្អ ដោយមានកិច្ចសហប្រតិបត្តិការជិតស្និទ្ធ និងការប្តេជ្ញាចិត្ត ភាគីទាំងពីរបានបញ្ចប់ការយាមល្បាតរួមគ្នាតាមការគ្រោងទុក ដោយធានាបាននូវសុវត្ថិភាព។
ការធ្វើយាមល្បាតនេះក្នុងគោលបំណងរក្សាសន្តិសុខ និងសណ្តាប់ធ្នាប់ក្នុងដែនសមុទ្រជាប្រវត្តិសាស្ត្រវៀតណាម និងកម្ពុជា បង្កើតលក្ខខណ្ឌអំណោយផលសម្រាប់ប្រជាជនទាំងពីរក្នុងការអភិវឌ្ឍសេដ្ឋកិច្ចសមុទ្រ ព្រមទាំងជំរុញកិច្ចសហប្រតិបត្តិការ និងការយល់ដឹងគ្នា និងការជឿទុកចិត្តគ្នាទៅវិញទៅមករវាងកងទ័ពជើងទឹកទាំងពីរ។
| នាព្រឹកថ្ងៃទី ១ ខែមេសា នៅច្រកទ្វារព្រំដែនអន្តរជាតិ Le Thanh ស្រុក Duc Co ខេត្ត Gia Lai យោធភូមិភាគទី៥ នៃកងទ័ពប្រជាជនវៀតណាម និងយោធភូមិភាគទី១ នៃកងយោធពលខេមរភូមិន្ទ បានរៀបចំកិច្ចប្រជុំសហប្រតិបត្តិការលើកទី២២។ លោកឧត្តមសេនីយ៍ទោ Thai Dai Ngoc មេបញ្ជាការយោធភូមិភាគទី៥ និងលោកឧត្តមសេនីយ៍ឯក ហួត ឈាង មេបញ្ជាការងកងទ័ពជើងគោក មេបញ្ជាការយោធភូមិភាគទី១ ជាសហប្រធានកិច្ចប្រជុំ។ ភាគីទាំងពីរបានឯកភាពគ្នាសម្របសម្រួលយ៉ាងជិតស្និទ្ធក្នុងការបង្ការ និងប្រយុទ្ធប្រឆាំងនឹងជំងឺរាតត្បាតកូវីដ-១៩; ត្រៀមកម្លាំង និងមធ្យោបាយ ដើម្បីជួយគ្នាទៅវិញទៅមក ជម្នះផលវិបាកក្នុងករណីមានគ្រោះមហន្តរាយ ឬគ្រោះធម្មជាតិ នៅតាមតំបន់តាមខ្សែបន្ទាត់ព្រំដែន ក្រោមការដឹកនាំរបស់ក្រសួងការពារជាតិទាំងពីរ។ ភាគីទាំងពីរបានឯកភាពគ្នាសម្របសម្រួលការពារសមិទ្ធិផលនៃការខ័ណ្ឌសីមា និងបោះបង្គោលព្រំដែន ព្រមទាំងពន្លឿនដំណើរការខ័ណ្ឌសីមា និងបោះបង្គោលព្រំដែនគោកនៅតាមមូលដ្ឋានរៀងៗខ្លួន។ យោធភូមិភាគទី១ នៃកងយោធពលខេមរភូមិន្ទ បន្តជួយ និងបង្កើតលក្ខខណ្ឌអំណោយផលសម្រាប់ក្រុមការងារអនុវត្តភារកិច្ចស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតនៅកម្ពុជា៕ |
មតិពីមិត្តអ្នកអាន