ខេត្តកោះកុង ដែលជាតំបន់ទេសចរណ៍ធម្មជាតិដែរនោះ មានសេវាផ្ទះសំណាក់ និងសណ្ឋាគារ ជាង១០០កន្លែង ក្នុងនោះផ្ទះសំណាក់មានចំនួន ៩៦ ដែលមាន១ ១៩៧បន្ទប់ និងសណ្ឋាគារចំនួន១០ដែលមានបន្ទប់សរុប ៣១៦បន្ទប់។ នេះបើតាម អ្នកស្រី មិថុនា ភូថង អភិបាលខេត្តកោះកុង ដែលបានថ្លែងនៅក្នុងសន្និសីទសារព័ត៌មាន ស្តីពីវឌ្ឍនភាព និងទិសដៅការងារបន្តរបស់ខេត្តកោះកុងនៅព្រឹកថ្ងៃទី១១ ខែមិថុនានេះ។
 កន្លែង check-in នៅ Hue ស្អាតនិងទាក់ទាញអ្នកទេសចរចូលចិត្តនិមិត្តក្នុងការថតរូប |
 កន្លែងកម្សាន្តតម្លៃ៣៥ដុល្លារ នៅខេត្តកំពត បូកទាំងការស្នាក់នៅ និងការកម្សាន្ត |
 |
តាមអ្នកស្រី ភូថង ខេត្តកោះកុង ក៏មានភោជនីយដ្ឋាន និងអាហារដ្ឋាន សរុបចំនួន៩៩កន្លែងផងដែរ ដើម្បីទទួល និងរង់ចាំបម្រើសេវាកម្មដល់អ្នកទេសចរ។
ខេត្តកោះកុង ស្ថិតនៅភាគនិរតីនៃប្រទេសកម្ពុជា និងមានចម្ងាយ ២៩០ គីឡូម៉ែត្រ ពីរាជធានីភ្នំពេញ។ ខេត្តប៉ែកនិរតីមួយនេះ មានព្រំប្រទល់ខាងកើតជាប់នឹងខេត្តកំពង់ស្ពឺ និងខេត្តព្រះសីហនុ ខាងលិចជាប់ឈូងសមុទ្រថៃ និងប្រទេសថៃ ខាងជើងជាប់ខេត្តពោធិ៍សាត់ និងខាងត្បូងជាប់ខេត្តព្រះសីហនុ និងឈូងសមុទ្រថៃ។
ខេត្តកោះកុង ក៏មានតំបន់ទេសចរណ៍ដ៏សម្បូរបែបផងដែរ រួមមានតំបន់វិស្សមកាល, អេកូទេសចរណ៍ធម្មជាតិ, ព្រៃកោងកាង,ទឹកធ្លាក,ឆ្នេរ តំបន់ផ្កាថ្ម និងតំបន់កោះមួយចំនួនដែរ។ ហើយនៅក្នុងឆ្នាំ២០១៩ខេត្តកោះកុង ទទួលបានភ្ញៀវទេសចរចំនួន៣២៨,៦៦២ នាក់ និងមានកំណើនជាមធ្យមពី១៥% ទៅ ២៥% ពីមួយឆ្នាំទៅមួយឆ្នាំ៕
thmeythmey25.com
មតិពីមិត្តអ្នកអាន