នាវាលេខ ២០ របស់កងទ័ពជើងទឹកវៀតណាមចេញដំណើរទៅចូលរួមសកម្មភាពពហុភាគីអន្តរជាតិនៅប្រទេសម៉ាឡេស៊ី និងឥណ្ឌូនេស៊ី

នាវាលេខ ០១២- Ly Thai To បញ្ចប់ការហ្វឹកហាត់នៅថ្ងៃដំបូងដំណាក់កាលទី ២ នៅ CODEX 22B-I

វៀតណាម និងឥណ្ឌូនេស៊ី ជំរុញកិច្ចសហប្រតិបត្តិការសភា

លោកវរសេនីយ៍ឯក Nguyen Thien Quan មេបញ្ជាការតំបន់លេខ៣ កងទ័ពជើងទឹក ជូនផ្កាអបអរសាទរលោកវរសេនីយ៍ឯក Nguyen Quoc Quang និងគណៈប្រតិភូ ឲ្យបំពេញភារកិច្ចដោយជោគជ័យ

ដំណើរនេះធ្វើឡើងតបតាមការអញ្ជើញរបស់កងទ័ពជើងទឹកម៉ាឡេស៊ី និងឥណ្ឌូណេស៊ី ក្នុងគោលបំណងពង្រឹង និងពង្រីកថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការល្អរដែលមានស្រាប់ រវាងកងទ័ពជើងទឹកវៀតណាម និងកងទ័ពជើងទឹកនៃប្រទេសអាស៊ាននិយាយដោយឡែក និងបណ្តាប្រទេសក្រៅតំបន់និយាយរួម។

លើសពីនេះ ដំណើររបស់នាវាលេខ២០ និងគណៈប្រតិភូមានគោលបំណងអនុវត្តទស្សនៈដឹកនាំរបស់គណៈកម្មាធិការបក្សយោធាមជ្ឈិម និងក្រសួងការពារប្រទេសស្តីពីសមាហរណកម្មអន្តរជាតិ និងការទូតការពារជាតិ បន្តធ្វើឱ្យប្រសើរឡើងនូវសមត្ថភាពក្នុងការឆ្លើយតបទៅនឹងបញ្ហាប្រឈមទូទៅអំពីសន្តិសុខនាវាចរណ៍។

នាវាលេខ ២០ ចេញដំណើរទៅចូលរួមសកម្មភាពពហុភាគីអន្តរជាតិនៅប្រទេសម៉ាឡេស៊ី និងឥណ្ឌូនេស៊ី

យោងតាមផែនការ នៅប្រទេសម៉ាឡេស៊ី នាវាលេខ ២០ និងគណៈប្រតិភូនឹងចូលរួមក្នុងសកម្មភាពក្នុងក្របខណ្ឌនៃការតាំងពិព័រណ៍លំហអាកាស និងនាវាចរណ៍អន្តរជាតិ Langkawi (LIMA) ដូចជា ការតាំងពិព័រណ៌នាវាកងទ័ពជើងទឹក ការតាំងពិព័រណ៌អំពីឱកាសវិជ្ជាជីវៈកងទ័ពជើងទឹកម៉ាឡេស៊ី ពិធីដង្ហែក្បួនព្យុះហយាត្រា សមយុទ្ធនៅលើសមុទ្រ LIMA។

នៅប្រទេសឥណ្ឌូនេស៊ី នាវាលេខ ២០ និងគណៈប្រតិភូនឹងចូលរួមក្នុងសមយុទ្ធកងទ័ពជើងទឹកពហុភាគី Komodo លើកទី ៤ (MNEK-4) ពិធីដង្ហែក្បួនព្យុះហយាត្រានាវាអន្តរជាតិ និងសិក្ខាសាលាសន្តិសុខនាវាចរណ៍អន្តរជាតិ។

នាវាលេខ២០ និងគណៈប្រតិភូចេញដំណើរទៅបំពេញភារកិច្ច

នាវាលេខ ២០ និងគណៈប្រតិភូក៏នឹងចូលរួមក្នុងការផ្លាស់ប្តូរវប្បធម៌ និងកីឡាជាច្រើននៅក្នុងប្រទេសម៉ាឡេស៊ី និងឥណ្ឌូនេស៊ីផងដែរ៕

យោងតាមកាសែតកងទ័ពប្រជាជន