គណៈប្រតិភូក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា ចូលជួបសំដែងការគួរសមជាមួយថ្នាក់ដឹកនាំខេត្ត Lang Son (វៀតណាម)

ខេត្ត Lang Son ធានាសុវត្ថិភាពសម្រាប់សកម្មភាពឆ្លងដែន

ផ្កា Son Tra រីកស្គុះស្គាយស្រស់ស្អាតលើភ្នំខ្ពស់ Son La

លោក ញ៉ែម វ៉ាលី ប្រគល់វត្ថុអនុស្សាវរីយ៍ជូនលោក Ho Tien Thieu

ទទួលគណៈប្រតិភូមានលោក Ho Tien Thieu អនុលេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត Lang Son; លោក Nong Luong Chan ប្រធានគណៈកម្មាធិការរណសិរ្សមាតុភូមិវៀតណាមខេត្ត Lang Son។

នៅក្នុងជំនួបនេះ លោក Ho Tien Thieu បានសម្តែងនូវសេចក្តីរីករាយដែលបានទទួលគណៈប្រតិភូជាន់ខ្ពស់នៃក្រុមប្រឹក្សាជាតិរណសិរ្សសាមគ្គីភាពអភិវឌ្ឍន៍មាតុភូមិកម្ពុជា ដោយអះអាងថា ដំណើរទស្សនកិច្ចរបស់គណៈប្រតិភូនៅវៀតណាមគឺជាសកម្មភាពដែលមានអត្ថន័យក្នុងបរិបទឆ្នាំ២០២២ កន្លងមក ប្រទេសទាំងពីរបានរៀបចំសកម្មភាពជាក់ស្តែងជាច្រើនដើម្បីអបអរសាទរខួបលើកទី ៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា។

លោក Ho Tien Thieu ប្រគល់វត្ថុអនុស្សាវរីយ៍ជូនលោក ញ៉ែម វ៉ាលី និងគណៈប្រតិភូជាន់ខ្ពស់នៃក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា

លោក Ho Tien Thieu បានថ្លែងអំណរគុណចំពោះលោក ញ៉ែម វ៉ាលី និងគណៈប្រតិភូជាន់ខ្ពស់ក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជាដែលបានចំណាយពេលវេលាមកបំពេញទស្សនកិច្ចនៅខេត្ត Lang Son។ លោក Ho Tien Thieu សង្ឃឹមថា នាពេលខាងមុខ ភាគីទាំងពីរនឹងបន្តយកចិត្ដទុកដាក់​ និងជំរុញកិច្ចសហប្រតិបត្តិការ។ ខេត្ត Lang Son ជានិច្ចកាលបង្កើតលក្ខខណ្ឌអំណោយផលសម្រាប់ទីភ្នាក់ងារ អង្គការ និងធុរកិច្ចនៃភាគីទាំងពីរក្នុងការតភ្ជាប់ និងកិច្ចសហប្រតិបត្តិការជាក់ស្តែងដែលស្របទៅនឹងលក្ខខណ្ឌជាក់ស្តែង លើកទឹកចិត្តគណៈប្រតិភូកម្ពុជាមកទស្សនា ស្វែងយល់ និងជំរុញ កិច្ចសហប្រតិបត្តិការលើវិស័យជាច្រើន។

ប្រតិភូទាំងឡាយថតរូបជាអនុស្សាវរីយ៍

លោក ញ៉ែម វ៉ាលី សង្ឃឹមថា ថ្នាក់ដឹកនាំខេត្ត Lang Son នឹងបន្តយកចិត្តទុកដាក់ និងពង្រឹងការតភ្ជាប់ និងកិច្ចសហប្រតិបត្តិការរវាងខេត្ត Lang Son និងខេត្តដទៃទៀតនៃកម្ពុជា ចែករំលែកបទពិសោធន៍និងលើកទឹកចិត្តគ្នាទៅវិញទៅមកដើម្បីបំពេញភារកិច្ចដែលបានប្រគល់ជូន រួមចំណែកពង្រឹងចំណងមិត្តភាព និងសាមគ្គីភាពរវាងវៀតណាម និងកម្ពុជា៕

យោងតាមកាសែតកងទ័ពប្រជាជន