នាព្រឹកថ្ងៃទី១៩ ខែកុម្ភៈ នៅទីស្នាក់ការក្រសួងការពារប្រទេសវៀតណាម លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស បានអញ្ជើញជាអធិបតីក្នុងពិធីទទួលបដិសណ្ឋារកិច្ចសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា អញ្ជើញបំពេញទស្សនកិច្ចជាផ្លូវការនៅវៀតណាម។
 |
| លោកនាយឧត្តមសេនីយ៍ Phan Van Giang ទទួលស្វាគមន៍ សម្តេចពិជ័យសេនា ទៀ បាញ់ |
ដំណើរទស្សនកិច្ចជាផ្លូវការនៅវៀតណាមរបស់សម្តេចពិជ័យសេនា ទៀ បាញ់ មានគោលបំណងរក្សាទំនាក់ទំនងកម្រិតខ្ពស់ រួមចំណែកពង្រឹងការកសាងទំនុកចិត្តជាយុទ្ធសាស្ត្ររវាងប្រទេសទាំងពីរ។ នេះក៏ជាឱកាសសម្រាប់ភាគីទាំងពីរវាយតម្លៃលទ្ធផលនៃកិច្ចសហប្រតិបត្តិការលើវិស័យការពារជាតិទ្វេភាគីនាពេលកន្លងមក ព្រមទាំងពិភាក្សា និងឯកភាពលើទិសដៅនៃកិច្ចសហប្រតិបត្តិការលើវិស័យការពារជាតិទ្វេភាគីនាពេលខាងមុខ។
 |
| លោកនាយឧត្តមសេនីយ៍ Phan Van Giang អញ្ជើញជាអធិបតីក្នុងពិធីទទួលបដិសណ្ឋារកិច្ចសម្តេចពិជ័យសេនា ទៀ បាញ់ |
ដំណើរទស្សនកិច្ចនេះធ្វើឡើងក្នុងបរិបទទោះបីមានការប៉ះពាល់ពីការរីករាលដាលនៃ Covid-19 ក៏ដោយ ក៏កិច្ចសហប្រតិបត្តិការលើវិស័យការពារជាតិរវាងវៀតណាម និងកម្ពុជានាពេលកន្លងមកនៅតែទទួលបានលទ្ធផលវិជ្ជមាន ដោយបន្តជាសសរស្តម្ភសំខាន់មួយនៃទំនាក់ទំនងប្រព័ន្ធទ្វេភាគី។
 |
| លោកនាយឧត្តមសេនីយ៍ Phan Van Giang និងសម្តេចពិជ័យសេនា ទៀ បាញ់ ត្រួតពលកងកិត្តិយស នៃកងទ័ពប្រជាជនវៀតណាម |
ភាគីទាំងពីរបន្តរក្សាការជួបប្រជុំ និងទំនាក់ទំនងកម្រិតខ្ពស់ក្នុងទម្រង់អាចបត់បែនបាន អនុវត្តប្រកបដោយប្រសិទ្ធភាពនូវខ្លឹមសារនៃកិច្ចសហប្រតិបត្តិការក្នុងការឃោសនា និងអប់រំស្តីពីទំនាក់ទំនងមិត្តភាពរវាងប្រទេសទាំងពីរ និងកងទ័ពទាំងពីរ ស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុនៃកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតក្នុងសម័យសង្គ្រាម សម្របសម្រួល រក្សាសន្តិសុខ សណ្តាប់ធ្នាប់នៅតំបន់ព្រំដែនប្រកបដោយប្រសិទ្ធភាព បង្កើតលក្ខខណ្ឌអំណោយផលសម្រាប់ការអភិវឌ្ឍសេដ្ឋកិច្ចសង្គមនៅតំបន់ព្រំដែន រួមចំណែកកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ រក្សាបានល្អនូវកិច្ចសហប្រតិបត្តិការរវាងបណ្តាអង្គភាពកងទ័ព កិច្ចសហប្រតិបត្តិការលើវិស័យពេទ្យយោធា ការបណ្តុះបណ្តាល និងហ្វឹកហ្វឺន ...៕
មតិពីមិត្តអ្នកអាន