យុគសម័យ - នាយប់ថ្ងៃទី ១៤ មករា នៅមជ្ឈមណ្ឌលសន្និបាតជាតិ (រដ្ឋធានី Ha Noi) ក្រសួងការបរទេសបានសម្របសម្រួលជាមួយស្ថាប័នពាក់ព័ន្ធ ដើម្បីរៀបចំកម្មវិធីសិល្បៈ និទាឃរដូវនៅស្រុកកំណើត ឆ្នាំ២០២៣ ក្រោមប្រធានបទ “ប្រទេសនៃជំនឿ និងសេចក្តីប្រាថ្នា”។
 និស្សិតវៀតណាមនៅកម្ពុជាទទួលអំណរបុណ្យចូលឆ្នាំប្រពៃណីវៀតណាម ឆ្នាំ២០២៣ |
 សហគមន៍វៀតណាមនៅកូរ៉េខាងត្បូង អបអរសាទរបុណ្យចូលឆ្នាំថ្មីសកល ឆ្នាំ២០២៣ |
អញ្ជើញថ្លែងសុន្ទកថាក្នុងពិធីបើកកម្មវិធីនេះ លោករដ្ឋមន្ត្រីការបរទេស Bui Thanh Son បានលើកឡើងអំពីសមិទ្ធិផលនៃកិច្ចការបរទេស រួមទាំងការងារអាណិកជនវៀតណាមនៅឯបរទេសផងដែរ។ អាស្រ័យហេតុនេះ ការងារថែទាំ និងជួយគាំទ្របងប្អូន ការងារបង្រួបបង្រួមជាតិ និងការកៀរគរធនធានរបស់អាណិកជននៅតែបន្តយកចិត្តទុកដាក់។
លោករដ្ឋមន្ត្រីរូបនេះបានគូសបញ្ជាក់ថា សមិទ្ធផលសំខាន់ៗដែលប្រទេសយើងសម្រេចបាន នាពេលនេះ គឺបានមកពីការរួមចំណែកដ៏មានតម្លៃបំផុតរបស់បងប្អូនជនរួមជាតិនៅឯបរទេស។ បងប្អូនជនរួមជាតិកាន់តែឯកភាពគ្នា គាំទ្រដល់បុព្វហេតុនៃការផ្លាស់ប្តូរថ្មី និងត្រៀមខ្លួនជាស្រេច ដើម្បីរួមចំណែកក្នុងការបំពេញភារកិច្ចរបស់ប្រទេស រួមចំណែកបន្តិចម្តងៗក្នុងការអនុវត្តប្រកបដោយជោគជ័យនូវគោលដៅសំខាន់ៗដែលមហាសន្និបាតបក្សលើកទី១៣ បានដាក់ចេញ។
 |
| លោកប្រធានរដ្ឋ Nguyen Xuan Phuc បានវាយស្គរដើម្បីអបអរសាទរបុណ្យចូលឆ្នាំថ្មីប្រពៃណី ឆ្នាំ២០២៣ ។ |
ថ្លែងមតិក្នុងឱកាសនេះ លោកប្រធានរដ្ឋ Nguyen Xuan Phuc បានសង្កត់ធ្ងន់ថា សហគមន៍ជនវៀតណាមនៅឯបរទេសក៏ជា “កាតាលីករ” រួមចំណែកយ៉ាងសំខាន់ដល់ជោគជ័យនៃកិច្ចការបរទេសរបស់ប្រទេសយើង។ តាមរយៈការផ្លាស់ប្តូរវប្បធម៌ និងសាសនា ជនជាតិវៀតណាមនៅឯបរទេសបានរួមចំណែករក្សាអត្តសញ្ញាណ ផ្សព្វផ្សាយរូបភាព និងតម្លៃវប្បធម៌វៀតណាមនៅបរទេស និងបង្កើតបណ្តាញបេសកជនមិត្តភាពជាមួយប្រទេសដទៃ ដូចលោកប្រធាន Ho Chi Minh បានប្រាប់ជនជាតិវៀតណាមនៅឯបរទេសក្នុងឆ្នាំ ១៩៤៦៖ “ជនវៀតណាមនៅឯបរទេស ម្នាក់ៗត្រូវតែជាឯកអគ្គរដ្ឋទូតប្រជាជនវៀតណាម”។
បន្ទាប់ពីសុន្ទរកថា លោកប្រធានរដ្ឋ Nguyen Xuan Phuc បានវាយស្គរបើកពិធីបុណ្យ ដើម្បីអបអរសាទរបុណ្យចូលឆ្នាំថ្មីប្រពៃណី ឆ្នាំ ២០២៣។
 |
| ការសម្តែងសិល្បៈពោរពេញទៅដោយលក្ខណៈវប្បធម៌វៀតណាម។ |
កម្មវិធីផ្លាស់ប្តូរសិល្បៈ “និទាឃរដូវនៅស្រុកកំណើត ឆ្នាំ២០២៣” បានរៀបចំយ៉ាងអធិកអធម ការសម្តែងសិល្បៈពិសេស លើកតម្កើងប្រពៃណីសាមគ្គីភាពដ៏អស្ចារ្យ “ផឹកទឹកឲ្យនឹកដល់ប្រភព” រួមចំណែកនាំមកនូវបរិយាកាសនិទាឃរដូវដ៏ស្រស់ស្អាត នៅទូទាំងប្រទេស ក៏ដូចជាសហគមន៍ជនវៀតណាមនៅឯបរទេស។. ព្រឹត្តិការណ៍នេះមានវត្តមានសិល្បករក្នុងស្រុក និងសិល្បករនៅឯបរទេស។
 |
| សិល្បករសម្តែងនៅក្នុងកម្មវិធី។ |
លើសពីនេះ មុនកម្មវិធីសិល្បៈ អាណិកជនវៀតណាមនៅឯបរទេសមានឱកាសរីករាយជាមួយកម្មវិធីមហោស្រពម្ហូបដែលពោរពេញទៅដោយលក្ខណៈវប្បធម៌នៃតំបន់ទាំងបី៕
មតិពីមិត្តអ្នកអាន