នាថ្ងៃទី ៧ ខែមីនា នៅទីក្រុង Cao Lanh (ខេត្ត Dong Thap ប្រទេសវៀតណាម) បញ្ជាការដ្ឋានកងទ័ពការពារព្រំដែនខេត្ត Dong Thap បានសម្របសម្រួលជាមួយតំបន់ប្រតិបត្តការសឹករងខេត្តព្រៃវែង រៀបចំកិច្ចប្រជុំបូកសរុបលទ្ធផលនៃកិច្ចសហប្រតិបត្តិការឆ្នាំ២០២២។ លោកវរសេនីយ៍ឯក Le Van Luan មេបញ្ជាការកងទ័ពការពារព្រំដែនខេត្ត Dong Thap និងលោកឧត្តមសេនីយ៍ទោ មឿន សាម៉ន មេបញ្ជាការតំបន់ប្រតិបត្តិការសឹករងខេត្តព្រៃវែង បានធ្វើជាអធិបតីក្នុងកិច្ចពិភាក្សានេះ។
 ពិធីទទួលកិត្តិនាមសួនឧទ្យានភូគព្ភសាស្រ្តសកលខ្ពង់រាបថ្ម Dong Van (វៀតណាម) លើកទី ៣ នឹងប្រព្រឹត្តិទៅនាពេលខាងមុខ |
 គណៈប្រតិភូខេត្តព្រៃវែង និងខេត្តបន្ទាយមានជ័យ ជូនពរឆ្នាំថ្មីថ្នាក់ដឹកនាំខេត្ត Dong Thap |
 |
| លោកវរសេនីយ៍ឯក Le Van Luan និងលោកឧត្តមសេនីយ៍ទោ មឿន សាម៉ន ចុះហត្ថលេខាលើអនុស្សរណៈនៃកិច្ចសហប្រតិបត្តិការឆ្នាំ២០២៣ |
នៅក្នុងកិច្ចប្រជុំនេះ ភាគីទាំងពីរបានឯកភាពគ្នាលើទិសដៅ ភារកិច្ច និងចុះហត្ថលេខាលើកិច្ចព្រមព្រៀងសហប្រតិបត្តិការឆ្នាំ២០២៣។ តាមនោះ ភាគីទាំងពីរបន្តអនុវត្តបានល្អនូវការឃោសនាផ្សព្វផ្សាយ ហើយចលនាប្រជាជននៅសងខាងព្រំដែន និងអ្នកដំណើរឆ្លងកាត់ច្រកទ្វារព្រំដែនត្រូវអនុវត្តបានល្អនូវកិច្ចព្រមព្រៀង សន្ធិសញ្ញាស្តីពីបទប្បញ្ញត្តិច្រកទ្វារព្រំដែន និងខ្លឹមសារនៃកិច្ចព្រមព្រៀង បង្កើនការផ្លាស់ប្តូរព័ត៌មាន ផ្តោតលើការប្រយុទ្ធប្រឆាំង ការទប់ស្កាត់ឧក្រិដ្ឋកម្មទាំងសងខាងព្រំដែន ការទប់ស្កាត់ការចេញនិងចូលដោយខុសច្បាប់ រក្សាសន្តិសុខនយោបាយ សណ្តាប់ធ្នាប់ និងសុវត្ថិភាពសង្គមនៅតាមតំបន់ព្រំដែន បង្កើតលក្ខខណ្ឌអំណោយផលសម្រាប់ប្រជាពលរដ្ឋនៅសងខាងព្រំដែនក្នុងការធ្វើអាជីវកម្ម ការសួរសុខទុក្ខសាច់ញាតិ ផ្លាស់ប្តូរទំនិញ ពិនិត្យ និងព្យាបាលជំងឺ។
 |
| កម្មាភិបាលនៃប៉ុស្តិ៍ការពារព្រំដែនអន្តរជាតិ Dinh Ba (កងទ័ពការពារព្រំដែនខេត្ត Dong Thap) យាមល្បាតទ្វេភាគីជាមួយកងកម្លាំងការពារព្រំដែនកម្ពុជា |
ក្នុងឱកាសនេះ បញ្ជាការដ្ឋានកងទ័ពការពារព្រំដែនខេត្ត Dong Thap បានប្រគល់ថវិកាចំនួន ១៥០ លានដុងជូនតំបន់ប្រតិបត្តិការសឹករងខេត្តព្រៃវែង និងប្រគល់ថវិកាចំនួន ៥០ លានដុងជូនកងវរសេនាតូចការពារព្រំដែនលេខ៣ នៃកងទ័ពការពារព្រំដែនខេត្តព្រៃវែង៕
មតិពីមិត្តអ្នកអាន