ក្នុងឱកាសរៀបចំទទួលបុណ្យចូលឆ្នាំថ្មីប្រពៃណីជាតិខ្មែរ ក្រោមការអនុញ្ញាតពីគណៈកម្មាធិការប្រជាជនខេត្ត Khanh Hoa ភាគកណ្តាលវៀតណាម បញ្ជាការដ្ឋានយោធាខេត្ត បានរៀបចំគណៈប្រតិភូទៅសួរសុខទុក្ខថ្នាក់ដឹកនាំខេត្តស្ទឹងត្រែង និងបានផ្តល់ការពិនិត្យ ព្យាបាលជំងឺ ចែកថ្នាំពេទ្យដោយឥតគិតថ្លៃ និងផ្តល់អំណោយដល់នាយទាហាន នាយទាហានរង នៃតំបន់ប្រតិបត្តិការសឹករងខេត្តស្ទឹងត្រែង និងប្រជាពលរដ្ឋនៅស្រុកថាឡាបរិវ៉ាត់ ខេត្តស្ទឹងត្រែង។
 |
| គណៈប្រតិភូបានចែកអំណោយដល់ប្រជាពលរដ្ឋស្រុកថាឡាបរិវ៉ាត់ |
ក្នុងជំនួបជាមួយថ្នាក់ដឹកនាំខេត្តស្ទឹងត្រែង ភាគីទាំងពីរបានជម្រាបជូនអំពីស្ថានភាពសន្តិសុខនយោបាយ និងការអភិវឌ្ឍន៍សេដ្ឋកិច្ចសង្គមនៃខេត្តទាំងពីរនាពេលកន្លងមក។ លោក ស្វាយ សំអ៊ាង (អភិបាលខេត្តស្ទឹងត្រែង) បានសម្តែងនូវក្តីស្រលាញ់ និងការដឹងគុណចំពោះកងទ័ព និងប្រជាជនវៀតណាមនិយាយរួម និងខេត្ត Khanh Hoa និយាយដោយឡែក ដែលបានរួមចំណែក និងធ្វើពលិកម្មសព្វបែបយ៉ាងក្នុងការជួយប្រជាជនកម្ពុជាឱ្យរួចផុតពីរបបប្រល័យពូជសាសន៍ ប៉ុល ពត រំដោះប្រទេសជាតិ និងកសាងប្រទេសនាពេលបច្ចុប្បន្ននេះ រួមទាំងការជួយដ៏ស្មោះស្ម័គ្ររបស់ខេត្ត Khanh Hoa ដល់កងកម្លាំងប្រដាប់អាវុធ និងប្រជាជនខេត្តស្ទឹងត្រែង នាពេលកន្លងមក។
 |
| គណៈប្រតិភូបានចែកអំណោយដល់ប្រជាពលរដ្ឋស្រុកថាឡាបរិវ៉ាត់ |
ក្នុងឱកាសនេះ បញ្ជាការដ្ឋានយោធាខេត្ត Khanh Hoa បានប្រគល់អំណោយចំនួន ១៥០ កញ្ចប់ ក្នុងមួយកញ្ចប់មានតម្លៃ ៥០០.០០០ ដុង ដល់គ្រួសារក្រីក្រ ព្រមទាំងសហការជាមួយមន្ទីរពេទ្យ ២២-ធ្នូ Nha Trang ចុះពិនិត្យ និងផ្តល់ថ្នាំពេទ្យដោយឥតគិតថ្លៃជូនប្រជាពលរដ្ឋចំនួន ១០០០ នាក់ នៅស្រុកថាឡាបរិវ៉ាត់ ខេត្តស្ទឹងត្រែង។
 |
| គណៈប្រតិភូបានចែកអំណោយដល់ប្រជាពលរដ្ឋស្រុកថាឡាបរិវ៉ាត់ |
លោកវរសេនីយ៍ឯក Trinh Viet Thanh ប្រធាននយោបាយនៃបញ្ជាការដ្ឋានយោធាខេត្ត Khanh Hoa ប្រធានគណៈប្រតិភូ បានមានប្រសាសន៍ថា៖ ការចុះសួរសុខទុក្ខ ផ្តល់អំណោយ ពិនិត្យសុខភាព និងផ្តល់ថ្នាំពេទ្យដោយឥតគិតថ្លៃដល់ប្រជាជនខេត្តស្ទឹងត្រែង ព្រះរាជាណាចក្រកម្ពុជា គឺជាសកម្មភាពជាប្រចាំក្នុងប៉ុន្មានឆ្នាំចុងក្រោយនេះរបស់ខេត្ត Khanh Hoa។ តាមរយៈសកម្មភាពទាំងនេះ យើងមានគោលបំណងរឹតចំណងមិត្តភាព និងសាមគ្គីភាពរវាងវៀតណាម និងកម្ពុជានិយាយរួម និងរវាងខេត្ត Khanh Hoa និងខេត្តស្ទឹងត្រែង និយាយដោយឡែក៕
មតិពីមិត្តអ្នកអាន