នារសៀលថ្ងៃទី ៣ ខែមេសា ឧត្តមសេនីយ៍ឯក Tran Quang Phuong អនុប្រធានរដ្ឋសភាបានអញ្ជើញទៅសួរសុខទុក្ខនិងធ្វើការនៅបញ្ជាការដ្ឋានប៉ូលីសសមុទ្រ (ទីក្រុងហាណូយ)។
 វៀតណាម ផ្តោតលើការដកកាតលឿងរបស់គណៈកម្មការអឺរ៉ុប (EC) ក្នុងឆ្នាំ ២០២២ នេះ |
 EC នឹងបើកកិច្ចប្រជុំតាមអ៊ីនធឺរណែតស្តីពីការដកកាតលឿង IUU សម្រាប់វៀតណាម |
 |
| ប៉ូលីសសមុទ្រវៀតណាម អនុវត្តន៍ដំណោះស្រាយសំដៅដកកាតលឿងរបស់ EC |
នៅក្នុងកិច្ចប្រជុំនេះ អនុប្រធានរដ្ឋសភាបានមានប្រសាសន៍ថា នាពេលខាងមុខគណៈកម្មាធិការអឺរ៉ុប(EC)នឹងមកដល់វៀតណាមដើម្បីត្រួតពិនិត្យលើកទី៤ លើការនេសាទខុសច្បាប់ មិនប្រកាស និងមិនស្របតាមបទប្បញ្ញត្តិ (IUU)។
ដូច្នេះ កម្លាំងប៉ូលីសសមុទ្រត្រូវសម្របសម្រួលជាមួយក្រសួងការពារជាតិ ក្រសួង សាខានិងមូលដ្ឋាននានាដើម្បីអនុវត្តន៍យ៉ាងឆាប់រហ័សនូវដំណោះស្រាយដកកាតលឿង IUU ដោយផ្សាភ្ជាប់នឹងការការពារធនធាននិងបរិស្ថានសមុទ្រប្រកបដោយនីរន្តរភាព។ នាពេលខាងមុខ ទីភ្នាក់ងារនានារបស់រដ្ឋសភាបន្តស្រាវជ្រាវ ធ្វើវិសោធនកម្ម បំពេញបន្ថែម និងសុក្រឹត្យដំណោះស្រាយសំដៅពុះពាររាល់ឧបសគ្គក្នុងដំណើរការអនុវត្តភារកិច្ច បង្កលក្ខណៈងាយស្រួលបំផុតសម្រាប់កងកម្លាំងប៉ូលីសសមុទ្របំពេញបានយ៉ាងល្អនូវភារកិច្ចដែលបានប្រគល់ជូន។
អនុប្រធានរដ្ឋសភាក៏បានទទួលស្គាល់ និងកោតសរសើរចំពោះការអនុវត្តភារកិច្ចរបស់បញ្ជាការដ្ឋានប៉ូលីសសមុទ្ររ ជាពិសេសតួនាទីសំខាន់ក្នុងការអនុវត្តច្បាប់ ការការពារសន្តិសុខជាតិ និងសុវត្ថិភាពនៅសមុទ្រ ការអនុវត្តន៍យុទ្ធសាស្ត្រអភិវឌ្ឍន៍ប្រកបដោយចីរភាពនៃសេដ្ឋកិច្ចសមុទ្ររបស់វៀតណាម៕
មតិពីមិត្តអ្នកអាន