ប្រធានរដ្ឋវៀតណាមលោក Vo Van Thuong អញ្ជើញទទួលជួប​ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជាលោក ប្រាក់ សុខុន

ប្រធានរដ្ឋវៀតណាម លោក Vo Van Thuong ទទួលជួបឧបនាយករដ្ឋមន្ត្រីកម្ពុជា​​​ សម្តេចក្រឡាហោម ស ខេង

សមមិត្ត Vo Van Thuong បានស្បថចូលកាន់តំណែងជាប្រធានរដ្ឋនៃសាធារណរដ្ឋសង្គមនិយមវៀតណាម

លោក Vo Van Thuong ប្រធានរដ្ឋបានទទួលជួបឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជាលោក ប្រាក់ សុខុន

នារសៀលថ្ងៃទី២១ ខែកុម្ភៈ នៅវិមានប្រធានរដ្ឋ លោក Vo Van Thuong ប្រធានរដ្ឋបានទទួលជួបឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជាលោក ប្រាក់ សុខុន ដែលកំពុងបំពេញទស្សនកិច្ចនៅវៀតណាម និងធ្វើជាសហប្រធានសម័យប្រជុំលើកទី២០ នៃគណៈកម្មការចម្រុះវៀតណាម-កម្ពុជាស្ដីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកទេស។ នៅទីនេះ ប្រធានរដ្ឋលោក Vo Van Thuong បានអះអាងថា៖ វៀតណាមជានិច្ចកាលយកចិត្តទុកដាក់ និងមានបំណងចង់ពង្រឹងជានិច្ចនូវទំនាក់ទំនងភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ និងយូរអង្វែងរវាងប្រទេសទាំងពីរ។ លោកប្រធានបានស្នើថា នាពេលខាងមុខ ភាគីទាំងពីរបន្តរក្សាទំនាក់ទំនងនយោបាយល្អ ជំរុញ និងអនុវត្តន៍ឲ្យបានល្អនូវដំណើរទស្សនកិច្ចថ្នាក់ខ្ពស់ និងទំនាក់ទំនងលើគ្រប់បណ្តាញ; លោកបានស្នើឱ្យភាគីកម្ពុជាបន្តយកចិត្តទុកដាក់ និងបង្កើតលក្ខខ័ណ្ឌអំណោយផលសម្រាប់ប្រជាពលរដ្ឋ ដើមកំណើតវៀតណាមមករស់នៅ ធ្វើការ និងសិក្សានៅកម្ពុជា។

ចំណែកលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា បានបញ្ជាក់ថា កម្ពុជាតែងតែគាំទ្រវៀតណាមក្នុងវេទិកាអន្តរជាតិ និងតំបន់៕

យោងតាមវិទ្យុសំលេងវៀតណាម