បើចង់ទៅទីនោះយើងគ្រាន់តែធ្វើដំណើរឆ្លងស្ពានសេកុងឆ្ពោះទៅទិសខាងជើងផ្លូវជាតិលេខ៧ព្រំដែនកម្ពុជាឡាវ។ ធ្វើដំណើរមិន ដល់២០នាទីនឹងឃើញសញ្ញ៉ាផ្លូវចូលសហគមន៍ទៅរមណីយដ្ឋាននៅខាងឆ្វេងដៃជាច្រើនកន្លែង។ ទីនោះយើងអាចចូលទៅកម្សាន្តនៅសហគ មន៍មួយណាក៏បានដែរហើយគេក៏មានសេវាកម្មទូកជូនទៅមើលធម្មជាតិស្រស់ស្អាតតាមដងទន្លេបានតាមចិត្តភ្ញៀវ។
ធម្មជាតិស្រស់ស្អាតតាមដងទន្លេបានតាមចិត្តភ្ញៀវ។ (រូបថត៖ raismei.com)
សក្តានុពលតាមដងទន្លេមេគង្គយើងមើល ឃើញផ្ទះអ្នកភូមិ ផលដំណាំ ទូកនេសាទតាមដងទន្លេជាច្រើន។ មិនតែប៉ុណ្ណោះ ថែមទាំងមានកោះតូចៗ ព្រៃលិចទឹក ដ៏ស្រស់ស្អាតទាក់ទាញណាស់។
កោះហានគឺជាកោះមួយដែលស្ថិតក្នុងតំបន់រ៉ាមសារ នៅភាគខាងជើងខេត្តស្ទឹងត្រែង។ តំបន់នោះ មានភាពទាក់ទាញចាប់អារមណ៍ដូចជា ពេលថ្ងៃយើងអាចជិះទូកមើលព្រៃលិចទឹក និងមើលហ្វូងសត្វស្លាបជិះទូកកៃយ៉ាកតាមព្រៃលិចទឹក។ បើនៅពេលយប់បោះតង់លើវាលខ្សាច់ ដោយមានភ្នក់ភ្លើងដុតត្រីស្តាប់សំឡេងសត្វយំ។ សក្តានុពលសម្បូរទៅដោយធនធានធម្មជាតិ រួមមាន ព្រៃលិចទឹក ដែលជាជម្រកដ៏សំខាន់សម្រាប់ពពួកត្រីមេពូជធំៗ ផងដែរ។
ព្រៃលិចទឹក ដ៏ស្រស់ស្អាតទាក់ទាញណាស់។(រូបថត៖ raismei.com)
លោក សេង សុធា អ្នកធ្វើការងារជាមួយសហគមន៍បាន លើកឡើងថា សហគមន៍អេកូទេសចរណ៍ មានសម្រស់ជាងគេគឺកោះហាន។ កោះនេះស្ថិត ក្នុង ឃុំ កោះ ស្នែងស្រុក បុរី អូរ ស្វាយ សែន ជ័យដែលជាស្រុកបង្កើតថ្មីជាប់ព្រំដែនកម្ពុជាឡាវ។
ទន្ទឹមនឹងនេះ ពពួកសត្វស្លាបកម្រច្រើនប្រភេទត្រូវគេប្រទះឃើញមានវត្តមានផ្តុំគ្នានៅព្រៃតំបន់រ៉ាមសារខេត្តស្ទឹងត្រែង ។ មន្ត្រីអភិរក្សផ្នែកបរិស្ថានក៏បានសហការជារួមជាមួយសហគមន៍បុរីអូរស្វាយបង្កើនការអភិរក្សសត្វស្លាបទឹក និងការពារជម្រករស់នៅរបស់វា ព្រោះនៅប៉ុន្មានឆ្នាំចុងក្រោយនេះ ពពួកសត្វក្អែកទឹក សត្វស្មោញ និងពពួកសត្វស្លាប់ផ្សេងៗច្រើនទៀតបានមកនៅព្រៃតំបន់រ៉ាមសារតាមដងទន្លេមេ គង្គលើ។
តំបន់«រ៉ាមសារ»ជាជម្រកសត្វស្លាបជិត១០០ប្រភេទកំពុងរស់នៅ។ (រូបថត៖kohsantepheapdaily.)
នៅ ទីនោះ យើង ក៏អាច ជិះទូក មើល ព្រៃ លិច ទឹក មើលសត្វ ស្លាប ទឹកទន្លេ មេគង្គ និង ឡើង ភ្នំ ទស្សនា រូបសំណាក់ ថ្ម ពាក់ព័ន្ធ រឿងព្រេង ជាដើម៕
(បូកសរុបដោយឌីណា)
មតិពីមិត្តអ្នកអាន