នាថ្ងៃទី ២៥ មិថុនា នៅទីលានវាយកូនហ្គោល Hulencourt នៅទីរួមស្រុក Genappe ប្រទេសបែល ហ្ស៊ិក បានប្រព្រឹត្តទៅការប្រកួតវាយកូនហ្គោល Vietnam Ambassador's Cup 2023។
 វៀតណាមចូលរួមយ៉ាងសកម្មក្នុងសកម្មភាពនៅ LIMA 2023 |
 Aerobic Vietnam ដណ្តើមបានមេដាយមាស World Cup ២០២៣ |
 |
| ឯកអគ្គរដ្ឋទូត Nguyen Van Thao (ស្តាំ) និងលោកស្រី Chris Geykens ប្រគល់គុបអនុស្សាវរីយ៍ដល់កីឡាករវាយកូនហ្គោលស្ម័គ្រចិត្ត ដែលជាតំណាងអង្គទូតអាស៊ាននៅទីក្រុងប្រ៊ុចសែល។ (រូបថត៖VNA) |
នេះគឺជាការប្រកួតវាយកូនហ្គោលប្រចាំឆ្នាំ ដោយស្ថានទូតវៀតណាមប្រចាំនៅបែល ហ្ស៊ិក សហការជាមួយលោកស្រី Chris Geykens ដែលជាតំណាងនៅក្លឹបបែលហ្ស៊ិកនៃសមាគមវៀតណាមជនរងគ្រោះដោយជាតិគីមីពុលពណ៌លឿងទុំ នៅទីក្រុង Hoi An (VAVA Hoi An) រៀបចំឡើងដើម្បីរៃអង្គាសថវិកាជួយជនរងគ្រោះដោយជាតិគីមីពុលពណ៌លឿងទុំនៅទីក្រុង Hoi An។
ព្រឹត្តិការណ៍ឆ្នាំនេះ គូសសញ្ញាខួបលើកទី ១០ ចាប់តាំងពីការប្រកួតវាយកូនហ្គោល Ambassador'Cup របស់វៀតណាមត្រូវបានរៀបចំឡើង។ ទន្ទឹមនឹងនោះ ព្រឹត្តិការណ៍នេះក៏បានប្រព្រឹត្តទៅក្នុងឱកាសរំលឹកខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងបែលហ្ស៊ិក (១៩៧៣-២០២៣)។ ដោយមានការចូលរួមពីភ្ញៀវកិត្តិយស ដែលជាអ្នកនយោបាយមួយចំនួនក្នុងអង្គទូត និងពាណិជ្ជករ បែលហ្ស៊ិក នេះជាសកម្មភាពដ៏មានអត្ថន័យ រួមចំណែកក្នុងការពង្រឹងទំនាក់ទំនងជាមួយដៃគូអាស៊ាន (សមាគមប្រជាជាតិអាស៊ីអាគ្នេយ៍) បែលហ្សិក សហភាពអឺរ៉ុប (EU) លើកតម្កើងមុខមាត់របស់វៀតណាម លើកកម្ពស់ការផ្លាស់ប្តូរពាណិជ្ជកម្ម និងជំរុញការវិនិយោគ។ ការប្រកួតកីឡាវាយកូនហ្គោលឆ្នាំនេះបានរៃអង្គាសប្រាក់បានច្រើនជាង ១២.២០០ អឺរ៉ូ (ច្រើនជាង ១៣.២០០ ដុល្លារ)។ ថវិកាទាំងនេះនឹងត្រូវប្រគល់ជូន VAVA Hoi An ដើម្បីផ្គត់ផ្គង់ដល់គ្រួសារជនរងគ្រោះដោយសារជាតិគីមីពុលពណ៌លឿងទុំ ដើម្បីអភិវឌ្ឍសេដ្ឋកិច្ចគ្រួសារ ដូចជាចិញ្ចឹមមាន់ ដាំផ្សិត ចិញ្ចឹមត្រី ដាំបន្លែ ធ្វើអាជីវកម្មទេសចរណ៍...៕
មតិពីមិត្តអ្នកអាន