នាព្រឹកថ្ងៃទី៣ ខែមករា គណៈកម្មាធិការប្រតិបត្តិសមាគមមិត្តភាពវៀតណាម-កម្ពុជានៅទីក្រុងហូជីមិញបានបើកសន្និសីទលើកទី៣ ដើម្បីវាយតំលៃលទ្ធផលការងារឆ្នាំ២០២២ និងដាក់ទិសដៅការងារឆ្នាំ២០២៣។ អញ្ជើញចូលរួមសន្និសីទមានវត្ដមានពីសំណាក់លោក Le Hong Liem អនុប្រធានសមាគមមិត្តភាពវៀតណាម-កម្ពុជានៅទីក្រុងហូជីមិញ និងតំណាងសម្ព័ន្ធអង្គការមិត្តភាពទីក្រុងហូជីមិញ; គណៈកម្មាធិការទទួលបន្ទុកជនវៀតណាមនៅឯបរទេសទីក្រុងហូជីមិញ។
 កម្មវិធីជួបប្រាស្រ័យមិត្តភាពរវាងយុវជន និងនិស្សិត Binh Phuoc ជាមួយនិស្សិតកម្ពុជា និងឡាវ |
 និស្សិតកម្ពុជាមានគ្រួសារនៅប្រទេសវៀតណាម |
 |
| ពិធីបង្ហាញមុខសាខាសមាគមមិត្តភាពវៀតណាម-កម្ពុជានៅទីក្រុងហូជីមិញ |
សកម្មភាពលេចធ្លោរបស់សមាគមមិត្តភាពវៀតណាម-កម្ពុជានៅទីក្រុងហូជីមិញឆ្នាំ២០២២ ត្រូវបានអង្គសន្និបាតវាយតម្លៃខ្ពស់ រួមមាន៖ ការផ្សព្វផ្សាយពិធីបុណ្យធំៗនៃប្រទេសទាំងពីរវៀតណាម-កម្ពុជា ទីក្រុងហូជីមិញ និងតំបន់នានានៃប្រទេសកម្ពុជា; សកម្មភាពការទូតរវាងប្រទេសទាំងពីរ; ការជួយគាំទ្រនិស្សិតកម្ពុជាដែលកំពុងសិក្សា និងរស់នៅក្នុងទីក្រុងហូជីមិញ និងរាល់សកម្មភាពសង្គម និងសប្បុរសធម៌នៅមូលដ្ឋាននានារបស់កម្ពុជា និងប្រជាពលរដ្ឋខ្មែររស់នៅតាមបណ្តាខេត្ត ក្រុងនៅទូទាំងប្រទេស។
ក្នុងនោះ សមាគមបានចុះពិនិត្យសុខភាព ផ្ដល់ថ្នាំពេទ្យ និងប្រគល់អំណោយចំនួន ១៩ លើកជូនចំពោះអ្នកជំងឺក្រីក្រជាង ១ ម៉ឺននាក់ និងសាងសង់ផ្ទះចំនួន ៤ ខ្នង។ ព្រមទាំងទទួលនិស្សិតកម្ពុជាជាកូនធម៌ចំនួន ១២ នាក់ និងបង្កើតមូលនិធិជួយឧបត្ថម្ភនិស្សិតកម្ពុជាដែលកំពុងសិក្សានៅទីក្រុងហូជីមិញ និងនិស្សិតជនជាតិខ្មែរ។
 |
| លោក Trang Huu Nghia អនុប្រធានសមាគមមិត្តភាពវៀតណាម-កម្ពុជានៅទីក្រុងហូជីមិញបានទទួលនិស្សិត Un Fong ជាកូនធម៌ដែលកំពុងសិក្សានៅវិទ្យាស្ថានអាកាសចរណ៍ទីក្រុងហូជីមិញ |
នៅឆ្នាំ២០២៣ សមាគមមិត្តភាពវៀតណាម-កម្ពុជានៅទីក្រុងហូជីមិញមានគោលបំណងលើកកម្ពស់សកម្មភាពការទូតប្រជា ជនរវាងប្រទេសវៀតណាម និងកម្ពុជា។ ឃោសនាទំនាក់ទំនងមិត្តភាព និងកិច្ចសហប្រតិបត្តិការជិតស្និទ្ធរវាងប្រទេសទាំងពីរវៀតណាម-កម្ពុជា; ទទួលនិស្សិតកម្ពុជាជាកូនធម៌ចំនួន ២០ នាក់ ដែលកំពុងសិក្សានៅទីក្រុងហូជីមិញ ព្រមទាំងជំរុញការតភ្ជាប់ និងណែនាំឱកាសសហប្រតិបត្តិការវិនិយោគរបស់ធុរកិច្ចវៀតណាម និងទីក្រុងហូជីមិញមកកាន់កម្ពុជា៕
មតិពីមិត្តអ្នកអាន