Phu Tho៖ គណៈប្រតិភូមូលនិធិពានរង្វាន់ព្រះរាជបុត្រីថៃ បានទៅទស្សនាវិទ្យាល័យ Huong Can

លក្ខណៈវិសេសវិសាលនៅពិធីបុណ្យស្ដេចហ៊ុងបង្រៀនប្រជាជនស្ទូងនៅខេត្ត Phu Tho

ពិធីបុណ្យវត្ត Huong និទាឃរដូវឆ្នាំថោះ បញ្ចស័ក ឆ្នាំ២០២៣ បើកនៅថ្ងៃទី ២៧ មករា

លោក Krissanapong Kirtikara - ប្រធានមូលនិធិពានរង្វាន់ព្រះរាជបុត្រីថៃ ប្រគល់អំណោយដល់សិស្សវិទ្យាល័យ Huong Can ។

ថ្លែងក្នុងកិច្ចប្រជុំនេះ លោក Krissanapong Kirtikara ប្រធានមូលនិធិពានរង្វាន់ព្រះរាជបុត្រីថៃ បានថ្លែងអំណរគុណចំពោះមន្ទីរអប់រំ និងបណ្តុះបណ្តាលខេត្ត Phu Tho វិទ្យាល័យ Huong Can ដែលបានសហការជាមួយប្រទេសថៃលើវិស័យអប់រំ និងបណ្តុះបណ្តាល ជាពិសេស តាមរយៈពានរង្វាន់ព្រះនាង Maha Chakri។ ប្រធានមូលនិធិពានរង្វាន់ម្ចាស់ព្រះនាងថៃ ក៏បានវាយតម្លៃខ្ពស់ចំពោះការងារបង្រៀន និងរៀនរបស់វិទ្យាល័យ Huong Can ផងដែរ។

មូលនិធិពានរង្វាន់ម្ចាស់ព្រះនាងថៃ ផ្តល់កិត្តិយសដល់លោកគ្រូ អ្នកគ្រូដែលមានស្នាដៃឆ្នើម ដែលបានចូលរួមចំណែកក្នុងការអភិវឌ្ឍន៍វិស័យអប់រំ និងប្រជាជនក្នុងបណ្តាប្រទេសអាស៊ីអាគ្នេយ៍។ នៅប្រទេសវៀតណាម ចាប់ពីឆ្នាំ ២០០៦ រហូតមកដល់បច្ចុប្បន្ន ព្រះរាជបុត្រីថៃMaha Chakri Sirindhorn បានឧបត្ថម្ភគម្រោង “ការលើកកម្ពស់គុណភាពជីវភាពរបស់កុមារ និងមនុស្សវ័យជំទង់ក្នុងតំបន់អាស៊ី-ប៉ាស៊ីហ្វិក” នៅគ្រឹះស្ថានអប់រំនៅតំបន់ជួបការលំបាកនៅភាគខាងជើងនៃប្រទេសវៀតណាម។ ក្រៅ​ពី​នេះ ព្រះរាជបុត្រីថៃ​ក៏​មាន​ចំណាប់​អារម្មណ៍​ក្នុង​ការ​ជួយ​ដល់​គ្រូ​បង្រៀន និង​អ្នក​គ្រប់គ្រង​អប់រំ​វៀតណាម​ផង​ដែរ។

សាលានេះមានគ្រូបង្រៀន Ha Anh Phuong ដែលជាគ្រូបង្រៀនភាសាអង់គ្លេសម្នាក់ក្នុងចំណោមគ្រូល្អបំផុតទាំង ១០ នៅលើពិភពលោកក្នុងឆ្នាំ ២០២០ ។ នៅឆ្នាំ ២០២១ លោកគ្រូ Ha Anh Phuong ក៏បានឈ្នះពានរង្វាន់ម្ចាស់ព្រះរាជបុត្រីថៃ...

ក្នុងជំនួបនេះដែរ សិស្សានុសិស្សនៃវិទ្យាល័យ Huong Can បានឧទ្ទេសនាមអំពីគម្រោង “អំពើហឹង្សាតាមអ៊ីនធឺណិត”។ គម្រោងនេះមានគោលបំណងបណ្តុះជំនាញបច្ចេកវិទ្យាព័ត៌មាន ជំនាញធ្វើបទបង្ហាញ សហការ និងជំនាញការងារជាក្រុមរបស់សិស្ស។

ក្នុងឱកាសនេះ លោកប្រធានមូលនិធិពានរង្វាន់ព្រះរាជបុត្រីថៃ បានប្រគល់អំណោយដល់វិទ្យាល័យ Huong Can និងបានអញ្ជើញលោកគ្រូ អ្នកគ្រូ និងសិស្សានុសិស្សរបស់សាលាមកធ្វើទស្សនកិច្ចនៅប្រទេសថៃនាពេលខាងមុខនេះ៕

ឌឹកអាញ់

Thoidai.com.vn