ស្ដូបមិត្តភាពវៀតណាម-កម្ពុជាគឺជាសំណង់និមិត្តរូបដើម្បីចងចាំជានិច្ចនូវគុណូបការៈរបស់យុទ្ធជនពលីនៃប្រជាជាតិទាំងពីរ។
 ត្រួតពិនិត្យទូទៅលើការទិញលក់បសុបក្សី និងបសុសត្វនៅតាមព្រំដែនវៀតណាម-កម្ពុជា |
 ចំណងសាមគ្គីវៀតណាម-កម្ពុជាពោរពេញទៅដោយមនោសញ្ចេតនា |
 |
| លោក ញ៉ែម វ៉ាលី អនុប្រធានអចិន្ត្រៃយ៍ និងជាអគ្គលេខាធិកាក្រុមប្រឹក្សាជាតិរណសិរ្សសាមគ្គីអភិវឌ្ឍមាតុភូមិកម្ពុជា កាត់ខ្សែបូសម្ពោធស្ដូបមិត្ដភាពវៀតណាម-កម្ពុជា (រូបថត៖ nhandan) |
“កងទ័ពស្ម័គ្រចិត្តវៀតណាមសុខចិត្តពលីជីវិត ដើម្បីជួយសង្គ្រោះប្រជាជនកម្ពុជាឲ្យរួចផុតពីរបបប្រល័យពូជសាសន៍ខ្មែរក្រហម។ នេះជាពលីកម្មដ៏ធំធេងដែលគ្មានអ្វីអាចប្រៀបធៀបបានឡើយ” លោក ញ៉ែម វ៉ាលី អនុប្រធានអចិន្ត្រៃយ៍ និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍមាតុភូមិកម្ពុជាបានអះអាងដូច្នេះក្នុងពិធីសម្ពោធស្ដូបមិត្តភាពវៀតណាម-កម្ពុជា ដែលប្រព្រឹត្តទៅនាថ្ងៃទី ៣ មីនា នៅខេត្តកំពង់ស្ពឺ កម្ពុជា។
លោក ញ៉ែម វ៉ាលី ក៏បានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋ និងប្រជាជនវៀតណាមដែលបានជួយរំដោះប្រទេសកម្ពុជាឲ្យរួចផុតពីរបបប្រល័យពូជសាសន៍ ប៉ុល ពត នាំមកនូវជ័យជំនះជាប្រវត្តិសាស្ត្រ ៧ មករា ឆ្នាំ ១៩៧៩។ លោកបានអះអាងថា ស្ដូបមិត្តភាព វៀតណាម-កម្ពុជា គឺជាសំណង់និមិត្តរូបដើម្បីចងចាំជានិច្ចនូវគុណូបការៈរបស់យុទ្ធជនពលីនៃប្រជាជាតិទាំងពីរ ដែលបានពលីជីវិត ដើម្បីបុព្វហេតុរំដោះប្រជាជនកម្ពុជាឲ្យរួចផុតពីរបបប្រល័យពូជសាសន៍។
 |
| ប្រតិភូបានថតរូបអនុស្សាវរីយ៍ក្នុងពិធីសម្ពោធ។ |
រីឯខ្លួនវិញ លោក Nguyen Huy Tang ឯកអគ្គរដ្ឋទូតវៀតណាមប្រចាំនៅកម្ពុជា សង្ឃឹមថា ស្ដូបមិត្តភាពវៀតណាម-កម្ពុជា នៅខេត្តកំពង់ស្ពឺ គឺជាកន្លែងសម្រាប់យុវជននៃប្រទេសទាំងពីរស្វែងយល់អំពីទំនាក់ទំនងមិត្តភាពពិសេសរវាងប្រជាជន និងកងទ័ពនៃប្រទេសទាំងពីរ។
ស្ដូបមិត្តភាពវៀតណាម-កម្ពុជា នៅខេត្តកំពង់ស្ពឺ គឺជាស្ដូបមិត្តភាពទី ១៧ ក្នុងចំណោមស្ដូបមិត្តភាពសរុបចំនួន ២៥ ដែលត្រូវបានកែលំអលើកសោភ័ណភាព និងសាងសង់ថ្មីនៅកម្ពុជាផងដែរ៕
មតិពីមិត្តអ្នកអាន