ស្ថិតនៅភាគពាយ័ព្យ នៃប្រទេសកម្ពុជា ខេត្តសៀមរាបមិនត្រឹមតែជាតំបន់ទេសចរណ៍ប្រវត្តិសាស្ត្រតែមួយមុខប៉ុណ្ណោះទេ តែគឺជាខេត្តដែលសម្បូរទៅដោយរមណីយដ្ឋានធម្មជាតិ និង រមណីយដ្ឋានកែច្នៃជាច្រើនដែលទើបតែបង្កើតឡើងថ្មីៗនេះ ដែលមានដូចជា តំបន់ទេសចរណ៍ធម្មជាតិស្រះខ្វាវ សួនក្រអូបឃុនរាម បឹងឈូកបន្ទាយស្រី ស្ទឹងតូច និង ផ្ទះឫស្សីដៃបឹង ជាដើម ។
 លីមប៊ិចឡោញ៍ និងបឹងហ្កាឡូទាក់ទាញភ្ញៀវទេសចរណ៍ |
 ខេត្តកោះកុង មានផ្ទះសំណាក់ និងសណ្ឋាគារជាង១០០កន្លែង |
ថ្ងៃនេះ «ប្រជាប្រិយ» សូមលើកយកនូវតំបន់រមណីយដ្ឋានកែច្នៃមួយបែបទៀត ដែលមានទីតាំងនៅក្នុងភូមិសាស្ត្រខេត្តសៀមរាប ដែលកំពុងសម្ញែងខ្លួនលើបណ្ដាញសង្គម ទាក់ទាញប្រិយមិត្តឱ្យចង់ទៅថតរូបកម្សាន្ត ក្រោយស្បើយពីការរាតត្បាតកូវីដ-១៩ ដែលនៅទីនោះមានឈ្មោះថា «ទឹកធ្លាក់ពាក់ស្នែង» ។
តាមបណ្ដោយផ្លូវពីសៀមរាបទៅកាន់ស្រុកអង្គរធំ ស្ថិតនៅចម្ងាយប្រមាណជាង ១៩ គីឡូម៉ែត្រ ពីទីរួមខេត្តសៀមរាប «ទឹកធ្លាក់ពាក់ស្នែង» ជាកន្លែងកម្សាន្តថ្មីមួយដែលទើបតែបើកដំណើរការឱ្យចូលទស្សនា ដែលនៅទីនោះ មានទេសភាពស្រស់ត្រកាល មានកន្លែងលេងទឹក និង មានកញ្ចុះសម្រាប់អង្គុយហូបអាហារយ៉ាងសប្បាយរីករាយជាលក្ខណៈមិត្តភក្តិ ក្រុមគ្រួសារ និង ដៃគូស្នេហា ជាដើម ។
មិនតែប៉ុណ្ណោះ រមណីយដ្ឋានទេសចរណ៍កែច្នៃមួយនេះ សម្បូរទៅដោយប្លង់ថតរូបស្អាតៗ ដែលកំពុងបើកចិត្តបើកកាយ ចាំទទួលភ្ញៀវទេសចរដែលនិយមចូលចិត្ត និង ស្រឡាញ់ការថតរូប ចង់ថតទៅលេងកម្សាន្តនៅទីនោះ ឱ្យទទួលបាននូវអារម្មណ៍ស្រស់ស្រាយសប្បាយរីករាយ រសាយអស់នូវរាល់ទុក្ខកង្វល់ផ្សេងៗ ៕
មតិពីមិត្តអ្នកអាន