គោលដៅរបស់គណៈប្រតិភូកីឡាវៀតណាមនៅស៊ីហ្គេមលើកទី៣២នាពេលខាងមុខគឺដើម្បីចូលប្រទេសកំពូលទាំង៣ក្នុងតារាងមេដាយ។
 ពិធីដង្ហែរភ្លើងគប់ព្រឹត្តិការណ៍កីឡាអាស៊ីអាគ្នេយ៍ – ស៊ីហ្គេម ៣២ |
 ថ្នាក់ដឹកនាំប្រទេសអាស៊ានមួយចំនួននឹងអញ្ជើញចូលរួមពិធីបើកការ ប្រកួតកីឡាស៊ីហ្គេម ៣២ នៅកម្ពុជា |
 |
| កងទ័ពកីឡាវៀតណាមទៅចូលរួមប្រកួតកីឡាស៊ីហ្គេមលើកទី៣១ |
នាថ្ងៃទី ១៧ មេសា រដ្ឋមន្ត្រីក្រសួងវប្បធម៌ កីឡា និងទេសចរណ៍ លោក Nguyen Van Hung បានចុះហត្ថលេខាលើសេចក្តីសម្រេចស្តីពីការបង្កើតគណៈប្រតិភូកីឡាវៀតណាម ដើម្បីចូលរួមព្រឹត្តិការណ៍កីឡាអាស៊ីអាគ្នេយ៍ (SEA Games) លើកទី៣២ ដែលប្រព្រឹត្តទៅនៅប្រទេសកម្ពុជា ចាប់ពីថ្ងៃទី ៥-១៧ ខែឧសភា។
ស៊ីហ្គេម ៣២ នឹងប្រព្រឹត្តិទៅចាប់ពីថ្ងៃទី ៥ ដល់ថ្ងៃទី ១៧ ខែឧសភា នៅប្រទេស កម្ពុជា ដោយរំពឹងថានឹងមានអ្នកចូលរួមជាង ១២.៤០០ នាក់ រួមទាំងកីឡាករកីឡា ការិនី គ្រូបង្វឹក អាជ្ញាកណ្តាល និងបុគ្គលិកមកពីប្រទេសអាស៊ីអាគ្នេយ៍ចំនួន ១១។ ពិធីបើកស៊ីហ្គេមនឹងប្រព្រឹត្តទៅនាថ្ងៃទី ៥ ខែឧសភា និងពិធីបិទនៅថ្ងៃទី ១៧ ខែឧសភា។
ព្រឹត្តិការណ៍សំខាន់ទាំងពីរនេះត្រូវបានប្រទេសម្ចាស់ផ្ទះកម្ពុជារៀបចំនៅពហុកីឡដ្ឋានជាតិមរតកតេជោ រាជធានីភ្នំពេញ។ នៅស៊ីហ្គេមលើកទី៣២ កីឡាករកីឡាការិនីនឹងចូលរួមប្រកួតចំនួន ៦០៨ វិញ្ញាសា នៃកីឡា ៤៨ ប្រភេទ។ នាថ្ងៃទី ១៩ ខែមេសា នៅទីក្រុងហាណូយ ក្រុមកីឡា វៀតណាមនឹងរៀបចំពិធីជូនដំណើរទៅចូលរួមស៊ីហ្គេម ៣២។ លោក Dang Ha Viet ប្រធានអគ្គនាយកដ្ឋានអប់រំកាយ និង កីឡា ប្រធានក្រុមកីឡាវៀតណាមដែលចូលរួម ព្រឹត្តិការណ៍កីឡាស៊ីហ្គេមលើកទី៣២ បានឲ្យដឹងថា៖ “ក្រុមកីឡាវៀតណាមនឹងចូលរួមការប្រកួតកីឡាស៊ីហ្គេមលើកទី៣២ ដោយមាន សមាជិកជាង១០០០នាក់ ក្នុងនោះមានកីឡាករកីឡាការិនីចំនួន៧០២នាក់ ចូលរួមប្រកួតក្នុងកីឡាចំនួន ៣១ ប្រភេទ ជាមួយនឹង ៤៤៦ វិញ្ញាសា។ គោលដៅរបស់ក្រុម កីឡាវៀតណាមគឺខិតខំចូលក្នុងកំពូលទាំង ៣ ដោយឈ្នះមេដាយមាសពី ៨៩ ដល់ ១២០ គ្រឿង”៕
មតិពីមិត្តអ្នកអាន